غادة

بعد ما خلصت كلام، افتكرت إن صاحبتها هتمشي، ومش هتعرفها تاني وهتأكد لها كل اللي كانت حاسة إنه هيحصل.. بس لقت إنها لغت كل مواعيدها علشانها، وقعدت معاها واديتها مساحة تحكي عن معانتها وحزنها وبعدها سألتها: حاسة بـ إيه بعد ما حكيتي؟

ردت عليها وقالت: وكأن فيل شال رجل من رجليه من علي صدري.

خرجت من المقابلة دي وهي شايفة إنها شخص جميل، مش وحش.. بدأت تصلح علاقتها بكل الناس اللي خسرتهم، لمجرد إنها تخلصت من التقل اللي كان علي قلبها، ومخليها كانت حاسة إن مفيش حد في العالم هيقبلها.

لحظة واحدة من التعاطف والمشاركة وأنك تسمع من قلبك بجد قادرة تغير كل حاجة.. قادرة تخرج شخص من الضلمة للنور.

المحبة والتقبل بتدي ثقة للي بيتكلم إنه عادي يحكي أي حاجة وان حزنه مش صغير وتافه، وبتلغي كل أفكاره الوحشة عن نفسه.

أنا واثقة أن وجودك وسط ناس بتحبك بيخليك منور، بتحب نفسك، قادر تقف وتقول أنك في مشكلة بس بتبقي عارف إن اللي هيهون عليك أن في حد قادر تلجأ له وتحكيله ويشاركك كل الـ ups and downs اللي بتحس بيها زي ما هي في قلبك ودماغك بالضبط.. من غير ما يحسسك إن مشاعرك دي عادية.. لو ساعدك تقبلها من غير ما يضغطك، أنت هترتاح، وهو هيفهمك وهيقدر الخلاط اللي مشاعرك فيه، وبالتالي هتطلع من الضلمة أسرع وأقوي.

كل ما الواحد بيكبر بيدور علي الدايرة المريحة الآمنة اللي يقدر يبقي فيها هو، بطبيعته.. احنا مشاعرنا بتتغير يوم تلاقينا حلوين.. يوم تلاقينا مش قادرين، يوم نحب الدُنيا، ويوم عايزين نستخبي ومنكلمش حد.. فهي باكيدچ يا بتختار تقبلها زي ما هي، يا بتختار تسيبها زي ما هي.

take me as i am, whoever i am.