مانا: بحرین کے وزیر اعظم شیخ خلیفہ بن سلمان ال خلیفہ 84 برس کی عمر میں انتقال کر گئے۔وہ 49 برس تک وزارت عظمیٰ کے عہدے پر فائز رہے۔ عرب میڈیا کے مطابق بحرین کے وزیر اعظم شیخ خلیفہ بن سلمان طبیعت کی ناسازی کے باعث امریکہ کے مائیو کلینک میں زیرعلاج تھے۔84 سالہ شیخ خلیفہ بن سلمان ال خلیفہ کی تدفین بحرین میں کی جائے گی۔بحرین کے فرمانروا شاہ حمد بن عیسی ال خلیفہ نے ملک بھر میں ایک ہفتہ سوگ کا اعلان کیا ہے جس کے دوران سرکاری پرچم سرنگوں کیے جائیں گے نیز کل جمعرات سے تمام سرکاری محکموں میں تین دن تعطیل ہوگی۔ عرب میڈیا رپورٹ کے مطابق شیخ خلیفہ بن سلمان 24 نومبر 1935 کو پیدا ہوئے۔ وزیر اعظم بننے سے قبل وہ سٹیٹ کونسل اور سپریم ڈیفینس کونسل کے بھی سربراہ رہے۔ شہزادہ خلیفہ سب سے طویل عرصہ کسی ملک کے وزیر اعظم رہنے والے رہنما تھے، انہوں نے سنہ 1971 میں وزیر اعظم کا عہدہ سنبھالا تھا اور 49 برس اس عہدے پر فائز رہے۔وزیر اعظم کی تدفین کب اور کہاں کی جائے گی اس حوالے سے اب تک کوئی تفصیلات سامنے نہیں آسکیں۔ https://www.instagram.com/p/CHe2nf_FQ6J/?igshid=2t3oukpig45n

اسلام آباد:حضورﷺکی شان اقدس میں گستاخی اور خاکوں کے معاملہ پر وفاقی حکومت نے ملک بھر میں ہفتہ عشق رسولﷺمنانےکا فیصلہ کر لیا۔ تفصیلات کے مطابق حضورﷺکی شان اقدس میں گستاخی اورخاکوں کے معاملہ پر وزیر مذہبی امور نے کابینہ اجلاس میں ہفتہ عشق رسولﷺمنانےکی تجویز دی جس پر وزیراعظم عمران خان نے وزیر مذہبی امور پیرنورالحق قادری کی تجویز سےاتفاق کرتے ہوئے وزیراعظم عمران خان نے ہفتہ عشق رسولﷺ کا حتمی پلان تیار کرنے کی ہدایت کر دی۔ ہفتہ عشق رسولﷺ12سے18ربیع الاول تک جاری رہےگا جبکہ صوبے بھی وفاقی حکومت کی ہدایات کےمطابق ہفتہ عشق رسولﷺمنائیں گے۔ دوسری جانب وزیر اعظم عمران خان نے حضورﷺ کی شان اقدس میں گستاخی اور خاکوں کا معاملہ عالمی فورم پر اٹھانے اور مسلم حکمرانوں کو خطوط لکھنے کا فیصلہ کرلیا ہے،وزیر اعظم عمران خان گستاخانہ خاکوں کے معاملے پر مسلم حکمرانوں کو خطوط لکھیں گے،وزیر اعظم عمران خان تمام مسلم ممالک کے سربراہان کو الگ الگ خطوط لکھیں گے۔وزیراعظم عمران خان خط میں مسلم ممالک کو گستاخانہ خاکوں کے معاملے پر اتحاد اور یکجہتی کی درخواست کریں گے، خط میں معاملے کی حساسیت اور مسلم امہ کے جذبات کو ٹھیس پہنچانے کی بات ہوگی،خط میں وضع کیا جائے گا کہ تمام مسلم ممالک متحد ہوکر اقوام عالم کو حضورﷺ سے عقیدت و محبت کا پیغام دیں ۔ واضح رہے کہ رواں ماہ فرانسیسی صدر ایمانوئیل میکرون کی جانب سے اسلام مخالف بیانات سامنے آئے جو انھوں نے کلاس میں طلبہ کو پیغمبر اسلام کے متنازع خاکے دکھانے پر ایک فرانسیسی استاد کے بیہیمانہ قتل کے بعد دیے تھے۔ فرانسیسی صدر نے رواں ماہ ملک میں خواتین پر حجاب پہننے پرعائد پابندی کو نجی شعبے میں بھی لاگو کرنے کا اعلان کرتے ہوئے کہا تھاکہ اسلام ایک مذہب کے طور پر دنیا بھر میں بحران کا شکار ہے، ان کا کہنا تھا کہ حکومت فرانس میں چرچ اور ریاست کو باضابطہ طور پر الگ کرنے والے 1905 کے قانون کو مستحکم کرنے کے لیے دسمبر میں ایک بل پیش کرے گی۔ انہوں نے حکومت کا اسکولوں کی سخت نگرانی اور مساجد کی غیر ملکی فنڈنگ پر سخت کنٹرول کا بھی اعلان کیا تھا۔  https://www.instagram.com/p/CG4XHc0Fo4i/?igshid=f82i8m89db7x

پشاور: وزیراطلاعات شبلی فراز نے کہا ہے کہ پاکستان میں بنارسی ٹھگوں کا ٹولہ اکٹھا ہوا ہے،بنارسی ٹھگوں کا ٹولہ پاکستان کو پیچھے دھکیلنا چاہتاہے،کرپٹ لیڈر این ار او مانگ رہے ہیں۔ میڈیاسے گفتگو کرتے ہوئے وزیراطلاعات شبلی فراز کا کہنا تھا کہ یہ 2 طبقات اور قوتوں کی جنگ ہے،پاکستان میں بنارسی ٹھگوں کا ٹولہ اکٹھا ہوا ہے،بنارسی ٹھگوں کا ٹولہ پاکستان کو پیچھے دھکیلنا چاہتا ہے،کرپٹ لیڈر این ار او مانگ رہے ہیں،یہ عناصر کرپشن اورچوری کے تحفظ کیلئے اکٹھے ہوئے ہیں،یہ عناصر اپنی لوٹ مار اور کرپشن کا تحفظ چاہتےہیں، والدین کی چوری بچانےکی مہم جاری ہے،عوام نےان کو مسترد کر دیا، پھر بھی ہاتھ پاؤں مار رہے ہیں۔ ان کا مزید کہنا تھا کہ ذاتی مفاد کے لیے ملکی وسائل کو لوٹا گیا،اپوزیشن نے ہر ادارے میں اپنے سہولت کار بٹھائے اور تمام اداروں کو بتدریج تباہ کیا گیا، ٹیکس نظام کوبھی انہوں نےتباہ کیا۔ انہوں نے مزید کہا کہ وزیراعظم عمران خان واحد شخص ہے جو غریبوں کا خیال رکھتا ہے، وزیر اعظم ملکی ترقی اورمسائل کے حل کے لیے پرعزم ہیں،حکومتی اقدامات سےمعیشت کواستحکام ملا،اقتصادی اعشاریے بہترہوئے،ترسیلات زر اور برآمدات میں اضافہ ہوا جبکہ جاری کھاتوں کے خسارے میں نمایاں کمی ہوئی،کوئی شک نہیں مہنگائی ہے، ہم مانتے ہیں۔  https://www.instagram.com/p/CGhhpCeld43/?igshid=1t9fkwfenj0ot

پشاور: وزیراطلاعات شبلی فراز نے کہا ہے کہ پاکستان میں بنارسی ٹھگوں کا ٹولہ اکٹھا ہوا ہے،بنارسی ٹھگوں کا ٹولہ پاکستان کو پیچھے دھکیلنا چاہتاہے،کرپٹ لیڈر این ار او مانگ رہے ہیں۔ میڈیاسے گفتگو کرتے ہوئے وزیراطلاعات شبلی فراز کا کہنا تھا کہ یہ 2 طبقات اور قوتوں کی جنگ ہے،پاکستان میں بنارسی ٹھگوں کا ٹولہ اکٹھا ہوا ہے،بنارسی ٹھگوں کا ٹولہ پاکستان کو پیچھے دھکیلنا چاہتا ہے،کرپٹ لیڈر این ار او مانگ رہے ہیں،یہ عناصر کرپشن اورچوری کے تحفظ کیلئے اکٹھے ہوئے ہیں،یہ عناصر اپنی لوٹ مار اور کرپشن کا تحفظ چاہتےہیں، والدین کی چوری بچانےکی مہم جاری ہے،عوام نےان کو مسترد کر دیا، پھر بھی ہاتھ پاؤں مار رہے ہیں۔ ان کا مزید کہنا تھا کہ ذاتی مفاد کے لیے ملکی وسائل کو لوٹا گیا،اپوزیشن نے ہر ادارے میں اپنے سہولت کار بٹھائے اور تمام اداروں کو بتدریج تباہ کیا گیا، ٹیکس نظام کوبھی انہوں نےتباہ کیا۔ انہوں نے مزید کہا کہ وزیراعظم عمران خان واحد شخص ہے جو غریبوں کا خیال رکھتا ہے، وزیر اعظم ملکی ترقی اورمسائل کے حل کے لیے پرعزم ہیں،حکومتی اقدامات سےمعیشت کواستحکام ملا،اقتصادی اعشاریے بہترہوئے،ترسیلات زر اور برآمدات میں اضافہ ہوا جبکہ جاری کھاتوں کے خسارے میں نمایاں کمی ہوئی،کوئی شک نہیں مہنگائی ہے، ہم مانتے ہیں۔  https://www.instagram.com/p/CGhhpCeld43/?igshid=1t9fkwfenj0ot

اسلام آباد:پاکستان ٹیلی کمیونی کیشن اتھارٹی (پی ٹی اے) نے ملک میں ٹک ٹاک کو دوبارہ بحال کرنے کا فیصلہ کر لیا اور آج ٹک ٹاک بحال کرنے کا نوٹیفکیشن جاری کردیا جائے گا۔ ترجمان پاکستان ٹیلی کمیونی کیشن اتھارٹی (پی ٹی اے) کے مطابق ٹک ٹاک نے غیر اخلاقی مواد ہٹانے کی یقین دہانی کروا دی،ٹک ٹاک غیر اخلاقی مواد پھیلانے والے تمام اکاونٹس کو بلاک کرے گا لہذا ملک میں ٹک ٹاک بحال کرنے کا فیصلہ کر لیا ہے اور آج ٹک ٹاک بحال کرنے کا نوٹیفکیشن جاری کردیا جائے گا۔ ترجمان کا مزید کہنا تھا کہ ٹک ٹاک انتظامیہ غیر اخلاقی و غیر مناسب مواد کی روک تھام کا میکانزم بنانے پر آمادہ ہوا جس پر پی ٹی اے اتھارٹی کے اجلاس میں ٹک ٹاک انتظامیہ کے اقدامات کےجائزہ کے بعد فیصلہ کیا گیا۔ یاد رہے کہ پاکستان ٹیلی کمیونی کیشن اتھارٹی (پی ٹی اے) نے 9 اکتوبر کو ویڈیو شیئرنگ ایپ ٹک ٹاک پر پابندی عائد کی تھی، جس کے لیے نامناسب مواد کو ہٹانے میں ناکامی کو جواز بنایا گیا تھا۔جس پر ٹک ٹاک انتظامیہ کا کہنا تھا کہ گزشتہ ایک سال کے دوران مواد کی نگرانی کیلئے سنجیدہ کوششیں کیں، مواد کی بہتر نگرانی کیلئے مقامی زبانوں میں ٹیمیں تشکیل دیں، حکومت پاکستان کی طرف سے سوالوں کے حل کیلئے کوششیں کیں، پاکستانی قوانین کی پاسداری کیلئے پی ٹی اے کے ساتھ مل کر کام کررہے ہیں،امید ہے حکومت پاکستان ہمیں بہترین ماحول میں کام کرنے کا موقع دے گی۔ واضح  رہے کہ اس سے پہلے24 ستمبر کو پی ٹی اے نے ٹک ٹاک سے کہا تھا کہ فحش ، غیراخلاقی اور نامناسب مواد کوپاکستان میں دیکھے جانےکیلئے فوری بلاک کرے بصورت دیگر قانون کے تحت کارروائی کی جائے گی جس پر ٹک ٹاک انتظامیہ کی جانب سے کوئی جواب موصول نہیں ہو اتھا۔  https://www.instagram.com/p/CGhhUf3FcwZ/?igshid=23k6rirnfl8z

اسلام آباد:انٹرنیشنل مانیٹری فنڈ(آئی ایم ایف) نے پاکستان بارے کورونا مانیٹرنگ رپورٹ جاری کر دی۔ انٹرنیشنل مانیٹری فنڈ(آئی ایم ایف) کی جانب سے جاری کردہ رپورٹ کے مطابق سادگی کے اعلانات کے باوجود حکومتی اخراجات بڑھ گئےاور گذشتہ ایک سال میں حکومت کے اخراجات میں ایک فیصد اضافہ ہوا،سال 2019 کی نسبت 2020 میں اخراجات 22 سے بڑھ کر 23 فیصد ہوگئے۔ رپورٹ میں مزید کہا گیا کہ آئندہ سال مالیاتی خسارہ 6.7 فیصد رہنے کا خدشہ ہے،سال2019 میں قرض کا بوجھ معیشت کے 85.6 فیصد کے مساوی تھا جبکہ سال 2020 میں قرض کا بوجھ معیشت کے 87.2 فیصد تک پہنچا،آئندہ سال قرضوں کا بوجھ معیشت کا86 فیصد رہنے کا خدشہ ہے تاہم سال 2023 میں پاکستان کی معیشت بہتر ہونے کی توقع ہے،پاکستانی معیشت میں اگلے تین سال میں بتدریج بہتری کے امکانات ہیں،سال2023 میں قرضوں، اخراجات اور مالی خسارے میں کمی متوقع ہے،سال 2023 میں ٹیکس آمدن معیشت کا 17.7 فیصد تک جانے کا امکان ہے جبکہ سال 2023 میں قرض معیشت کے78.3 فیصد مساوی ہونے کا امکان ہے،سال 2023 میں حکومتی اخراجات کم ہوکر 21.7 فیصد رہنے کا امکان ہے۔  https://www.instagram.com/p/CGZ8quOFoZ1/?igshid=xs6dvlevwbay

اسلام آباد : سابق وزیراعظم شاہدخاقان عباسی نے کہاہے کہ آج عوام غربت کی چکی میں پس رہے ہیں ، حکومت کی نااہلی اور کرپشن کی وجہ سے ملکی معیشت تباہ ہو چکی ہے، حکومت اس بات کااحساس کرلے۔ تفصیلات کے مطابق  لیگی رہنما اورسابق وزیراعظم شاہد خاقان عباسی نے میڈیا سے بات کرتے ہوئے کہا کہ یہ حکومت عوام کے مسائل حل کرنے کے سنجیدہ نہیں ہیں، حکومت کاگھیراعوام ، ملکی معیشت کی تباہی نے تنگ کردیا ہے ، وزرا عوام کی خدمت کریں، پریس کانفرنس سے وزارتیں نہیں چلتی، یہ اقتدارکی نہیں ملکی مسائل کی جنگ ہے۔ انہوں نے کہا کہ حکومت نے مجبور ہو کر گوجرانوالہ جناح اسٹیڈیم میں جلسہ کرنے کی اجازت دی ہے ، کل کے جلسے میں کئی لاکھ لوگ ہوں گے ۔ ان کا مزید کہنا تھا کہ کل پاکستان میں جمہوریت کی فتح کی افتتاح ہوگی، گوجرانوالہ جانے والی سڑک پر کنٹینرز کی ایک بڑی تعداد رکھی ہوئی ہے ،ان کنٹینرز کا کوئی فائدہ نہیں ، یہ حکومت سوائے اپوزیشن کو دھمکیاں دینے اور جھوٹے الزام لگانے کے ملک میں کسی پریشانی کا ذکر نہیں کرتے ۔ کوئی وزیر یہ نہیں بتاتا کہ اس کے محکمے نے عوام کو کیا ریلیف دیا ہے ،وزیر اعظم آج تک یہ نہیں بتا سکا ملک میں چیزوں کی قیمتیں کیوں زیادہ ہو گئی بجلی ، گیس کے بل میں کیوں اضافہ ہوا ،غریب آدمی سب سے پہلے بجلی اور گیس کے بل ادا کرتا ہے ،آج ملک میں ہر شخص پریشان ہے ۔ سابق وزیراعظم نے کہا کہ ہم نے ہمیشہ پارلیمان کا احترام کیا ہے ،آج سے تین ہفتے پہلے 16 تاریخ کو جلسہ کا اعلان کیا گیا، پاکستان کی قومی اسمبلی کے اسپیکر نے کل قومی اسمبلی کا اجلاس ساڑھے4 بجے بلا لیا ،سپیکر کا رویہ اس بات کی عکاسی ہے کہ یہ لوگ پارلیمان کو چلانا نہیں چاہتے ،جمعہ کے دن ہمیشہ اجلاس صبح 10 بجے رکھا جاتا ہے ، قومی اسمبلی کا سپیکر دونوں سائید کا کسٹوڈین ہوتا ہے آج وہ بھی اس جلسہ میں فریق بن چکا ہے ۔ شاہد خاقان عباسی کا کہنا تھا کہ کل سینیٹ کا اجلاس بھی بلا لیا گیا ہے ،کونسا اہم مسئلہ تھا کہ کل یہ دونوں اجلاس بلائے گئے ، انہوں نے جمہوریت کو مفلوج کر دیا ہے ،جب تک ملک میں الیکشن متنازع ہوں گے عوام کی امانت میں خیانت کی جائے گی تو ملک ترقی نہیں کر سکے گا ، جمہوریت رویے کا نام ہوتا ہے ، اپوزیشن کا جلسہ ہے آپ نے قومی اسمبلی کا اجلاس اسی وقت میں بلا لیا تاکہ اپوزیشن نہ آسکے ۔ یہ وہ رویہ ہےجس نے جمہوریت کو کمزور کر دیا گیا ہے ، ہماری تحریک اسی کے خلاف ہے کہ ملک میں حقیقی جمہوریت قائم ہو ۔ افسوس کی بات ہے کہ ملک کا وزیر اعظم کہتا ہے کہ فوج اور آئی ایس آئی نظر رکھتے ہیں ۔ حکومتی ارکان اپنی فکر کریں ہماری نہیں ۔  https://www.instagram.com/p/CGXVKB5lyrZ/?igshid=1ry8vy82ggmfc

نیویارک : معروف ویڈیو شیئرنگ ویب سائٹ یوٹیوب نے کرونا وائرس سے متعلق غلط معلومات پھیلانے پر پابندی عائد کردی۔ غیر ملکی خبر رساں ادارے  کے مطابق مشہور ویڈیو شیئرنگ ویب سائٹ یوٹیوب نے مہلک ترین کورونا وائرس سے متعلق غلط معلومات پرپابندی عائد کرتے ہوئے ایسی تمام  ویڈیوز کو ہٹانے کا فیصلہ کیا ہے،یوٹیوب انتظامیہ کا کہنا ہے کہ کرونا وائرس کی وبا سے متعلق جھوٹ اور سازشی نظریات کے خلاف قوائد میں اضافہ کررہے ہیں۔یوٹیوب انتظامیہ کا کہنا ہے کہ نیشنل ہیلتھ سروس یا عالمی ادارہ صحت (ڈبلیو ایچ او )کے ماہرین کی رائے سے متصادم تمام ویڈیو کو ہٹا دیا جائے گا۔ یاد رہے کہ اس سے قبل فیس بک انتظامیہ نے بھی غلط معلومات پھیلانے والوں کے خلاف کارروائی کا اعلان کیا تھا۔  https://www.instagram.com/p/CGWr8delD0f/?igshid=ueniiujkh61d

ویب ڈیسک : وادی سوات کے بالائی علاقوں میں موسم سرما کی پہلی برفباری شروع ہوگئی ، حسین وادیوں نے برف کی سفید چادر اوڑھ لی ۔ تفصیلات کے مطابق وادی کالام ، مہوڈنڈ، گبرال ، اشو اور مٹلتان میں موسم سرما کی پہلی برفباری نے دلکش وادیوں کے حُسن کو چار چاند لگا دیے ہیں ، وادی کالام میں برف باری کے خوبصورت مناظر سے مرجھائے ہوئے چہرے بھی خوشی سے کھل اٹھے جبکہ یخ بستہ ہواؤںسے سردی کی شدت میں بھی اضافہ ہوا ہے ۔ برف باری کے حسین مناظر سے لطف اندوز ہونے کے لئے ملک بھر سے سیاحوں نے سیاحتی علاقوں کالام ، اوشو مٹلتان اور اتروڑ گبرال کا رخ کرلیا ہے۔ مقامی لوگوں نے برف کی ویڈیوز بنا کر سوشل میڈیا پر شئیر بھی کیں ، اگرچہ ان کا کہنا ہے کہ یہ موسم ان کے لیے جہاں خوشی کا سبب ہے وہیں ان کے لیے مشکلات کا آغاز بھی ہوجاتاہے ۔ موسم کی شدت سے بچاؤ کے لئے جہاں لوگ گرم ملبوسات کا استعمال کر رہے ہیں وہیں آگ جلا کر بھی خود کو گرم رکھنے کی کوشش کر رہے ہیں۔ دوسری جانب محکمہ موسمیات نے آئندہ چوبیس گھنٹے تک بالائی علاقوں بارش اور پہاڑوں پر برفباری کا سلسلہ جاری رہنے کی پیش گوئی کی ہے ۔   ( نمائندہ سوات جی این این : نوید شہزاد ) https://www.instagram.com/p/CGUT_2mlakf/?igshid=4jf96vwt5fe

لاہور: لیگی اراکین نے پنجاب اسمبلی میں میاں جلیل شرقپوری کا گھیراو کر لیا، لیگی رہنماؤں نے جلیل شرقیپوری کے سر پر لوٹا رکھ دیا۔ تفصیلات کے مطابق لیگی ایم پی اے جلیل شرقپوری پنجاب اسمبلی کے اجلاس میں شرکت کیلئے آئے تو لیگی ایم پی ایز نے انہیں اندر داخل ہونے سے روک دیا۔ ایم پی اے میاں رؤف نے جلیل شرقپوری کو روکا جبکہ لیگی ارکان نے جلیل شرقپوری کے سر پر لوٹا رکھ دیا، میاں جلیل شرقپوری کے سامنے لوٹے لہرائے گے، اپوزیشن رہنما حسن مرتضی اور علی حیدر گیلانی جلیل شرقپوری کو بچانے کے لیے آ گئے،پنجاب اسمبلی سیکورٹی نے جلیل شرقپوری کو لیگی رہنماؤں کے گھیراؤ سے نکالا۔ جلیل شرقپوری کا کہنا تھا کہ میں نے ڈسپلن کی خلاف ورزی نہیں کی، میرے علاقے کے شخص نے ہی مجھ سے بد تمیزی کی، حمزہ اور شہباز شریف کو اس شخص کیخلاف ایکشن لینا چاہیے، جمہوریت میں اختلاف ہوتا ہے لیکن ایسے بدتمیزی نہیں ہوتی،مریم صاحبہ کو چاہیے کہ ایسے بے عقلوں کے خلاف ایکشن لیں اور ایسے لوگوں کیخلاف شوکاز نوٹس لینا چاہیے۔ https://www.instagram.com/p/CGJwsOPlXf_/?igshid=p175xgh07yav

ٹک ٹاک کو پاکستان میں بند کر دیا گیا ہے۔۔۔ حکومت کے اس فیصلے پر آپ کی کیا رائے ہے؟ کیا ٹک ٹاک کو بند کرنا ایک درست فیصلہ ہے؟۔ اپنی رائے کا اظہار کیجیے https://www.instagram.com/p/CGIAQ_Ql55J/?igshid=s817blezyd6z

لاہور: اورنج لائن میٹر و ٹرین پٹڑی پرآنے کو تیار۔وزیر اعلی عثمان بزدار نےپچیس اکتوبر کو اورنج ٹرین کو آپریشنل کرنے کی منظوری دیدی۔ تفصیلات کے مطابق وزیر اعلی عثمان بزدار نے 25 اکتوبر کو اورنج ٹرین کو آپریشنل کرنے کی اصولی منظوری  دیدی۔ وزیراعلی نے اورنج ٹرین ٹریک کے نیچے بیوٹیفیکشن کا کام جلد مکمل کرنے کی بھی ہدایت کردی اس کے علاوہ آپریشنل امور کو بھی تیزی سے مکمل کیاجارہاہے ۔ وزیر اعلی پنجاب اورنج ٹرین کے حوالے سے متعدد اجلاسوں کی صدارت کرچکے ہیں، وزیراعلی پنجاب اورنج ٹرین کے اموربارے موقع پر بھی جاکربریفنگ لےچکے ہیں ، متعدد اجلاسو ں اورتیار یوں کے بعد اورنج ٹرین کے آپریشنل امور کو حتمی شکل دی گئی جبکہ اورنج لائن میٹر و ٹرین کا کرایہ پہلے ہی پنجاب کابینہ چالیس روپے طے کرچکی ہے۔  https://www.instagram.com/p/CGAVXXhlK6A/?igshid=augrevmgywkp

لاہور: مسلم لیگ (ن) کے صدر اور قومی اسمبلی میں اپوزیشن لیڈر شہبازشریف نے منی لانڈرنگ کیس کی سماعت کے دوران عدالت سے نیب حکام کے رویئے کی شکایت کردی ۔  تفصیلات کے مطابق لاہور کی احتساب عدالت میں شہباز شریف فیملی کے خلاف منی لانڈرنگ ریفرنس کی سماعت جسٹس جواد الحسن نے کی  ۔ شہباز شریف لاہور کی احتساب عدالت میں پیش ہوئے۔ نصرت شہباز، سلمان شہباز اور رابعہ عمران کے وارنٹ گرفتاری کے حوالے سے رپورٹ عدالت میں جمع کرائی گئی۔ دوران سماعت لیگی رہنما شہبازشریف نے کمرہ عدالت میں بیان دیتے ہوئے کہاکہ میری ایک شکایت ہے جو بہت ضروری ہے ،سارازمانہ جانتا ہے مجھے کمر کی تکلیف ہے،25 سال سے اس تکلیف میں مبتلاہوں، میں نماز پڑھنے کیلئے کرسی کارخ تبدیل کرنے کیلئے مدد لیتا تھا، یکم اور2 اکتوبر کو میری مدد کرنے سے انکار کردیاگیا۔ انہوں نے کہا کہ میں نے نیب والوں کو کہا مجھے کمر میں تکلیف ہے میں نیچے نہیں بیٹھ سکتا، مجھے پہلے کھانا میز پر رکھ کر دیتے تھے لیکن اب زمین پر رکھ کر دیتے ہیں ،جان بوجھ کر تاکہ مجھے جھکنا پڑے، اس عدالت نے مجھے نیب کی تحویل میں دیا ہے ، جس پرجج احتساب عدالت نے کہاکہ آپ نے اپنی شکایت مجھے بتا دی، احکامات میرے چلیں گے جب تک عدالتی تحویل میں ہیں ، میں دوران تحویل کوئی غیرانسانی سلوک برداشت نہیں کروں گا، میں نے ڈی جی نیب کو شکایت بھجوائی تو انہوں نے ہدایات جاری کیں ، شہبازشریف کا کہنا تھا کہ نیب والوں نے مجھے تکلیف پہنچانے کیلئے یہ سب کچھ کیا۔ جج احتساب عدالت نے کہا کہ اگرآئندہ ایسا ہواتو نیب کے خلاف کارروائی ہوسکتی ہے، وکیل نیب کا کہنا تھا کہ نیب ایک آزاد ادارہ ہے، کسی کے کہنے پر نہیں قانون کے مطابق چلتا ہے ، شہبازشریف نے کہا کہ مجھے جیل میں نہیں بلکہ علیحدہ کمرے میں ڈسپنسری میں رکھاگیا ہے، پراسیکیوٹر نیب نے کہاکہ ہم نے ان کیخلاف ثبوت جمع کئے ہیں ،عدالت نے کہا کہ میں اگر سرپرائز دورہ کرلوں تو کہا جائے گا جج ملنے چلا گیا، یہ سابق وزیراعلیٰ پنجاب رہ چکے ہیں ان کی عزت لازمی ہے آئندہ شکایت نہ آئے ، پراسیکیوٹر نیب نے کہا کہ ہم نے شہبازشریف کو حوالات میں نہیں بلکہ ڈسپنسری میں رکھا ہے ، شہبازشریف نے کہا کہ حلفیہ کہتاہوں 2 روز تک حوالات میں رکھاگیا ، شکایات کرنے پرڈسپنسری منتقل کیاگیا،عدالت نے شہبازشریف کوکمرہ عدالت میں وکلا سے ملاقات کی اجازت دے دی ۔احتساب عدالت نے منی لانڈرنگ کیس کی سماعت 13 اکتوبر تک ملتوی کردی ۔ https://www.instagram.com/p/CF9F2nHFfPF/?igshid=1l9alivjwuz64

لاہور : لاہور کے تھانہ شاہدرہ میں سابق وزیراعظم نواز شریف اور ان کی صاحبزادی مریم نواز کیخلاف غداری کا مقدمہ درج کر لیا گیا۔ تفصیلات کے مطابق مقدمے کی درخواست لاہور کے شہری بدر رشید کی جانب سے دائر کی گئی ، پاکستان پینل کوڈ کی دفعات مجرمانہ سازش کے تحت درج کیے گئے مقدمے کی ایف آئی آر کے متن میں کہا گیا کہ نواز شریف کو لاہور لائی کورٹ نے بیرون ملک علاج کی غرض مشروط طور پر باہر جانے دیا ۔ نواز شریف نفرت انگیز تقاریر کر رہے ہیں ، نوازشریف نے مقتدر حلقوں کیخلاف گفتگو کی ، نوازشریف نیب قوانین کےتحت سزایافتہ مجرم ہیں، اشتعال انگیزتقاریرکےذریعےاداروں کیخلاف بغاوت پراکسایاگیا جبکہ ملکی قوانین سزایافتہ مجرم کوایسی تقاریراوراقدامات کی اجازت نہیں دیتے۔ نوازشریف نے اپنی تقاریر میں دشمن ملک بھارت کی ڈیکلیئر پالیسی کی تائید کی ، نواز شریف پاکستان کو عالمی برادری میں تنہا کرنے کی بھارتی پالیسی پر عمل پیرا ہیں، ن لیگ کے دیگر رہنماؤں نے بھی نواز شریف کی تقریری کی تائید کی. مقدمے میں نوازشریف اور مریم نواز کے ساتھ شریک ن لیگی رہنما شاہدخاقان عباسی، بیگم نجمہ وحید، خواجہ آصف اور راناثنااللہ ، بیگم ذکیہ شاہنواز ، طارق رزاق چودھری ، شیزافاطمہ،جاویدعباسی،مہتاب عباسی،جاویدلطیف،مریم اورنگزیب ، محمد زبیر ، ایازصادق ، ظفرالحق،خرم دستگیر،اقبال ظفرجھگڑا، صلاح الدین ترمذی،احسن اقبال،شیخ آفتاب،پرویزرشیدکو بھی نامزد کیا گیا ہے ۔ دوسری جانب ا سلام آباد ہائی کورٹ میں نواز شریف کی متنازع تقریر سے متعلق درخواست قابل سماعت ہونے پر فیصلہ محفوظ کرلیا گیا ہے ۔ https://www.instagram.com/p/CF9F1KJFzpq/?igshid=7hmgup1y4vy9

لاہور : مسلم لیگ ن کے رہنما اورسابق وزیر قانون پنجاب رانا ثنا اللہ نے خصوصی عدالتیں ختم کرنے کا مطالبہ کردیا ۔ تفصیلات کے مطابق لیگی رہنما رانا ثنا اللہ نے خصوصی عدالتیں ختم کرنے کا مطالبہ کرتے ہوئے کہاکہ حکومت میں کرپٹ لوگ موجود ہیں، ہم ظلم کا مقا بلہ کررہے ہیں ، موجودہ پی ٹی آئی حکومت اربوں روپے کی دیہاڑی لگا رہی ہے، غریب افراد کو بے روزگار کیا جارہا ہے، مجھ پر الزام ہے میں نے اپنے اثاثے سمگلنگ سے بنائے ۔ رانا ثنا اللہ نے کہا کہ مجھ پر 15 کلو ہیروئن کا جعلی کیس بنایا ہواہے، میرے اکاؤنٹص فریز ہیں ، کیس پر 15 ماہ سے کچھ نہیں ہو رہا،خصوصی عدالتوں میں بیٹھے جج اپنے ضمیر کے قیدی ہیں ان ججز کی نگرانی ہوتی ہے، نوازشریف کو سزا دینے والا جج کہہ رہا ہے ضمیر کیخلاف فیصلہ دیا۔ ملک میں کسی کے خلاف جھوٹا مقدمہ دائر نہیں ہونا چاہیے۔ لیگی رہنما نے کہاکہ نیب انکوائری کررہا ہے سارے اثاثے اختیارات کے غلط استعمال سے بنائے، میرے تمام اکاﺅنٹس منجمد ہیں ، عمران نیازی ہم جھکنے والے نہیں ، مقابلہ کریں گے اور تمہیں منطقی انجام تک پہنچائیں گے ، تم نے اپوزیشن کو کیا ایکسپوز کرنا ہے اب تم خود ایکسپوز ہونے کے قابل ہو. رانا ثنا اللہ کا کہنا تھا کہ وزیراعظم کو صرف اپوزیشن کی کرپشن نظرآتی ہے،اپنی نظر ہی نہیں آتی ،اربوں روپے کما کر ظفر مرزا بیرون ملک بیٹھے ہوئے ہیں کورونا کی امداد میں ادویات اور ماسک کی خریداری 10 گنا کی قیمتوں پر کی گئی۔ رانا ثنا اللہ نے مطالبہ کرتے ہوئے کہ عمران خان استعفیٰ دیں اور آزادانہ انتخابات کرائے جائیں ، یہ ساری اپوزیشن کو نااہل کرانا چاہتے ہیں، اپوزیشن کا اداروں کیخلاف کوئی بیانیہ نہیں، ہم ووٹ کی عزت کو پامال نہیں ہونے دیں گے ۔ لیگی رہنما نے کہاکہ فیصل آباد میں غریبوں کی جھونپڑیوں کو بلڈوز کیاجارہا ہے، لوٹ مار کا بازار گرم ہے، عوام کی زندگی اجیرن بن چکی ہے جبکہ موٹروے سانحے کا ملزم ابھی تک گرفتار نہیں ہوا ، یہ ظلم زیادہ دیر قائم نہیں رہ سکتا، پی ڈی ایم نے تہیہ کرلیا ہے کہ ظلم کیخلاف کھڑے ہوں گے۔ اس سے قبل انسداد منشیات کورٹ میں لیگی رہنما رانا ثنا اللہ کیخلاف منشیات برآمدگی کیس کی سماعت ہوئی، لیگی رہنما رانا ثنا اللہ اپنے وکیل کے ہمراہ عدالت میں پیش ہوئے ،جج شاکر حسین کے رخصت پر ہونے کے باعث کارروائی نہ ہوسکی ، ڈیوٹی جج خالد بشیر نے کیس کی سماعت 31 اکتوبر تک ملتوی کردی۔ https://www.instagram.com/p/CF32G9Mls49/?igshid=14dqmy94lakos

لاہور : مسلم لیگ ن کے رہنما اورسابق وزیر قانون پنجاب رانا ثنا اللہ نے خصوصی عدالتیں ختم کرنے کا مطالبہ کردیا ۔ تفصیلات کے مطابق لیگی رہنما رانا ثنا اللہ نے خصوصی عدالتیں ختم کرنے کا مطالبہ کرتے ہوئے کہاکہ حکومت میں کرپٹ لوگ موجود ہیں، ہم ظلم کا مقا بلہ کررہے ہیں ، موجودہ پی ٹی آئی حکومت اربوں روپے کی دیہاڑی لگا رہی ہے، غریب افراد کو بے روزگار کیا جارہا ہے، مجھ پر الزام ہے میں نے اپنے اثاثے سمگلنگ سے بنائے ۔ رانا ثنا اللہ نے کہا کہ مجھ پر 15 کلو ہیروئن کا جعلی کیس بنایا ہواہے، میرے اکاؤنٹص فریز ہیں ، کیس پر 15 ماہ سے کچھ نہیں ہو رہا،خصوصی عدالتوں میں بیٹھے جج اپنے ضمیر کے قیدی ہیں ان ججز کی نگرانی ہوتی ہے، نوازشریف کو سزا دینے والا جج کہہ رہا ہے ضمیر کیخلاف فیصلہ دیا۔ ملک میں کسی کے خلاف جھوٹا مقدمہ دائر نہیں ہونا چاہیے۔ لیگی رہنما نے کہاکہ نیب انکوائری کررہا ہے سارے اثاثے اختیارات کے غلط استعمال سے بنائے، میرے تمام اکاﺅنٹس منجمد ہیں ، عمران نیازی ہم جھکنے والے نہیں ، مقابلہ کریں گے اور تمہیں منطقی انجام تک پہنچائیں گے ، تم نے اپوزیشن کو کیا ایکسپوز کرنا ہے اب تم خود ایکسپوز ہونے کے قابل ہو. رانا ثنا اللہ کا کہنا تھا کہ وزیراعظم کو صرف اپوزیشن کی کرپشن نظرآتی ہے،اپنی نظر ہی نہیں آتی ،اربوں روپے کما کر ظفر مرزا بیرون ملک بیٹھے ہوئے ہیں کورونا کی امداد میں ادویات اور ماسک کی خریداری 10 گنا کی قیمتوں پر کی گئی۔ رانا ثنا اللہ نے مطالبہ کرتے ہوئے کہ عمران خان استعفیٰ دیں اور آزادانہ انتخابات کرائے جائیں ، یہ ساری اپوزیشن کو نااہل کرانا چاہتے ہیں، اپوزیشن کا اداروں کیخلاف کوئی بیانیہ نہیں، ہم ووٹ کی عزت کو پامال نہیں ہونے دیں گے ۔ لیگی رہنما نے کہاکہ فیصل آباد میں غریبوں کی جھونپڑیوں کو بلڈوز کیاجارہا ہے، لوٹ مار کا بازار گرم ہے، عوام کی زندگی اجیرن بن چکی ہے جبکہ موٹروے سانحے کا ملزم ابھی تک گرفتار نہیں ہوا ، یہ ظلم زیادہ دیر قائم نہیں رہ سکتا، پی ڈی ایم نے تہیہ کرلیا ہے کہ ظلم کیخلاف کھڑے ہوں گے۔ اس سے قبل انسداد منشیات کورٹ میں لیگی رہنما رانا ثنا اللہ کیخلاف منشیات برآمدگی کیس کی سماعت ہوئی، لیگی رہنما رانا ثنا اللہ اپنے وکیل کے ہمراہ عدالت میں پیش ہوئے ،جج شاکر حسین کے رخصت پر ہونے کے باعث کارروائی نہ ہوسکی ، ڈیوٹی جج خالد بشیر نے کیس کی سماعت 31 اکتوبر تک ملتوی کردی۔ https://www.instagram.com/p/CF32EXAF_Ls/?igshid=atxmprhbjmz0