gahala writes

And I'll lay my arms gently over your shoulders

And when morning breaks

And your reflection fades

Makatatagpo ka rin ng taong buo ang loob. ‘Yong hindi ka isusuko sa laban sa pagitan mo at ng opinyon ng mundo. ‘Yong hindi ka ipagpapalit sa takot, hindi pagtatakpan sa ideyang hindi s’ya at higit pa ang nararapat para sa’yo. Makatatagpo ka rin ng taong handang maging karapat-dapat para sa’yo. Ng taong hindi ka mamahalin lamang dahil wala nang iba o dahil takot lang s’yang mag-isa. Makatatagpo ka ng taong mamahalin ka dahil ikaw lang ang gusto n’yang makasama. Mamahalin ka sa maraming dahilang kahit s’ya ay hindi na rin mailista. Ng taong mamahalin ka nang walang ibang dahilan kun’di mahal ka n’ya. Makatatagpo ka rin ng taong handa kang iharap sa altar at ipangako sa kanyang buong buhay. Ng taong handa kang samahan sa ligaya at lumbay. Ng taong handa hawakan ang ‘yong mga kamay saan man kayo dalhin ng mga alon at ulap. Makatatagpo ka ng taong magpaparamdam sa iyo na sa pag-ibig ay hindi palaging talo.