Eslam

عايز اقول اني مديتش أي حاجة حقها، كل اللي عملته كان مجرد خطوات حسيسة وعلي استحياء وعمر ما حاجة كملت معايا للآخر مش لصعوبة الأمر أو كونه مستحيل وإنما بضعف مني وعدم التزام من الأساس، كنت بجيبها دايما في إنه سوء الظروف أو غياب التوفيق وكنت بركن لفكرة إنه بعض الناس قُدِّر ليها تعيش مشتته بين الحاجات.. ولكن من باب الصراحة انا اللي كنت بستسهل وبخاف..

أعتقد إني محتاج افهم الشعور الغريب اللي بييجي فجأة ف عز ما الدنيا ماشية ووسط زحمة الناس يحسسك إن الحياة رتمها بقا ابطأ من العادي والأصوات كلها حواليك تهدى ومتسمعش غير صوت جواك بيقولك قد ايه انت غريب في كل الأماكن اللي رجلك بتخطيها وإن رغم محاولاتك المستميتة عمرك ما حسيت مره انك منتمي لمكان أو إنه شبهك أو إن وجودك فيه مستحب وإن ف عقلك شايف إن اقل كرسي متهالك في المكان في الغالب هيكون مش طايقك! بفتكر جملة مصطفى ابراهيم لما اتكلم عن نفسه وعني وقال (مكملتش ف أي رحيل مكملتش ف أي قعاد) مفتكرش ابدا إني كملت في حاجة للآخر كل حاجة خدت منها ال يخليني اقول اني جربتها وبس ولا مني استنيت ع البر ولا مني عمت مع التيار زي البشر.. الحمد لله عامة، ومع ذلك محتاج احاول تاني قد تصبح الأمور محتملة يعني مين عارف!..

بقالي فترة طويلة بهرب من القعدة مع نفسي! فبقيت طول الوقت بهرب من كل حاجة... بهرب من الشغل للناس وبهرب من الناس للشغل وبهرب من أي حاجة لأي حاجة في سبيل إن يبقي فيه حاجة بعملها حتي لو غلط بهرب منه بإني اتمادي واعمل غلط أكبر.. في الحقيقة أنا محتاجني جدا وحاسس إني بضيع مني ومش عايز اكون يائس وأقول إني فعلا ضعت لأن ربنا موجود.. انا بدعيلي ربنا يحببني في نفسي ويخليني أفهمها ويرزقني السكينة اللي تغنيني عن إني ألتمس اي تقدير أو حب من حد تاني . يارب

ALL YOU NEED IS TRAVEL.

ورد عن النبي - صلَّى اللهُ عليه وسلَّمَ- ؛ أنه كان يدعو بهذا الدعاءِ : « اللهمَّ اغفرْ لي خطيئَتي وجَهلي، وإسرافي في أمري، وما أنت أعلمُ به مني، اللهمَّ اغفِرْ لي جَدِّي وهَزْلي، وخَطئي وعمْدي، وكلُّ ذلك عندي، اللهمَّ اغفرْ لي ما قدَّمتُ وما أخَّرتُ، وما أسررتُ وما أعلنتُ، وما أنت أعلمُ به مني، أنت المُقَدِّمُ وأنت المُؤخِّرُ، وأنت على كلِّ شيءٍ قديرٌ».

اهلي بيعملوا معايا حاجة غريبة الحقيقة اللي هو لما اكون واقع ف مشكلة في الأول يبقي كلامهم كله إننا داعمين ليك وانت مش غلطان وهكذا.. فتحس انهم ف ضهرك فعلا ومش هيسيبوك، وعند مرحلة معينة يحصل بلوت تويست ويطلعوني مدان وغلطان في الآخر مع إن نفس الأسباب متغيرتش! السيناريو بيحصل من سنين بنفس التفاصيل بجد 😅 يلا ربنا يسامحهم ويسامحني

أنا الآن حزين. ثمة اختلاف هذه المرة، هذه المرة لن أقاوم.

ينتابني بالضبط شعور إنسان تائه وصل لمنتصف الطريق ثم اشتد عليه التعب، نظر إلي حاله في أسىً ليجد نفسه محملاً بثقل جبلٍ علي عاتقه لا يعلم من أين وكيف حمله واحتمله كل هذا الوقت، فأخذ يفكر كثيراً ثم بكىٰ!