Jul 2, 2022
دلوقتي بس بعترِف إني
أصبحت مِني
بعد ماكُنت عِنَبة في عنقودِك
" جوه رياح الخماسين "
محسوبِك سَاب نفسُه للهوا
وأعلن فِطامُه منِك
شَرف ليا أموت جَعان
ولا إني أعودلِك تاني
بعد ماكُنتي بتحتويني
مع عشر عنبات وتوزعي الحُب مابينهُم بحنان
مش جِنان أبداً الإنتحار في حُب العُزلة
ولا الإمتنان لدور البرد
لإنه كنسل مقابلة مابينا
الأرض مبتساعش اتنين خصوم
لازم يحصل جرد
ويجي طوفان
عشان
يعيش الأصلح للبقاء
وانتي مينفعش تكوني في أرضي
ولا أقول علي عيونك الاتنين قمرين
أو تكوني وطن وشلة وأهل وبيت
ولا شجرة وثمرة وضلة إذا مريت في سَموم
لو كل الدنيا هموم
تهون
قصاد قلبِك التالِم
دلوقتي بس بعترف إني
اصبحت مني
بعد ماكنت عنبة في عنقودك
أنا الظالم !!
يابرودِك
