She Pandora

وانا صغيرة ما كانش عندي رول موديل أو مينتور..بابايا اكيد مالعبش الدور ده في حياتي ولا أمي....اخويا اللي اكبر مني على طول اول لما ابتدى يحاول جاله شغل برة مصر..وأصلا والغريب والمضحك بقى أن بابايا ومامتي ماكانوش راضيين انه يلعب الدور ده في حياتي وعملوا كل اللي يقدروا عليه عشان يخلوا دي مهمة مستحيلة..لأنه بيعلمني برة الصندوق..وبقينا حرفيا بنسرق أنا وهو  (اللي هو أنا وأخويا) الأوقات اللي ممكن نقعد فيها مع بعض نتكلم..وبتبقى كارثة لو اتعرف..كارثة تستدعي تقطيم متواصل..ومراقبة عشان التأكد من عدم تكرار الفعل !!!..وافتكر ساعات كانوا مثلا حد فيهم يلاقينا  قاعدين سوا..نقوم نعمل نفسنا بنعمل حاجة تانية...أو مثلا لو بنتوشوش..يزعقولنا عشان نعلي صوتنا ونقولهم كنا بنقول ايه...لووول...بؤس والله...الحاجة الوحيدة اللي لحقت اطلع بيها هي شوية مزيكا عدلة على الاهتمام بالقراية نوعا ما..أنا كمان دلوقتي باسرق لحظات مع ابني عشان أعلمه حاجات عشان مش في إمكاني اقعد معاه بالوقت الكافي ..ده غير أني باواجه نفس الصعوبة اللي كنت باواجها مع أخويا عشان بالضرورة أنا كمان باحاول أعلمه حاجات برة الصندوق ..والحقيقة إن أنا في مرحلة من التفكير إن مفيش فايدة لكل ده..ومفيش داعي لانه يطلع ملخبط زيي...وكما تقول المقولات المصرية الشهيرة  بارقص ع السلم..نص كل حاجة ...بين البينين..وكمان لأن مفيش فايدة في حاجة أصلا ...ولأن عمر حد ما هيفهم الخلفيات....فالأحسن لو نخلص بقى 

ملحوظتين عن الفيلم

-مزيكا هانز زيمر فشيخة. التصاعد فيها فشششييييخ  

- الفيلم خلاني افكر في سؤال ايه اللي بيربطنا /بيجذبنا لبعض فعلا؟