Forget-Me-Not

👽

"Phoebe"

"Hindi na. Maghapon kitang hinintay pero baka nga hindi na Baka hindi mo na ulit ako maalala Baka magmukha nanaman akong kawawa Dahil baka yun na ang huli mong pangungumusta Hindi na. Naisip kong siguro nga tama na 'to Hindi na ako mag-aabang ng mensahe mo Dahil sa tuwing online ka at online ako Wala ka namang message kahit man lang "hello" Hindi na. Hindi ko na muling titingnan ang profile mo Kasi, diba nakakatawa at nakakaloko Gusto kong gumaling ang sugat sa puso ko Pero ako din naman paulit-ulit sumasaksak dito Hindi na. Hindi ko na ulit papanoorin si Popoy at Basha Dahil baka maalala lang kita At maisip kong bakit sila may ikalawang tiyansa? Pero tayo hanggang dito nalang talaga Hindi na. Hindi ko na aawitin yung paborito nating kanta Mag aaral ako ng ibang tutugtugin sa gitara Hindi na rin kita gagawan ng tula Huli na 'to, huli na talaga Hindi na. Pangako, hinding hindi na kita iiyakan Darating ang panahong hindi na ako luluha sa parehong dahilan Hindi na ikaw ang magiging rason kung bakit ako nasasaktan Pag nangyari yun, hindi na rin sa'yo magmumula ang aking kaligayahan Hindi na. Hihintayin ko yung pagkakataong pag nagtanong sila, "Oh kumusta ka na? Masakit pa ba?" Sasagutin ko nang may ngiti sa aking mukha, "Matagal na yun. Syempre, hindi na." —Aling Milay Photo by Anton Magallanes