C L O U D

ولكن في اهتمام حلو ،،

بلشت اهتم بحالي .. لك بلشت قدّر حالي .. بلشت حس بمشاعر حلوة انو أنا نور ما بدي انطفي .

مجرد احساس وهمي هيك عمل فيني ،، كيف لو حُب حقيقي !!

" مقامك أحيثُ أقامك "

بكل حياتي ،، الروحية ،، والعلاقات الاجتماعية .

ننتظر النتيجة ………………..

بمرضوع جلد الذات أنا سبّاقة دائماً بجلد ذاتي ،، ع مواقف قديمة ،، وجديدة ،، ومستقبلية حتى بجلد حالي ع شي ما صار بس أنا فكرت فيه

فقلي حدا انو جلد الذات مو من الدين .. وهي من الشيطان

وانو الشيطان مهمتو يخلينا نعيش بحزن ولوم وبيذكرنا بالماضي لنبقى علقانين فيه ونلتفت لورا دائماً بدل ما نطّلع لقدام

وفعلاً هالشي كتير بصير معي ، بس لما عرفت انو هالشي من فعل الشيطان حسيت في شي امع براسي انو لا أنا ما رح اسمحلو يسيطر ع حياتي .

فكان الحل انو أعرف بالدين كيف بحاسب نفسي !!

فتعلمت انو اول شي اعترف بخطأي ،، واحكي لرب العالمين واستغفر ،، وحاول ما ارجع اغلط

وإذا رجعت وأخطأت عادي لأن نحن مو أنبياء ،، والحياة متل ما كتبت من قبل هي عبارة عن محاولات لتوصل وليس قرار بتاخدو وخلص لازم يتنفذ فوراً .

واي شي تاني تعلمتو وكتير لامسني انو اذا حدا نصحني او شفتو بيحكي شي وأحياناً بيعمل عكس ما بيحكي ما احكم عليه انو يطبق ع حياتو بعدين ينظر علينا

لأن ما لازم انطر من حدا يكون مسطرة والبني آدم خطاء ومافي غير الأنبياء معصومين عن الغلط

وهالشي وح يساعدني مع حالي كمان .

الذكرى هي الشي يلي بيقبى رغم انعدام مشاعرنا للشخص .. بتخصنا لان كنا جزء أساسي منها ولأن كانت حقيقية

فكرة انو بيوم من الايام عشنا هي التفاصيل وهي المشاعره هالشي عظيم لأي بني أدم

مو بسهولة الانسان بيعمل ذكريات حقيقية وسعيدة ودافية ،، أوقات الذكرى هي الحضن الدافي ،، و أوقات الحضن البارد

مع الأيام بتصير بتعرف ايمت لازم تتذكر لتدفى وايمت لازم تتذكر لتبرد

بتصير بتتحكم بذكرياتك ايمت اجي والأغلب ايمت تروح ..

" معقول في أكتر !! ، أنا ما عندي أكتر

كل الجمل يعني عم تنتهي فيك .

بتقصد انو هي عطت كل شي عندها ،، وما رح يلاقي هالشي عند غيرها

وبخاف انطر ويكون النطر وقت ماضي ، وجرب انو بعد ويصير الوضع مو عادي

طيب بين بدي وما بدي .. كيف بعرف شو بدي !!

" قال قايل عن حُبي وحبك مش حلو ، اتذكرلي بحياتك هالحُب قديه إلو ..

إن كان حلو وصفى مش حلو ،، ألك مني وعلييّ عيدو من أولو ..

……….

بعدها بترجع تبدع أكتر وبتقول فيروزة قلبي :

" قال قايل أشيا بشعة عني معلش .. معلش

أخبارك مش عم طمني معلش .. معلش

أيامك قدامك الله يخلي أيامك إنتَ ما بيطلع منك إلا كل شي حلو ..