ATELOPHOBIC

10132016 Lunod na lunod ako mahal Sa kalungkutan. Bagsak na bagsak ako. Nawawala ang tiwala ko sa sarili ko. Nawawala ako. Di ko na alam kung nasan yung dating ako. Gustong gusto kong umuwi sayo. Sa tahanan ko. Alam kong dun ko lang matatagpuan ang sarili ko. Sa piling mo. Sabi nila ako lang daw ang makakaalis nito. Pero alam ng puso ko na ikaw lang. Nilalabanan ko parin yung nararamdaman ko mahal dahil yun yung alam kong tama. Ilang beses kita gustong gustong tawagan pero di ko nagawa. Gusto ko patuloy ka ng umusad sa buhay mo. Gusto kong iwanan mo na ang lungkot na dala ko. Pero ako eto nilalamon ng halimaw na ginawa ko mismo. Ako naman ang gumawa ng kalungkutan na nararamdaman ko. Ako ang dapat na sisihin. Gusto kong isisi lahat ng pangit na bagay na nangyayare sakin sa sarili ko. Pati pagkamatay ng mga pasyente ko. Kahit na todo alaga ako sakanila. Unti unting pinapatay din non yung sarili ko. Yung tiwala ko sa pagiging nurse ko. Di ko alam san ako kukuha ng lakas ng loob at tiwala sa sarili ko. Bakit di ko kayang mahalin at pasayahin ang sarili ko? Bakit ang hirap hirap? Madaling araw ang tulog ko at minsan putol putol pa. Naiisip kita. Gusto ko tumakbo palapit sayo. Yakapin ka. Damhin ulit yung pagmamahal mo. Dahil yun ang pinakamagandang nangyare sakin. Ang mahalin mo ko. Gusto ko magsumbong sayo. Gusto kong magkwento sayo. Gusto kong umiyak sayo. Gusto kong humiga sa tabi mo. At ayoko na magising pa. Ayoko na magising at harapin ulit ang reyalidad na hindi na pwede lahat ng iniisip ko. Dahil wala ng tayo. Dahil wala ng ikaw at ako. Gusto ko marinig lahat ng sasabihin tapos yayakapin moko at magiging okay na lahat. Gusto ko na ulit mapanatag ang puso ko. Sayo lang to napapanatag. Pero hindi lahat ng gusto ko pwedeng mangyare. Kaya ito ako ngayon. Iiyak. Paulit ulit lalo na sa gabi. At pagdating ng umaga haharapin ulit lahat ng pagsubok ng buhay mag isa. Dahil tinanggap ko ng mag isa na ko sa buhay. Ayoko matapos tong kalungkutan ko dahil dun kita naaalala. Naalala ko doon kung gaano kita kamahal. Pag nawala tong lungkot ko, ibig sabihin nakausad na ko. Mahal. Sayo parin ang puso ko. Pero umusad kana ha. You deserve so much more than this.

I miss having fun. I miss being happy. I miss being really happy. I miss my old self. I miss you. I miss us.