وحلفوا بالله إنهم ما سرقوش حاجة.

النبي صدّقهم.

لكن بعد فترة…

القرآن نفسه نزل يكشف الحقيقة.

القصة بدأت لما تاجر مسلم اسمه بُديل بن أبي مريم خرج رحلة تجارة للشام.

وكان معاه في السفر اتنين من أهل الكتاب وقتها: تميم الداري و عدي بن بداء.

في الطريق بُديل تعب جدًا… وحس إن أجله ممكن يكون قرب.

فكتب ورقة فيها كل الحاجات اللي معاه، وحطها وسط المتاع.

قبل ما يموت قال لرفيقيه:

“لو جرالي حاجة… وصلوا الأمانة دي لأهلي في المدينة.”

وده اللي أشارت له الآية:

﴿يَا أَيُّهَا الَّذِينَ آمَنُوا شَهَادَةُ بَيْنِكُمْ إِذَا حَضَرَ أَحَدَكُمُ الْمَوْتُ حِينَ الْوَصِيَّةِ اثْنَانِ ذَوَا عَدْلٍ مِنْكُمْ أَوْ آخَرَانِ مِنْ غَيْرِكُمْ﴾

(المائدة 106)

بعد وفاة بُديل…

تميم وعدي فتحوا المتاع، فلقوا إناء فضة غالي جدًا منقوش بالدهب.

الطمع غلبهم.

فأخدوا الإناء وباعوه… واقتسموا تمنه بينهم.

ولما وصلوا المدينة سلّموا باقي المتاع لأهل بُديل.

وأثناء تفتيش الحاجات…

أهل بُديل لقوا الورقة.

وكان مكتوب فيها إن معاه إناء فضة.

فسألوا الرجلين:

“فين الإناء؟”

لكنهم أنكروا تمامًا.

القضية وصلت للنبي ﷺ…

ولأن ما كانش فيه دليل، طلب منهم يحلفوا بالله إنهم ما أخدوش حاجة.

﴿فَيُقْسِمَانِ بِاللَّهِ إِنِ ارْتَبْتُمْ﴾

(المائدة 106)

فحلفوا… وانتهت القضية.

لكن بعد فترة حصل شيء غير متوقع.

الإناء ظهر في مكة.

وناس قالوا إنهم اشتروه من تميم وعدي.

هنا اتكشف الكذب.

فنزل الحكم في القرآن:

﴿فَإِنْ عُثِرَ عَلَى أَنَّهُمَا اسْتُحِقَّا إِثْمًا فَآخَرَانِ يَقُومَانِ مَقَامَهُمَا﴾

(المائدة 107)

فقام اتنين من أهل بُديل وحلفوا إن الإناء من متاع صاحبهم.

فرجع الحق لأهله.

﴿ذَٰلِكَ أَدْنَى أَنْ يَأْتُوا بِالشَّهَادَةِ عَلَى وَجْهِهَا أَوْ يَخَافُوا أَنْ تُرَدَّ أَيْمَانٌ بَعْدَ أَيْمَانِهِمْ﴾

(المائدة 108)

العجيب إن تميم الداري بعد كده أسلم…

وكان هو نفسه بيحكي القصة ويقول:

“صدق الله ورسوله.”

لكن القصة دي بتسيب لنا سؤال تقيل شوية…

لو بُديل ما كانش كتب اللي معاه،

ولو الحقيقة ما ظهرتش بعد كده…

كام حق ممكن يضيع

كان من أوائل الناس اللي اسلموا من الصحابة رضي الله عنهم، الصحابي الألدغ الوسيم.. أبو عبيدة عامر بن الجراح

نركز سوا، ونطول بالنا، ونقرأ ونستمتع بحكايته.

ـــ في وسط معركة بدر:

اللي دارت بين المسلمين بصحبة الرسول صلى الله عليه وسلم والصحابة وبين المشركين.

كان وسط القتال بقى ومفيش صوت غير صوت ضرب الرماح والسيوف..

الصحابة كانوا داخلين المعركة مش حاطين أي اختيارات لنفسهم هو النصر للرسول صلى الله عليه وسلم في نفس الوقت قريش عاوزين بكسروا شوكة الرسول عليه الصلاة والسلام عشان يحدوا من انتشار الاسلام..

تخيلوا معايا الرسول عليه الصلاة والسلام وسيدنا أبو بكر الصديق وعمر بن الخطاب وعثمان بن عفان وأبو عبيده وعلي كلهم بيقاتلوا نصرة لله ورسوله..

معلومة: قريش كانوا بيقولوا لو مقدرناش على محمد، نقدر على اصحابه وعلى رأسهم مين؟

إنتوا صح.. أبو عبيدة.

أبو عبيدة وهو بيبارز بالسيف، ظهر له راجل، الراجل ده كان عايز راس أبو عبيدة..

أبو عبيدة يحاول يتجنبه وده يطلع له وراسه وألف سيف إنت النهاردة هيصلوا عليك المسلمين، يتلاشاه ويقاتل غيره والراجل عينه ثابتة عليه فـ وسط تلاهي المعركة لقى الراجل ده قصاده، عينه في عينه.. اللي هو خلاص مفيش مفر.

يا تقتلني يا اقتلك.

الصحابة كانوا بيبصوا عليهم هما الاتنين ومحدش عاوز يتدخل، كإن معركة بدر وقفت عند اللحظة دي، الانفاس مكتومة وكله منتظر رد فعلهم.

لحظة تاريخية لإن الراجل ده يبقى والد أبو عبيدة!

كله مستني هيعمل إيه أبو عبيدة؟

موقف صعب، تخيل أبوك قدامك وهو على دين وإنت على دين، أبوك على ضلال وإنت على هدى، وحاولت تكلم أبوك عن دين الحق بس هو رافض تمامًا يسمعك.

مفيش قدامه حل غير المواجهة.

ومن صدق إيمان أبو عبيده رضي الله عنه، صورها رب العالمين من فوق سبع سموات ونزلت في أبو عبيده أيات قرأنية

سورة المجادلة، بسم الله الرحمن الرحيم

لَّا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ

تفسيرها:

الله تعالى بيقول. أنه لا يجتمع الإيمان الحقيقي في قلب مؤمن مع محبة ومودة أعداء الله ورسوله الذين يحاربون الدين ويصدون عنه.

(الآباء، الأبناء، الإخوة، القبيلة) والقصد أن المؤمن الصادق لا تأخذه في الله لومة لائم، ولا يمنعه القرب من قول الحق أو نصرة الدين

المهم أبوه ضرب سيفه وهو ضرب سيف أبوه، القتال اشتد، أبوه وقع من على الحصان، الصحابة كبروا: الله أكبر، الله أكبر، الله أكبر..

انتصر أبو عبيدة رغم إنه كان انتصار حزين.

كان أبو عبيدة من جواه زعلان.. قتل أبوه، فنزلت له الأيات بوعد إن متزعلش مكانك الجنة.

سورة المجادلة، بسم الله الرحمن الرحيم

أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ ۖ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ

الرسول قالها لابو عبيدة كإنه بيقوله: معلش وبيطبطب على قلبه.

فسبحان الله، ربنا نزل في قلبه الراحة وهو حس إنه عمل حاجة مش هيتلام عليها ومش هتكون إثم" ذنب كبير"

* في غزوة أحد*

الرسول عليه الصلاة والسلام كان لابس خوذة، فأخد ضربة قوية عليها، وكانت فيها حديدتين، فدخلوا في خدود النبي، بأبي أنت وأمي يا رسول الله..

فالنبي مصاب وسيدنا أبو بكر شافوا وعاوز يساعده ويشيل الحديدة من خد النبي صلى الله عليه وسلم، فجه أبو عبيدة وقال: أسألك بالله ألا تركتني؟ بيكلم أبو بكر بيقوله خليني أنا اللي اطلع الحديد من خد النبي صلى الله عليه وسلم ..

فبعد شوية أبو بكر الصديق، وجه أبو عبيدة بأسنانه بيسحب الحديدة واحدة واحدة وبالراحة لحد ما طلعت من خد النبي صلى الله عليه وسلم.

أول ما طلعت الحديدة وقع سن أبو عبيدة، ولسه فاضل الحديدة التانية، فمسكها بسنه التاني وسحبها بالراحة عشان ميوجعش النبي صلى الله عليه وسلم لحد ما طلعت وانكسر سن أبو عبيدة التاني..

فأصبح أبو عبيدة.. ألدغ يعني وكانوا بيلقبوه " بأجمل أهتم" لإنه كان وسيم

فوقتها قال النبي صلى الله عليه وسلم

إن لكل أمةٍ أمينًا، وأمين هذه الأمة.. أبو عبيدة عامر بن الجراح رضي الله عنه.

ـــ كانت على إيدين أبو عبيدة فتوحات الشام كاملة.. سوريا، الأردن، فلسطين... كلها، كلها كانت على إيده.

لما اتوفى أبو بكر الصديق رضي الله عنه واستلم إمارة المؤمنين عمر بن الخطاب، عين أبو عبيدة امير على بلاد الشام كلها..

بس قبل ما يعينه كان خالد بن الوليد أمير لهم..

فبصوا الأدب والأخلاق..

لما جاله قرار من سيدنا عمر إنه يتولى قيادة الجيش بدلاً من خالد بن الوليد، أبو عبيدة خَبى القرار وفضل يقاتل جندي تحت إمرة خالد عشان ميشتتش الجيش في نص المعركة. ولما خالد عرف وقاله: "ليه ما قولتليش من أول ما جالك الخبر؟"، رد بمنتهى الرقي: "إني كرهت أن أكسر عليك حربك"، ومفرقش معاه الكرسي ولا المناصب

في يوم من الأيام، جه عمر بن الخطاب من المدينة المنورة إلى الشام " كان بيتفقد أحوال المسلمين"

فقال عمر بن الخطاب لأبو عبيدة: فين بيتك؟ عاوز أزورك في بيتك..

فقاله أبو عبيدة: وماذا تصنع عندي؟ ما تريد إلا أن تصعر عينيك؟ بيقوله هتعمل إيه في بيتي؟ إنت عاوز تعيط على حالي يا عمر؟

فصمم سيدنا عمر بن الخطاب وقاله: عاوز أروح بيتك، دلني عليه .

بعد محاولات وإصرار من عمر بن الخطاب قاله تعالى .

أخد أبو عبيده عمر بن الخطاب ودخله بيته، شاف بيته واللي هو بيت أمير الشام كلها، أحد أعمدة الصحابة...

مفيش في بيته غير فراش "سرير" ولباد يجلس عليه وجرة فيها ماية وفوق الحرة في صحن.

فضل باصص له عمر بن الخطاب وبيقوله : إنت أمير، وأمير للشام كلها وهذا منزلك؟

فرد عليه: نعم.

فطلب منه يجيب له حاجة ياكلها.. كان عاوز يتأكد عنده أكل ولا لأ

فجاب له كسرة خبر بايته" حتة من رغيف عيش" فلما مسكها سيدنا عمر انكسرت في ايديه، فسيدنا عمر ما تمالكش نفسه وفضل يبكي

وقاله مقولته الشهيرة:

غيرتنا الدنيا كلنا، غيرك يا أبا عبيدة

يعني كلنا إشارة لحال الصحابة بعد الفتوحات وكده غيرتهم الدنيا بقى حالهم كويس إلا إنت يا أبو عبيدة زاهد زي ما إنت.

ـــ لما انتشر الطاعون في أراضي الشام ومين خليفة وأمير الشام؟ شاطرين أبو عبيدة

وصل الخبر لعمر بن الخطاب، وسيدنا عمر كان خايف على أبو عبيدة، ومش عاوز يفقده هو كمان، فبعت رسالة لأبو عبيدة اللي هو عاوز يجيب أبو عبيدة بأي حجة عشان يسلم من الموت فكتب له..

ــــ إني قد عُرضت عليا حاجة، ولا غنى لي عنك فيها، فعجل إليّ

بيقوله أنا عندي حاجة، مش هعرف اعملها لوحدي ولا أخد فيها قرار من غيرك، فتعالى لي.

لما قرأها أبو عبيدة ابتسم، وفهم قصد سيدنا عمر.

فقلب الورقة وكتب عليها:

ــــ من أبي عبيدة عامر بن الجراح إلى أمير المؤمنين عمر بن الخطاب، السلام عليكم ورحمة الله وبركاته، إني قد عرفتُ حاجتك، فحللني من عزيمتك؛ فإني جُندٌ من اجناد المسلمين لا أرغب بنفسي عنهم،

وصلت الرسالة إلى عمر بن الخطاب، أول ما قرأها أجهش بالبكاء

فقالوا له الصحابة: مالك، مات أبو عبيدة؟

فقالهم: ما مات، وكأنه قد مات.

يقصد إنه مش هيجي والطاعون هيجيله ويتوفى..

فضل عمر بن الخطاب وعلي وعثمان بن عفان والصحابة والمدينة كلها تبكي على أبو عبيدة قبل ما يموت.

معداش كام يوم إلا ووصلت أخبار من دمشق إلى المدينة، إن أبو عبيدة رضي الله عنه فاضت روحه إلى الله ومات شهيدًا.

رحم الله أبو عبيدة عامر ابن الجراح رضي الله عنه ونختم كلامنا بحديث الرسول صلى الله عليه وسلم..

إن لكل أمةٍ أمين، وأمين هذه الأمة أبو عبيدة.

1️⃣ متلازمة "أنا مودرن وأنتو دقة قديمة":

لما والدك أو والدتك ييجوا ينصحوك بالصلاة، أو يحذروك من سكة غلط، فترد بـ "نبرة تعالي": "يا جماعة كبروا دماغكم، أنتوا لسه عايشين في عصر الصحابة؟ الدنيا اتطورت!". كلمة "أُف" دي مش بس حرفين، دي "نفسية" شايفة إن نصيحة الأهل تقيلة ومملة.

2️⃣ العلم الزائف (الفهلوة):

الابن في الآية بيقول لأهله: "أَتَعِدَانِنِي أَنْ أُخْرَجَ وَقَدْ خَلَتِ الْقُرُونُ مِن قَبْلِي".

بالمصري كدة: "أنتو بتشتغلوني؟ فين الناس اللي ماتت دي مجاتش ليه؟".. ده حال اللي بيقرأ كلمتين "ملحدين" أو "تنويريين" على السوشيال ميديا، وييجي يمارس ذكاؤه ده على أبوه اللي شقي عشان يعلمه، أو أمه اللي سهرت عشان يكبر!

3️⃣ كسرة النفس الواعرة:

أصعب لقطة في الآية لما الأب والأم "يستغيثوا بالله" ويقولوا لابنهم: {وَيْلَكَ آمِنْ إِنَّ وَعْدَ اللَّهِ حَقٌّ}.

تخيل أب وأم مش خايفين من ابنهم، دول خايفين "عليه".. بيحاولوا ينقذوه من نفسه، وهو بكل برود بيرد: "مَا هَٰذَا إِلَّا أَسَاطِيرُ الْأَوَّلِينَ" (يعني فككم من الحواديت دي!).

الخلاصة اللي توجع:

* مش لازم تقول "أُف" صريحة.. نظرة الاستهزاء بكلام أهلك "أُف".

* تجاهلك لمكالماتهم عشان أنت "بيزي" وعامل فيها "إيلون ماسك" زمانك "أُف".

* إنك تحسسهم إنهم مابيفهموش في التكنولوجيا أو الحياة فترد بتنطّع.. دي "أُف" عصرية ومغلفة.

يا جماعة.. بر الوالدين مش بس بوس إيد، ده "تقدير لعقلهم" حتى لو مش على هواك، و"احترام لمشاعرهم" حتى لو أنت شايف نفسك عبقري العصر.

عارفين قصة أهل سبأ؟

الناس دي كانت عايشة في رفاهية أقرب للخيال. ربنا وصف بلدهم بنفسه:

“جَنَّتَانِ عَن يَمِينٍ وَشِمَالٍ”

“بَلْدَةٌ طَيِّبَةٌ وَرَبٌّ غَفُورٌ” (سبأ: 15)

كان عندهم أعظم مشروع مائي في زمانه:

سد مأرب

سد بيحوّش المطر ويخلّي الصحراء جنة خضراء.

الخير كان حواليهم لدرجة إن الروايات بتحكي إن الست تمشي بالمِقطف فوق راسها… الفاكهة تقع فيه من غير ما تمد إيدها.

طيب… فين المشكلة؟

🧠 1️⃣ فخ “التعود على النعمة”

ربنا طلب منهم حاجة واحدة بس:

“كُلُوا مِن رِّزْقِ رَبِّكُمْ وَاشْكُرُوا لَهُ”

لكن بدل ما يشكروا…

قالوا:

“رَبَّنَا بَاعِدْ بَيْنَ أَسْفَارِنَا” (سبأ: 19)

يعني:

إحنا زهقنا من الراحة… عايزين تعب!

أخطر حاجة مش إن النعمة تروح…

لكن إنك تملّ منها وهي لسه في إيدك.

🐭 2️⃣ الفأر اللي هد السد

السد العظيم ما وقعش بزلزال.

وقع بسبب حاجة صغيرة نُخرِت فيه.

ثقب بسيط… اتساب.

أحيانًا حياتنا بتتهد مش بسبب كارثة كبيرة،

لكن بسبب:

• كلمة جارحة متكررة

• تقصير صغير بيتراكم

• إهمال بسيط بنستهين بيه

الحاجات الصغيرة دي هي “فئران” سد حياتنا.

🌊 3️⃣ سيل العرم… لما الحياة تتقلب

“فَأَرْسَلْنَا عَلَيْهِمْ سَيْلَ الْعَرِمِ” (سبأ: 16)

النتيجة؟

“وَبَدَّلْنَاهُم بِجَنَّتَيْهِمْ جَنَّتَيْنِ ذَوَاتَيْ أُكُلٍ خَمْطٍ وَأَثْلٍ”

اللي كان فاكهة حلوة… بقى شجر مرّ.

الاستقرار بقى شتات.

“وَجَعَلْنَاهُمْ أَحَادِيثَ”

بقوا قصة تتحكي… بعد ما كانوا واقع يُحسد عليه.

✨ الستر، الصحة، والبيت اللي مداريك…

مش تفاصيل عادية. دي نعم محتاجة شكر وصيانة.

✨ راقب “الثقوب الصغيرة” قبل ما تكبر.

سد حياتك مش بيقع فجأة.

✨ الشكر مش كلمة…

عمرك سألت نفسك ليه قصة (كعب بن مالك، مرارة بن الربيع، وهلال بن أمية) مذكورة بالتفصيل ده في القرآن؟ لأنها ببساطة قصة كل واحد فينا بيقع في فخ "التسويف" أو "المعافرة مع النفس".

1️⃣ فخ "التسويف" (جيش العُسرة)

الموقف كان صعب: حر موت، مشوار طويل لتبوك، والزرع في المدينة طاب والظلال بقت تغري أي حد بالكسل.

* المنافقين: طلعوا أعذار وقعدوا.

* كعب وصاحبيه: مكنش عندهم عذر! كعب كان معاه بدل الناقة اتنين، بس كان كل يوم يقول: "بكرة هجهز وألحقهم".

زي بالظبط ما بنقول> : "بكرة هبدأ.. بكرة هصلي.. بكرة هبطل العادة دي". بكرة جاب بكرة.. لحد ما القطر فاته!

>

2️⃣ الصدق "المر" (مواجهة النبي ﷺ)

النبي رجع، والمنافقين (80 راجل) دخلوا يحلفوا كذب ويداروا خيبتهم. جه دور كعب.. كان ممكن بلسانه الفصيح يألف عذر يخلصه، لكنه اختار الصدق الصادم:

* قال: "يا رسول الله، والله مالي من عذر".

* النبي ﷺ قال كلمته الشهيرة: "أما هذا فقد صَدَق".

* النتيجة: بدأت أصعب فترة في حياتهم.. مقاطعة شاملة لمدة 50 يوم.

3️⃣ لما الدنيا "تقفل" بجد!

القرآن وصف الحالة دي بوصف نفسي عبقري: حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ.

* مفيش سلام، مفيش كلام، حتى النبي ﷺ كان بيعرض عنه.

* بعد 40 يوم، جاله أمر بـ "اعتزال زوجته".. يعني العزلة بقت كاملة (برة البيت وجواه).

> : أصعب وجع مش إن الناس تبعد عنك، الأصعب إنك "تضيق بيك نفسك" وتحس بتقل ذنبك جوه قلبك.

>

4️⃣ اختبار "العرض المغري"

في قمة الوجع، جاله عرض من ملك غسان (عدو): "تعالى عندنا وإحنا نقدرك بدل جفاء صاحبك ده".

* كعب بص للرسالة وقال: "وهذا أيضاً من البلاء"، ورمى الرسالة في النار!

* الدرس: الشيطان بيجيلك في لحظة "وقوعك" بعرض مغري يخلصك من وجعك بس "بالحرام".. الثبات هنا هو اللي بيحدد معدنك.

5️⃣ لحظة الفرج

بعد 50 يوم من الصبر والدموع، نزل الوحي بالتوبة: ثُمَّ تَابَ عَلَيْهِمْ لِيَتُوبُوا.

* صرخة من فوق جبل سلع: "يا كعب بن مالك.. أبشر!".

* المدينة كلها فرحت، وطلحة بن عبيد الله "هرول" ناحيته عشان يصافحه (موقف كعب عمره ما نساه لطلحة).

الخلاصة اللي نطلع بيها:

* الصدق ينجي: الصدق تعب كعب 50 يوم، بس "نضفه" وخلد اسمه ليوم الدين. الكذب كان هيخلصه في دقيقتين بس كان هيموته للأبد.

* التوبة رزق: ربنا هو اللي بيتوب عليك عشان تعرف تتوب.. بس أنت "انكسر" بجد على أعتابه.

* صاحب الشدة: في عز كسرتك، هتعرف مين اللي "بيهرول" عشان يطمنك (زي طلحة)، ومين اللي بيزودها عليك.

1. البداية: "الأنفال لمين؟"

السورة بدأت بسؤال من الصحابة عن "الأنفال" (الغنائم) اللي كسبوها في الحرب.. نوزعها إزاي؟

هنا السورة أدتنا درس تربوي عظيم: "يسألونك عن الأنفال قل الأنفال لله والرسول". كأن ربنا بيقولهم: "يا جماعة، ماتبصوش للمكسب المادي وتنسوا إن النصر كان من عندي أنا". السورة ركزت إن أهم حاجة "إصلاح ذات البين" وإن التقوى أهم من الفلوس.

2. مشهد المعركة: "إيد ربنا كانت معاكم"

السورة بتوصف لحظات الرعب والتوتر قبل المعركة.. المؤمنين كانوا خايفين وعدد المشركين كان تلات أضعافهم. وهنا بتيجي اللقطات السينمائية الربانية:

* النعاس: ربنا نزل عليهم نوم هادي عشان يطمن قلوبهم قبل المعركة.

* المطر: نزل يثبت الأرض تحت رجليهم ويطهرهم.

* الملائكة: ربنا طمنهم بمدد من الملائكة (ألف من الملائكة مردفين).

* الرمية: "وما رميت إذ رميت ولكن الله رمى".. يعني التوفيق والنتيجة من عند ربنا، أنت بس عليك تسعى.

3. قوانين النصر (الروشتة)

السورة حددت شروط واضحة لأي حد عايز ينجح أو ينتصر في حياته، مش بس في الحرب:

* الثبات: لما تقابل مشكلة، اثبت.

* ذكر الله: خلي عقلك وقلبك مع ربنا وأنت بتعافر.

* طاعة القيادة: بلاش تفرقة وكتر كلام ملوش لزمة.

* بلاش فشر (بطر): "ولا تكونوا كالذين خرجوا من ديارهم بطراً".. النصر محتاج تواضع مش منظرة وشو إعلامي.

4. حقيقة الدنيا: "الفرقان"

ليه السورة اتسمى يومها "يوم الفرقان"؟ عشان اليوم ده فرق بين الحق والباطل. السورة بتعلمنا إن ربنا ممكن يقلب الموازين بكلمة "كن فيكون". القوة مش بالعدد ولا بالعدة، القوة بـ "مين اللي معاك؟". لو ربنا معاك، فئة قليلة تغلب فئة كثيرة بإذن الله.

5. قضية الأسرى والعهود

في الآخر، السورة اتكلمت عن الأخلاق حتى في عز القوة. إزاي نتعامل مع الأسرى برحمة، وإزاي المسلم كلمته عهد وميثاق مبيخونش أبدًا، حتى مع أعدائه.

الخلاصة الوعظية:

سورة الأنفال بتقولك: "يا مؤمن، خد بالأسباب كأنها كل شيء، وتوكل على الله كأن الأسباب ولا شيء". لو الدنيا مقفلة في وشك وشايف عدوك (أو مشاكلك) أقوى منك بكتير، افتكر إن اللي نصر 313 واحد على جيش مدجج بالسلاح، قادر ينصرك في معاركك الشخصية.

١. "خرم الإبرة" والعبور المستحيل

ربنا بيقول عن اللي استكبروا: "وَلَا يَدْخُلُونَ الْجَنَّةَ حَتَّىٰ يَلِجَ الْجَمَلُ فِي سَمِّ الْخِيَاطِ".

تخيل جمل بضخامته، أو زي ما قال ابن عباس في قراءة ثانية (الجُمَّل) بمعنى "الحبل الغليظ" بتاع السفن.. هل ينفع يعدي من خرم إبرة خياطة؟ مستحيل!

👈 الرسالة: الكبر بيخلي "إيجو" الإنسان ضخم ومنفوخ، والجنة بابها مبيعديش غير "النفوس الرقيقة" اللي زي الخيط.. لينة، متواضعة، وبتمشي مع الحق فين ما يروح.

٢. "شماعة الآخرين" وقت الحساب

في نفس الصفحة، بنشوف مشهد الناس اللي ضلت بعضها، كل واحد بيرمي التهمة على التاني: "إنت اللي وزيتني!"، "إنت اللي كنت القدوة!".

والرد الإلهي واضح: "لكلٍّ ضعفٌ".

👈 الدرس: متمشيش ورا "الزحمة" وخلاص. فكر بقلبك وعقلك، عشان يومها مفيش حد هيشيل شيلة حد.

٣. "جنة الدنيا" قبل جنة الآخرة

أجمل حالة نفسية ممكن توصلها هي: "وَنَزَعْنَا مَا فِي صُدُورِهِم مِّنْ غِلٍّ".

تخيل قلبك "أبيض فلة"، مفيش فيه ذرة حقد، ولا غيرة، ولا شايل من حد.. دي قمة الرفاهية في الجنة، بس القرآن بيعلمنا إننا نحاول "نتدرب" عليها من دلوقتي

🖇️عشان "تعدي" بسلام، محتاج تكون خفيف..

• خفف "كبرك" عشان تعدي من خرم إبرة الاختبار.

• خفف "غلك" عشان تعيش متهني ومرتاح البال.

• خفف "تبعية غيرك" وركز في طريقك لربنا.

ليه كانوا بيعملوا كده؟ (المنطق الجاهلي)

كان عندهم كذا "حجة" أغرب من بعض:

1. "ثياب عصينا الله فيها": كانوا بيقولوا إحنا مينفعش نطوف بالبيت بهدوم عملنا بيها ذنوب قبل كده، فكانوا بيقلعوا هدومهم عشان يبقوا "على الفطرة" زعموا!

2. عنصرية "الحُمس": قريش (أهل مكة) كانوا مسميين نفسهم "الحُمس" ومطلعين قانون "احتكار": اللي يجي يحج من بره مكة لازم يلبس لبس من صنع قريش (اسمه ثياب الحُمس)، ولو ملقاش أو معندوش فلوس يشتري، يبقى قدامه حل من الاتنين:

• يا إما يطوف بهدومه وبعد ما يخلص يرميها وميلمسهاش تاني أبدًا (تتسمى لُقى).

• يا إما يطوف عريان عشان ميرميش هدومه الوحيدة اللي حيلته!

موقف "سورة التوبة" الحاسم

لما نزلت الآيات دي في السنة التاسعة للهجرة، النبي ﷺ بعت سيدنا علي بن أبي طالب ينادي في الناس بأربع كلمات واضحة وصريحة (زي "القرارات السيادية" كده):

1. لا يدخل الجنة إلا نفس مؤمنة.

2. ولا يطوف بالبيت عريان.

3. ولا يجتمع المسلمون والمشركون بعد عامهم هذا في الحج.

4. ومَن كان له عهد عند رسول الله فهو إلى مدته.

النتيجة إيه؟

• تطهير الحرم: مكة بقت مكان مقدس بجد، مفيهاش المناظر دي ولا الأفعال اللي مفيهاش حياء.

• تحطيم العنصرية: مفيش حاجة اسمها "لازم تشتري هدوم من قريش"، اللبس بقى "ستر عورة" مش تجارة ومظاهر.

هنا بتيجي "الوصايا العشر" (الآيات 151-153) (الانعام) في أسلوب بسيط ومباشر، بيختصر جوهر الدين كله في 10 نقط، كأنها "دستور حياة":

1. التوحيد (ألا تشركوا به شيئاً)

البداية هي "الحرية". إن قلبك ما يكونش عبد لأي حد ولا أي شيء غير ربنا. لا صنم، ولا مصلحة، ولا خوف من بشر.

2. بر الوالدين (وبالوالدين إحساناً)

بعد حق ربنا، ييجي حق أصلك. والكلمة هنا "إحسان"، يعني مش مجرد طاعة، ده حب وذوق ورعاية فوق الواجب.

3. حق الحياة للأطفال (ولا تقتلوا أولادكم من إملاق)

زمان كانوا بيخافوا من الفقر فيقتلوا ولادهم. ربنا قال لهم: "أنا اللي برزقكم وبرزقهم". ودي رسالة لينا إننا نربي ولادنا بحب من غير خوف من بكرة.

4. الطهارة (ولا تقربوا الفواحش)

مش بس "ما تعملوش"، ده قال "لا تقربوا". يعني ابعد عن أي سكة أو بيئة ممكن تسحبك لحاجة غلط، سواء في العلن أو في السر.

5. حرمة الدم (ولا تقتلوا النفس التي حرم الله إلا بالحق)

الإنسان عند ربنا غالي جداً، ومحدش له حق ينهي حياة حد إلا بالقانون والعدل.

6. حق اليتيم (ولا تقربوا مال اليتيم)

أضعف حلقة في المجتمع ربنا حط لها حماية خاصة. اللي يقرب من مال اليتيم كأنه بيقرب من نار، إلا لو كان بيصلح له حاله.

7. الأمانة في المعاملات (وأوفوا الكيل والميزان)

الدين مش بس صلاة، الدين "سوق". خليك دغري في شغلك، في ميزانك، وفي وعودك للناس.

8. قول الحق (وإذا قلتم فاعدلوا ولو كان ذا قربى)

كلمة الحق صعبة، خصوصاً لو ضد حد بنحبه. بس ربنا بيقول: "العدل أولاً"، حتى لو على أقرب الناس ليك.

9. الوفاء بالعهد (وبعهد الله أوفوا)

كلمتك هي شرفك. والتزامك مع ربنا ومع الناس أمانة لازم تتحقق.

10. الطريق الواضح (وأن هذا صراطي مستقيماً فاتبعوه)

السيستم ده كان شغال بمسميات معقدة جداً، زي:

* البحيرة: دي ناقة ولدت كتير، فيقوموا شاقين ودنها ويسيبوها.. لا حد يركبها ولا يشرب لبنها ولا يقص وبرها، وتبقى "مقدسة" في نظرهم.

* السائبة: دي كانت "ناقة النذر".. لو واحد رجع من سفر أو خف من مرض، يقول الناقة دي "سائبة" للأصنام، يعني محدش يلمسها وتعيش براحتها في الصحراء.

* الوصيلة: ودي كانت في الغنم.. لو النعجة ولدت ذكر وأنثى مع بعض، يقولوا "البنت وصلت أخوها"، فيحرموا ذبح الذكر ده عشان خاطر أخته اللي معاه في نفس البطن.

* الحام: وده جمل "فحل" خلّف كتير، فيقولوا "حمى ظهره".. خلاص كبر وخدم، ممنوع حد يشيل عليه أي حمل ويسيبوه يعيش ملك في حاله.

الموضوع مكنش واقف بس عند المسميات، ده وصل لدرجة إنهم بقوا يفرقوا في الأكل! يقولوا: "اللي في بطن الناقة دي للرجالة بس، والستات ممنوع يدوقوه.. إلا لو نزل ميت، يبقى كله ياكل عادي!".

هنا سورة الأنعام والمائدة نزلوا عشان يصححوا المفاهيم دي بمنتهى الهدوء والمنطق. ربنا وصف كل الاختراعات دي بكلمة واحدة: "بِزَعْمِهِمْ".. يعني ده مجرد كلام وتأليف ملوش أي أساس.

ربنا فكرهم إن هو اللي خلق الجنات والنخل والزرع والأنعام دي عشان الناس "تاكل وتستفيد"، مش عشان "تحرم وتمنع". وسألهم سؤال منطقي: "هو ربنا حرم الذكر ولا الأنثى؟ أنتم جبتوا الكلام ده منين؟".

الهدف من القصة دي كلها كان "تحرير الإنسان" من قيود وأوهام هو اللي صنعها لنفسه. ربنا وضح إن الحلال والحرام ده حق لله وحده، وإن الدين مش تعقيدات في أنواع الحيوانات، لكنه أخلاق وعدل وحق فقير.. وده اللي بنشوفه بوضوح في "الوصايا العشر" اللي ختمت المشهد ده في السورة.