Ahmed Hado

-أول مرحلة؟

لما بتحبه اوي و فكرة انك تستغنى عنه ده مستحيلة فبتقبل اي حاجة يعملها اكمنها بتكون اهون من انكوا تسيبوا بعض ، وبتفضل تعافر عشان العلاقة متاخدش سم الفراق ف الوريد ، و ده غالباً بتنهى بأنك بتبقى شخصية مدمرة نفسياً شخص بلا احساس بتكون استنزفت كل الحلو اللي فيك بتصبح فارغ من جوا بتبقي اسوء من المدمن !

-تاني مرحلة؟

ان مشاعرك دبلت و ماتت من ناحيته و الموضوع مسألة وقت يعني بتسكت لحد ما يزيد و يزيد في غلطة و يوفرلك كل الاسباب اللي تخليك تسيبه عن اقتناع ، وفي الحالة ده مهما حاول يتغير او يتعدل إنت بتكون قفلت و مبترجعش تاني ابداً.

و زي ما “ مصطفي ابراهيم ” بيقول :

هو انت تطول ؟ “ قالى الدرويش”

مش عايز اطول .. انا عايز اعيش

انت اللي فهمت الزهد البلاء

إزاي هزهد في حاجات ماعييش

يا حمار دي فضيلة الإستغناء

هو انا كنت استغنيت بمزاجي ، انا اسمي يئست و ما استغنيتش ..

@mkmamal80