Abdulla Attamimi

Classic African Style on Flickr.

@AbdullaAmm

Aladdin's Little Huge Palace on Flickr.

@AbdullaAmm

@AbdullaAmm

Good Day in Boston Back in 2010 on Flickr.

Pianoforte Classico on Flickr.

Shirianian Look, Yo! on Flickr.

#56 Who Says Fall Kills Everything? on Flickr.

#55 Peace on The Street on Flickr.

السلام عليكم ورحمة الله وبركاته ،،، عندي قصة صغيرة حبيت أشارككمياها. وهي قصة صارت لي السنة الماضية مع شركة أمريكية محتاله مثلها مثل أي شركة في أمريكا تستغل المستهلك بأبشع الصورة الإستفزازية. ومع استغلالهم إلا ان حقك دائماً محفوظ طالما كنت في دولة يُقام فيها العدل بأكمل وجه -في الغالب- المهم، في أحد الليلات اللي كنت فيها طفشان ومهموم من شغلة. وما كان لي بال أجلس على الجهاز، سويت لي قهوة وجلست بالصالة بالظلام وفتحت التلفزيون. وغالباً بعد منتصف الليل، القنوات تعرض دعايات ورا بعض لمدة طويلة. فكنت جالس اتفرج على الدعايات. أعجبني منتج، فـ حفظت اسمه عندي عشان اقرا عنه اكثر بعدين. وفعلا بعد فتره دخلت موقع الشركة وقريت عن المنتج وقررت أجربه. طلبت حزمة تجريبية من المنتج وكان سعرها قرابة الـ 30 دولار. بعد يومين حصلت الباكج وصلني قدام بيتي. أخذت الباكج، فتحته. استخدمته. كان منتج جميل، وكالعادة اي شي تشتريه من باب التجربة يكون مصيرهـ الأرفف لا مُحال. وبعد شهر لاحظت كرتون قدام باب بيتي!!! فتحته، حصلت نفس الشحنة لكن اكبر ومكتوب عليها "Free gift" !! انا استغربت. قلت ما شاء الله لهالدرجة تبون تكسبون عميل يعني؟ اخذته وحطيت مع اللي قبله بالرف بعدها بشهر. كرتوون ثالث بالبريد!! بعدها بشهر. كرتوون رابع!!!! انا تعبّى بيتي من هالمنتج. يعني لو اقوم أوزّع على الحي كفّاهم. المهم .. جت إجازة الصيف. ووقتها كنت برجع للسعودية ولأني ما راح أكون متواجد في بيتي، رحت للبنك وغيرت عنواني إلى عنوان أحد الشباب عشان لو لا سمح الله احتجت شي من البنك وانا بالسعودية يكون فيه أحد يستلم رسايلي من البنك. وصلت للسعودية. وكان استخدامي لبطاقة البنك ضئيل جداً. فـ كنت كل ما فتحت على حسابي بالنت وأشيك عملياتي اليومية ما كان فيها عمليات كثيرة. بعد الإجازة بشهر دخلت على حسابي وشيكت العمليات وأشوف عمليتين سحب انا ما سويتها!! وكان مبلغها 39 دولار تقريباً. استغربت. لان البطاقة معي طول الوقت وما إشتريت بالبطاقة هالأسبوع نهائياً. إتصلت على البنك وكان وقتها ظهر في أمريكا. وقلت لهم السالفة. حولوني على قسم الإدعاءات والشكاوي. واستقبال زي اللوز. وشرحت لهم نوع المعاملة وأني انا ما استخدمت البطاقة وما ادري عن هالسحب اللي صار. جابوا معلومات العملية اللي صارت واسم الشركة اللي سحبت ومعلوماتها. أنا على طووول تذكرت الكراتين اللي كانت تجيني كل شهر يوم قالوا لي اسم الشركة!!! أكيد بعد أرسلوا لي كرتون وانا بالسعودية خخخخخ. قالوا لي تعرف هالشركة؟ أو بينك وبينها اتفاقية؟ قلت: ما أدري ما اعرف هالشركة. واتصلوا على الشركة وانا معهم بالخط. ودخّلوا المكالمة معي. فـ صارت مكالمة ثلاثية. بيني وبين قسم الإدعاءات بالبنك وبين الشركة المستفزة. وقالت الشركة إنك يوم شريت المنتج التجريبي وافقت على شروط واحكام الشركة. انا قلت أكيد بوافق على الشروط! قالوا من ضمن الشروط، موجود انك اذا ما بلغتنا ان التجريبي كان سيء راح نسجلك في إشتراك شهري وتتحمل التكلفة!! وكان هذا موجود في قائمة طوييييييييلة عرييييييضة من قانون الشركة الحقيرة!!! يعني انت بتشتري منتج. وش لك بالطويلة؟؟ خلاص موافق بس خلصنا وهات المنتج. وهذا فعلاً خطأ، لكن يضل إستغلال للمستهلك. وهم عارفين ان ١٠٠٪ من الناس بتوافق بهالطريقة. فـ يستغلون الشعب بهالحركة. انا وقتها عصبت من حركتهم الحقيرة وقلت انا ما وصلني ولا طَرد منكم. ما وصلني غير الكرتون التجريبي الأول وبس. وانا عندي دلائل على كلامي. هنا موظفة الشركة قالت ما عندي شي اقدر اقوله او اثبته!! قالت موظفة البنك: بما ان العميل ما وصله ولا طَرد منكم ولا عندكم إثباتات. تُجمع قيمة كل المصاريف المسحوبة من حسابه بعد تاريخ أول شراء له منكم إلى اليوم هذا وتُسحب من حسابكم أنتم اللي استقبلتوا الفلوس عليه. انتهت المكالمة بين البنك والشركة إعتذرت موظفة البنك على الخطأ اللي صار ((مع انه مو خطأ البنك)) وبعد يومين بالضبط دخل كامل المبلغ في حسابي. بـ مكالمة ما تجاوزت الـ ٢٠ دقيقة، حصلت على حقي المنهوب من خمسة أشهر. أي منهوب؟ أنا اللي نهبتهم. اخذت منتجاتهم ببلاش! لكن ما علينا من سالفة من نهب الثاني. حقي أخذته بدون ما يكون فيها قاضي ومحامي ومواعيد وتأجيل وقلّة حيا. بكل بساطة. مشكلة حصلت مع عميل. ترجع له فلوسه! وكل ما تذكرت قصتي أو قصص مشابهة لقصتي أتذكر كلام شيخ الإسلام إبن تيمية يوم ذكر المقولة: "اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً" لان في بعض الدول اللي تدّعي الإسلام وتدّعي أن القضاء عندها كله بالإسلام للأسف تحكم وتقضي بهواها. لذلك نلاحظ أن دائماَ عندهم بركة في بلادهم. وعند بعض الدول هذي ما فيها أي بركة سبحان الله .. عموماً شتاء سعيد علينا وعليكم جميعا يارب وإن شا الله، إن شااااااءءء الله. تكون هالسنة وهالشتاء مليء بالأمطار والخيرات والبركة. مو مثل كل سنة ..

اشتقت لكم كثيراً في هالغيبة العميقة.. سامحونا عالقصور. هذه نتيجة لـ سوفت بوكس سويته بالبيت. وسويت درس بالفيديو خطوات صنع السوفت بوكس http://www.youtube.com/watch?v=jyCZiDNEU68 وأي استفسار او سؤال عن الدرس تفضل على تويتري @AbdullaAmm وبالتوفيق للجميع

لقطة من السنة الماضية. طبلون الكمارو متعب بالتصوير عشان الديكور جاي طالع بزيادة والعدّادات داخله جوا. وهذا النتيجة مع المحاولة والفرفرة والتقليب والحوسة ..

Another Long Fall Has Come and Gone! on Flickr.

لقطة قديمة ما عليها أي معالجة.

تطويق الحركة لقارب إلتقطتها السنة الماضية 2011 والأن ما بقي غير سيكل وأصير طوقت كل شي هههههههه

لقطة محاكاة لصورة أحد الأصدقاء المبتدئين لصورة جميلة جداً إلتقطها وكنت أوضح فيها الإختيار السليم للخلفية مع أني اخفقت في اختيار الخلفية وركزت على الإضاءة