Shiny World

  حــــلا الصبايا

      امس كان يوم الجمعه فقررت اني اسوي حلا للأهل وبما ان انا ما لي خبره في الطبخ ولي اعرفه السلطات والنودلز قررت اسوي حلا ويلست ادور في النت لأني حابه اسوي شي يديد وفي فن وذوق في نفس الوقت ولقيت هالحلا وحبيت اضيف فيه لمساتي الخاصه في الزينه والشوكولاه وادخل طريقه شوي مختلفه عن إلي قريتها ف النت وبسط الأمر شوي عشان كل البنات إلي حابين يسوون ومب عارفين يقرون الطريقه البسيطه ويحبون يسوون مثل ما انا حبيت اسويها ومثل ما انتو شايفين الصور فوق بعد ما انتهيت من عمل الحلا ان شا الله تكون الصور موضحه للجميع و يــــله نبدا

  المقــــادير 1\2 كوب سكر 350جم من القشطه سواء المراعي او بوك 3\4 كوب حليب ثلاث ملاعق طعام بودرة الكستر مذوبه في 1\4 كوب حليب ملعقتان صغيرتان من حبيبات السبريسو او النسكافيه مذوبه في ماء ساخن ملعقتان بودرة الشوكولاه المحلاة 1\2 ملعقه صغيره فانيليا اي نوع بسكوت تحبونه راح نستخدم 8 قطع بس

----------- الطريقه

اولا+ نضييف الكستر المذوب في الحليب ونسخنه على النار لين ما يصير غليظ شوي ونتركه لين يبرد

ثانيا+ نضيف القشطه و السكر والفانيليا والكستر في الخلاط ونخلطهم زين

ثالثا+ بعد الخلط ناخذ نصف من الكميه المخلوطه ونوزعها في الأكواب والخليط المتروك نضيف له السبريسو المذوب في ماء ساخن او نسكافيه مذوب في ماء ساخن ونخلطه في الخلاط ونتركه شوي

رابعا+ نرجع للأكواب ونحط قطع البسكوت كامل او نطحن البسكوت و نوزعه على الأكواب

خامسا+ ناخذ الخليط إلي فيه السبريسو او النسكافيه ونحطه في الأكواب فوق قطع البسكوت

سادسا+ للزينه ننثر بودرة الشوكولاه فوق الأكواب ونحط الأكواب في الثلاجه لمدة ساعتين

  BB GARNIER X BB SKIN79

من فتره تقريبا نزلت ف الأسواق منتجات البي بي كريم وهي عباره عن مواد طبيه لعلاج البشره مع تحسين وتفتيح مظهرها وتخلي البشره مشرقه واخفاء العيوب البسيطه وليس العيوب الظاهره كالحبوب وهذا هو الغرض من البي بي كريم . ف منتجات بي بي كريم وايده في الأسواق وفي منها بهامواصفات وفي منها ما منها فايده ولا تسوي شي . انا جربت بي بي قارنير و البي بي الكوري من سكن79

وبقولكم تجربتي

BB GARNIER هم يقولون يخفي العيوب ويخلي البشره مشرقه وفاتحه وخاليه من الشوائب لكن من استخدامي له العكس تماما استخدمته يلزق على البشره ويلمع بعد فتره ويخلي البشره كلها دهنيه وتلمع انا ما ناسبني لأن بشرتي مختلطه إلي دهنيه  وحساسه وطلعت لي منه حبوب ومكتوب فيه واقي من الشمس وهوه اصلا ما فيه وما اشوف انه واقي ولي بتطلع فيه احس بتسمر    للي بشرتهم كلها جافه وايد وايد يستخدمونه بس مب ف الشمس وبس طبعا هذي ملاجظتي من تجربتي انا يمكن في ناس حبته وهذا سعره اظن شي وعشرين درهم تقريبا رخيص بس سيئاته بالنسبه لي وايد

BB SKIN79

اعطي هالمنتج 100% لأن اول شي طبي ويساعد على تفتيح البشره مع الإستخدام المتكرر له يخفي العيوب مب وايد شوي ويخلي البشره متوازنه وما يخليها ادهن بسرعه خاصه للي بشرتهم مختلطه إلي دهنيه ويتم فتره طويله على الويه وحسيت مع فتره من استخدامه انه فتح البشره وما تطلع لي منه حبوب ابدا وفي واقي من الشمس بعد يعني ما تحاتين لو ظهرتي الصبح وانتي بس حاطه هالكريم ومن غير الواقي وشتريته من النت سعره 125 درهم وفي تاجرات يبيعونه 180 درهم وفوق ما ادري ليش شغل الحراميه هذا ع الأقل بيعوه 130 تربحون انتو ويزيدون زباينكم مب تحطون هالسعر وايد بصراحه في ناس ما تقدر تشتري بهالقيمه وع العموم على راحتكم وهذا طبعا من تجربتي وانا حبيته ويمكن في ناس ما حبته كل واحد ولي يناسبه

احصلي على ترطيب يدوم ليومين

​

اختصر عليكم وندخل ف الموضوع وايد منا يستخدم مرطبات لليدين والجسم ونقول ساعات ان بناخذ شي غالي واكيد بيكون الأحسن . وناخذ ونخسر فلوس واخر شي ماشي نتيجه ولكن (الفازلين) هذا بالذات غير عن المرطبات الثانيه وعن تجربه طبعا تحطينه اليوم يتم على جسمج لين اليوم الثاني ومافيه معطرات او مواد تسمر الجسم مع كثرة استخدامه يفتح الجسم وخلكم بعيد عن المنتجات الغاليه وعن الخلطات إلي اصلا هم يدخلون فيها الفازلين وانتو ما تدرون فليش الخسر وعندكم هذا المنتج إلي متوفر ف كل مكان وسعره مناسب وانا تم عندي تقريبا 8 شهور واكثر طبعا انا ماخذه الحجم الكبير  ولي اكثر عن جي انه ضد الشمس يعني بخصوص إلي يقولون دوامات ونسوق وتسمر ايدنا لأنكم تستخدمون مرطبات معطره وتجف من ايدكم ف دقايق اما هذا غير .. وكلامي عن تجربه واتمنى الكل يستفيد  

طريقتي السهلة لتصغير الأنف بالمكياج

 نبدآ بالأدوات

    يله نبدأ حسب المناطق المشاره ف الصوره  آول شي ناخذ الفرشاه

ونستخدم الشدو البني ونحدد المناطق الزرقاء والأسهم السوداء

من بداية الحاجب إلى نهاية الأنف

و تنبيه ما نكثر من الشدو ف الفرشاه بعد التحديد

نحرك الفرشاه ع المناطق الزرقاء والسوداء عشان اللون يخف

ويتوزع وما يبين وايد اكيد بتسألون؟ ليش الشدو بدل من

الكونسيلر البني الداكن او الغامج لأن الشدو سهل التوزيع

وما يبين ان الأنف ملعوب فيه او مرسوم 

----------------------------------

 بعدها نستخدم الكونسيلر ف المناطق الحمراء والمنطقة الخضرا

ونوزعه بالأصبع او اي فرشاه وطبعا هذي الطريقه لأي شكل

من اشكال الأنف وبس طريقة سهله وبسيطه بدال

عمليات التجميل

معلومه : هذي طريقتي الخاصه لو عيبتكم نفذوها

تم إفتتآح الصفحة في تآريخ 4-4-2013

​

الصفحه عبآره عن