Main chai peene ka bada shauqkeen hu, subhe subhe jab halki thand ho aur sooraj ki kirne jab ekdam hi pyaar se khidki se andar aarahi hoti hai. Tab sabse perfect time hota hai chai peeneka. Itna shauqkeen hone ke baad bhi maine kabhi chai bana na nahi seekhi harr dusra insaan puchte rehe jaata hai mujhse "Tujhe chai banani nahi aati?". Par kabhi iska uttar nahi mila mujhe ki chai itni pasand hokar bhi kabhi banani seekhi kiu nahi. Aaj bas aise hi apna samay barbad karte karte reel dekhte dekhte khayaal aagaya, ki shayad maine kabhi chai isliye banani nahi seekhi kiuki jab maine peheli baar chai pii thi vo mere dadaji ne banayi tho jo mujhse itna pyaar karte the ki shyaad hi aur koi kabhi kar paaye harr subhe 6-7 baje mere dadaji 2 cup chai banate ek mere liye aur ek unkeliye. Jabhi main chai peeneki zidd karna aur mummy mana kar deti pure ghar se chup chupakar mujhe chai bana dete the. Unke jaane ke baad mereliye chai bananeki zimmedari meri mummy ne utha li. Jabhi bolo tab ek cup adrak wali chai mil jaati thi. Shayaad mujhe chai isliye nahi pasand kiuki vo chai hai shayaad mujhe chai isliye pasand hai kiuki vo mujhe mere dadaji ki yaad dilati hai jabhi jaha kahi bhi rahu par chai ki ghooth leta hu har ghooth ke saath uss pyaar ki yaad aati hai jo hamesha keliye dadaji apne saath le gaye. Main hamesha sirf unhi logo ko chai banane bolta hu jinse mujhe beintehaa mohabbat milegi. Kisi din seekh lunga chai bana na jiss din mujhe kisko batana ho ki main bhi shayaad unse beintehaan mohabbat karta hu.
