Tiana

اللي ما يعرفش قيمتك خلي الايام تربيه في غيابك وتعرفهاله

رحلة البحث عن فستان لما البسه احس اني princess

يا سلام على جودة الحياة بعد ما قررت اني مش هقبل اعيش دور الضحية تاني

لما هو عادي بتعيط ليه

احن شعور لمسته بقلبي وبكل كياني لما بلاقي حد بيحاول يخليني سعيدة وده بيتحقق بحاجات بسيطة جدًا يعني مثلاً مابيكونش في حد اسعد مني لما بلاقي اخويا راجع من بره وجايبلي حاجة حلوة من غير ما اطلب🥹🥹🥹

معايا خبر حزين وهو اننا بنوصل لعمق بعيد مع شخص واحد بس في حياتنا بعدها بنتعامل بسطحية مع كل حاجة.

انا مبسوطة من نفسي علشان مقدرش اخيب ظن حد فيا.. مش بيهون عليا اخذل اي حد من صحابي ابدًا، كل ده حلو وجميل لحد ما الاقي النتيجة ان هما اللي بيخذلوني طب وحركة الجدعنة اللي ماتطلعش من اختك اللي انا لسه عاملاها😆

كنت بشوف جزء من لقاء مي عز الدين مع صاحبة السعادة وحسيت بأمل وراحة نفسية لما قالت ان جوزها الشخص الوحيد اللي حققلها الشعور بالامان فعلاً، يا رب وانا كمان بتمنى الاقي الامان واكون مرتاحة وسعيدة❤️

بحاول الفترة دي اكون انسانة بتقول "لأ" وهي مش قلقانة ولا بتفكر في اللي قدامها اكتر من نفسها