#yahooask

對於成日失眠、瞓得唔好嘅我來講，真係好羨慕枕邊人有一秒入睡嘅能力！不過，原來秒睡唔代表瞓得好，反而係調返轉!

早前日本節目《マツコの知らない世界》大談睡眠問題，並請來睡眠改善專家竹田浩一先生，分析身體過勞、睡眠不足等會有咩睡眠特徵。

竹田表示，一般人要用20-30分鐘，至可以冷靜並進入睡眠狀態，如5至10分鐘內就可瞓著，呢種情況稱為「氣絕」(日文「昏迷」意思)，其實並唔正常!竹田亦於節目中分析4種睡眠特徵:

1.10分鐘內入睡

2.鬧鐘響前已經醒

3.起床後4小時內想瞓回籠覺

4.空閒時，隨時隨地都可以入睡

只要你中咗是旦一樣，已經代表你身體過於疲勞及嚴重睡眠不足!竹田提醒，長時間唔夠休息，會令身體超出負荷，健康響起警號。

瞓得好有助減少新陳代謝物積聚身體，具天然排毒功能，專業瑜伽導師Peggy Wong表示，睡前可透過簡易瑜伽式子改善睡眠質素，令繃緊肌肉放鬆，心情慢慢relax，即刻跟住Peggy一齊做，然後發個好夢吧。

1.Reclined  bound angel pose 仰臥蝴蝶式

有助伸展臀部、大腿內側、鼠蹊部、肩膀與胸部肌肉。將枕頭打直放在背部，慢慢躺下直至頭部貼住瑜伽枕(可用挺身枕頭代替)，腳掌貼腳掌，雙腿自然分開，感受腿部肌肉伸展，保持動作至少1分鐘，配合腹式呼吸放鬆身體。

2. Seated Cat and Cow pose 坐立貓牛式

盤腿坐，雙手放頭部後方，吸氣時轉動骨盆向前，胸椎向上，保持頸後側伸展；呼氣低頭拱背，拉伸脊柱後側，肚臍內收，轉動骨盆向後，重複5-6次，配合呼吸節奏，既能調節呼吸又可以增加專注力，令身心平靜。

3. Leg up the wall pose 靠牆倒臥

將臀部貼近牆或床頭，伸直雙腳朝向天花板，打開雙手。保持姿勢並深呼吸5分鐘。完成後，彎曲膝蓋並側身放低雙腳。呢個式子將下半身血液倒流返頭部，促進大腦血液循環，有助改善失眠問題。同時紓緩雙腳疲勞、背痛，以及放鬆尾龍骨。

4.Supine Spinal Twist

仰臥轉腰

身體平躺，右腳屈曲，左腳蹬直。左手放在右膝，向外攤開右手，將右腳慢慢拉向左邊，保持肩膊貼地。維持5-6個呼吸後，回復平躺姿勢，並換邊。呢個式子可以放鬆下腰及釋放下背壓力，按摩內臟器官，改善背部僵硬及放鬆肩膀。

5.Child's Pose 嬰孩式

腳指公對腳指公，雙膝微微打開至盤骨寬度，跪坐在腳踝上，將枕頭放在腹部位置，上身趴下頭部自然側放貼住枕頭，一邊深呼吸一邊維持3分鐘，有助消除身體疲勞及緊張，亦可減輕腰酸背痛，以及伸展脊椎、背部下方、頸部和手臂，令全身得以放鬆。

Peggy Wong 

瑜伽及空中瑜伽導師

Peggy's sharing:

近排最熱嘅電影，一定係《Joker》。以下有少雷，主角由於細路某啲創傷，引致佢成長期間一直被人不正常咁對待，當然亦間接導致佢長大後難以正常生活，喺度唔講太多，免得劇透。不過純粹想大家知道，唔好以為Joker只係電影，事實上根據2016年美國一項研究統計，每3位年滿17歲嘅年輕人，有其中兩位都曾經有過各種各樣童年創傷，即係話現實上Joker，一啲都唔難搵。

美國麻省就有一間專門教育專業人士，如何處理受過創傷嘅兒童。學校名為「Trauma-Informed School」（已知創傷學校），受訓嘅包括教師、社工、心理學家等。因為大家都知，如果唔好好處小朋友因為心理創傷引致嘅問題，後果非常嚴重。學校根據眾多兒童心理學家嘅心血研究，得出一系列教程，廣為全球採用成為教案經典。根據學校統計，童年經歷過創傷嘅小朋友，長大校得到身心健康問題嘅機會幾乎達8成，包括抑鬱症、自殺傾向、過肥、酒精上癮、濫交、癌症等。

至於文章開頭所講，每3位年輕人有2位有過創傷；其實創傷並不一定係指實際肢體虐待或者性侵；原來連家長長時間忽視、對子女要求零回應、不斷指責及恥笑子女、貶低子女自身價值等，都會對子女造成極大創傷，而且程度不比耳聞目睹嘅身體創傷小。小朋友會自少身處高壓力之下，不停擔心自身安危，大腦杏仁體非常活躍咁去偵測周遭危險，令大腦不停釋放壓力賀爾蒙，被稱為「毒性壓力」（Toxic Stress）。有毒性壓力嘅小朋友就會產生情緒及學習問題，人會變得神經質、過度反應、驚慌或暴力傾向等。

「Trauma-Informed School」就清楚表示，作為家長就算未受過佢哋嘅專業訓練，都必須唔可怪責小朋友，以為佢哋係壞係懶或者教唔好；尤其係用傳統方法懲罰佢哋，反而會得到反效果，最壞情況令小朋友放棄學習，走上歪路。作為家長，就算唔理解佢哋，都請你交小朋友畀受過訓練嘅專業人員照顧，切記，要畀小朋友安全感，要令佢哋身心覺得學全，先可以有效咁學習同生活。

貓同狗係非常唔同嘅動物，相信各位貓奴都有如此感受，或者有時仲會羡慕一下狗狗會好親人、嗲人；當然貓貓都有其優勝之處，但如果想貓咪冧人，似乎萬中無一，而且一旦你夾硬嚟，隨時會被佢哋討厭。其實貓並非如大家想像咁「冷酷無情」，相反，有專家就話貓唔單止會親主人，仲識得計時間等主人返屋企！

貓專家，動物行為學家Mieshelle Nagelschneider就話，貓咪有自己嘅生理時鐘，而且係「極為守時」嘅動物，甚至係「最守時」嘅動物。貓咪會習慣自己起身時間，如果貓奴係餵罐罐的話，貓咪會記得餵飼時間，而你出門口返工、返屋企時間佢哋一樣會記得。Mieshelle話好多貓咪會記得貓奴返屋企時間，當差唔多時佢哋就會瞓醒或安定落嚟，然後開始整理自己，例如互相理毛等，準備迎接你哋返嚟。更甚者，如果貓咪做咗壞事，例如打爛嘢、整污糟地方等，佢哋都會適時調理心情，等你哋返屋企時可以佯裝一副唔關自己事嘅狀態。而貓咪適應呢個生理時鐘，大概需要3個月時間，所以如果貓奴生活習慣有改變，例如餵貓時間、返屋企時間有變動，貓貓會有3個月適應期，呢段期間嘅貓咪可能會較為躁動不安。

Mieshelle又畀咗幾條貼士各位新手貓奴，如果要令貓咪愛上你，一定採用相反手法，即係避免做出一切愛貓者行為，包括：錫貓、攬貓、用手捉住貓貓隻手等，起碼唔好一開始養貓就咁做，咁樣會得唔到貓咪信任，仲會令佢哋難以安心。另外比較易被忽視嘅，包括喺屋企講嘢時好大聲，貓係喜歡靜嘅動物，最怕噪音；同埋佢哋鼻哥好靈，哪怕你喺街上經過一隻狗，佢哋都會聞到，引起不安，最理想係返屋企前噴一噴寵物無害嘅空氣清新劑，去除街外一切雜味。

Mieshelle再教路，要貓咪友善而且行為良好，最理想係唔好太早令佢哋離開貓媽媽，建議起碼4個月大之後先帶走，以免佢哋產生心理障礙，而且可以等佢哋多啲時間同其他貓貓一齊相處，自然培養出正常貓貓性格及行為。

大家有無見到有啲朋友，無論讀書定工作，都往往會將工作推到最後先處理，呢種Deadline Fighter完全唔少，十分常見，可能你哋本身都係其中一位。不過拖延症呢件事一直喺唔同地方都引起討論，有好多唔同見解。最常畀人嘅感覺就係，佢哋好懶，所以拖住唔做。不過於拖延症呢個範疇上有極大權威，研究超過20年嘅加拿大卡爾頓大學心理學教授Timothy Pychyl就畀咗一個現今最被專業人士廣泛接納嘅論點：「拖延症不是懶惰，拖延症是對壓力的一種處理機制。」

Timothy就為拖延症人士提出幾項改善方法，其中一個係要大家有心態上嘅改變。拖延人士往往唔想自己離開Comfort Zone所以唔去處理，仲暗中希望有人會為自己解決，心存僥倖。但事實上大家並非活於童話世界，唔會突然有白馬王子出嚟救你，大部分最後都係自己做，拖延只係令工作變得更漫長，更趕急。Timothy認為所有拖延症嘅解決方法都係需要自己做主動，踏出第一步一定要喺自己。

Timothy又提供另一個方法，就係大家每次拖延之前，不妨暗中數5秒，然後作出行動，哪怕係普通一個電話或者電郵，總之要係同事情有關嘅動作。只要每次養成呢個「5秒法則」，拖延症就會可以慢慢改善。

未必每個女生需要男朋友，但肯定所有女生都需要一個閨蜜!有句說話叫「女人的友誼比紙更薄」，究竟怎樣分辨身邊的姊妹是真還是假閨蜜呢?根據外國研究發現，說話尖酸刻薄的朋友，居然比說甜言密語的人更值得深交。

據美國著名媒體《nypost》(紐約郵報)報導，英國普利茅斯大學（University of Plymouth）心理學教授Belén López-Pérez有一項關於朋友的研究，在140個成年人的交友狀況中分析，發現有些人說話之所以尖酸刻薄，是為了給朋友當頭棒喝，以免走上不歸路。就算知道或會被朋友討厭，也會選擇這樣做，只是希望對方能夠獲得成功。

教授表示「千萬不要因為一個人的表面行為，就判定對方對自己的價值」，而是應該要好好想想「朋友的直白話語，背後代表的真正含義」。所以，如果身邊有姊妹會批評你的想法、說話總是不留情面，請你好好珍惜。

真小人不可怕，最可怕是偽閨蜜！上文說到真閨蜜才會對你直腸直肚，那麼偽閨蜜又有甚麼可怕特徵呢?

1.有難不同當

偽閨蜜可以同甘，不能共苦。在你成功的時候叨你光、佔你便宜，當你失意時卻會第一時間消失。

2.大喇叭

朋友間當然會互相分享心事秘密，但若你發現你的私隱被不相熟的朋友知道時，不用驚訝，因為偽閨蜜會將你的秘密成為她籠絡人心的籌碼。

3.妒忌心重

當你被別人賞識稱讚時，偽閨蜜的真面目會馬上現形，妒忌你比她過得好，在背後做小動作傷害你形象。

4.公主病

明明大家都是女生，總有些女生公主病特別嚴重，所有事都要大家圍繞著她，但她卻從不會主動關心身邊朋友，你當她是好友，她卻當你是妹仔，即使你難過時都不會有半點安慰。

5.發電機

閨蜜間分享化妝品、衣服是平常事，但男友卻萬萬不可分享!偏偏有些偽閨蜜卻是心機超重的綠茶婊，背後私約你男友出外、搞曖昧等。

圖片來源：

最近有最新調查引起亞洲父母一股騷動，就係亞洲人同西方人與子女關係，最終結論係西方家長往往可以同長大嘅子女做咗真正朋友，相反亞洲父母幾乎無可能同子女做朋友，哪怕父母好想同子女建立朋友關係，但往往只會得到負面效果，子女會抗拒甚至有不安感覺。美國UCLA幼兒教育專家Caroline Yeung就話自己經歷過西方及亞洲家長嘅照顧，個人經濟加上專業知識，得出西方同亞洲父母養兒育女最大不同習慣。

分房瞓

西方父長往往由懷孕開始已經為BB佈置新房，從出世無耐已經讓子女自己一個人瞓，或者同兄弟姊妹一間房；相反亞洲父母幾乎要等到子女3、4歲先會畀佢哋自己一間房。西方子女因而自小得到獨立習慣，唔會過度依賴父母照顧，從小埋下自己照顧自己嘅想法。

餵食飯

亞洲父母最常見餵小朋友食飯，會全程守候並一啖一啖咁送上小朋友口中，如果唔肯食仲要氹佢，又怕佢食唔晒又怕佢唔肯食；相反西方家長大部分係由小朋友坐喺BB飯桌上，由佢自己進食，當中當然會跌唔少食物或者進食困難，不過父母都鮮有出手相助，結果小朋友就慢慢學識一啖一啖自己進食。

玩泥沙

西方父母好喜歡帶子母去戶外玩，而唔怕子女喺任何環境中交朋友及玩樂，例如一啲衛生比較差嘅公園，甚至只係簡單一個沙地，亦唔怕子女認識其他朋友；但亞洲父母普遍較保護子女，衛生稍有不足已經唔會畀小朋友去玩，就算室內遊樂場都好關心消毒環境。

Caroline認為子女認知從幼兒狀態開始，以上3點嘅分別已經對一個小朋友成長造成莫大影響，亦等如向佢哋貫入價值觀、行為、學習方式等，因此影響長大後同父母嘅關係。當然，由始至終無話亞洲定西方嗰一套教育方法比較好，而唔同家庭都有個別不同方法，亦不能只分亞洲及西方就算；最理想係搵出一套自己同子女都舒服嘅相處之道，無須刻去模仿呢。

畫眉，説難不難，但要畫出完美比例的自然眉形，確實需要點技巧。眼見其他女生能晝上漂亮眉妝，自己卻手殘怎也畫不好？新手不妨參考日本化妝師夏瀬ゆうな的化妝教學IG，以下教大家6個步驟簡易快速畫出一條 自然又漂亮的眉毛！

畫眉前準備事項

1.修剪雜毛

畫眉前先用修眉刀或眉鉗，順著本身眉型把眉毛修順，拔掉眉毛旁的雜毛，令畫眉時更順手，眉色也會看起來比較淡、平均一點，同時讓眼周皮膚看起來更乾淨。

2.了解自己眉毛顏色

眉彩建議不要一昧選擇流行顏色，而是選擇和自己髮色接近的色系。如果髮色較淺色例如淺金、奶茶色或亞麻色，可以選擇淺棕色系眉彩；深咖啡、巧克力色系，眉彩建議選擇比較自然的深棕色系；髮色偏冷色系的，例如黑、深綠及深藍色，可以選擇偏深灰色系的眉彩。當眉色跟髮色相近，眉妝看起來會比較自然。

3.找出眉毛的黃金比例

畫眉前首先要認清自己的眉形，正確的眉頭、眉峰、眉尾位置是很重要的，缺少任何一樣或是位置不對，眉型就會變得很奇怪。黃金比例建議是眉頭在鼻翼、眼頭上方，眉峰要在眼球外圍上方，眉尾則要在咀角與眼尾連成一線的直線上。

4.下筆前緊記2大NG位

了解自己眉毛的黃金比例後，還要緊記畫眉2個注意事項，第1就是不要從眉頭下手，因為第一筆下手通常都會太重，容易令眉頭太過深色，應該從眉毛中後段開始下手，然後分開向眉尾及眉頭兩邊方向延伸，會暈染得更自然；第2是注意眉尾不要畫得比眉頭低，不然會顯得無精神及活力。

6個步驟快速畫出自然眉妝

先準備畫眉工具例如眉筆、眉粉、染眉膏、眉刷等，之後就可以跟著以下6個步驟畫出完美自然的眉形:

Step1：先利用淺一點顏色的眉粉，根據先前量度的黃金比例，大概描繪一下眉毛形狀，記得不要畫眉頭。

Step2：再用眉筆輕輕調整形狀，下筆手法要輕，沒有毛的地方要一根一根慢慢地畫出來，此時還是別碰眉頭。

Step3：用深一點顏色的眉粉加深眉峰到眉尾，令眉形更有層次感，特別是眉尾要仔細描繪。

Step4：利用沒有沾上眉粉的眉刷，慢慢把眉粉往眉頭延伸，此時眉頭的顏色就會變得超級自然。

Step5：用眉刷暈開眉頭色調，順便梳順眉毛。

Step6：如果你覺得眉毛色調與眉筆畫出來的色調有點融合不來，這時就要出動染眉膏，以逆刷方式輕輕刷一遍眉毛，最後上色完成後再以順刷方式令毛流方向變得更順。

圖片來源：

ig@makeup_tamami,ig@yuna_natsuse,ig@hannah_quinlivan,ig@ghlchan

不再犯錯！10大新手必犯畫眉錯誤| Makeup 化妝| SundayMore

就是差這一筆！必學整容級畫眉術

「我全家都好幸福喎！」大家一定聽得好多，而事實上好多人都視家庭幸福為最重要嘅願望，人人咁努力返工，都係想家庭好，家人生活快樂滿足。不過成日都話想家庭幸福，實際上主宰家庭幸福感嘅又係咩？不外乎幾大因素，分別係伴侶關係、子女關係、父母關係。

台灣中央研究院心理學教授劉蓉果就透過心理學研究，了解各種關係於家庭中佔幸福感幾多。研究搵咗華人家庭動態資料庫入面嘅數據，加上深入採訪若干家庭，得出唔少有意思嘅研究。首先，家庭關係之中，男女自信強項大有不同，女人最有自信係教育仔女，認為自己可以同仔女維持幸福關係；而男人就對婚姻最有自信，確信自己可以同伴侶有良好關係，對婚姻十分有信心。不過大家記住，以上講嘅係各人嘅自信，做唔做得好又係另一回事。

而根據研究發現，實際上最影響家庭幸福度，就係婚姻關係，即係自己同伴侶嘅關係。兩人感情愈好，家庭幸福感就愈強，否則就算其他兩種關係做得好，亦唔會幸福。另外又發現，男士比女士更重視父母關係、及家庭收入；而女士比男士更重視子女關係。

最後，大家可能最關心嘅係究竟如何維持一個好嘅家庭關係，研究人員指出就係家庭中每一位都要付出，每人都要有自己貢獻，必須自己想方法令自己為家庭付出；適應唔同家庭崗位，做自己崗位要做嘅責任，千萬不能只求他人付出，只求其他家庭成員為自己改變呢。