#varudu

అల్లు అర్జున్ కెరియర్ కి నాపేరు సూర్య గట్టి దెబ్బ వేసింది! డిజాస్టర్ సినిమాల విషయంలో  టాలీవుడ్ ఇండస్ట్రీలో స్టార్ హీరోలతో పోలిస్తే అల్లు అర్జున్ ట్రాక్ రికార్డ్ బాగానే ఉంది. చాలామంది స్టార్ హీరోల కెరీర్లలో డిజాస్టర్లు లెక్కకు మిక్కిలి ఉన్నాయి.  అయితే అల్లు అర్జున్ కెరీర్లో మాత్రం ఒక్క 'వరుడు' మాత్రమే అతిపెద్ద డిజాస్టర్ సినిమా అని చెప్పవచ్చు.  ఈ నేపథ్యంలోనే, బాక్సాఫీస్ దగ్గర అల్లు అర్జున్‌ కు సేఫ్‌ హీరో అనే ఇమేజ్‌ వచ్చింది.  సాధారణంగా, అల్లు అర్జున్‌ సినిమాలు ఫ్లాప్‌ టాక్ తెచ్చుకున్నప్పటికీ కలెక్షన్లు బాగానే రాబడతాయని.. దీంతో అతి తక్కువ నష్టాలతో  బయటపడవచ్చని ట్రేడ్ వర్గాలు భావిస్తాయి. అల్లు అర్జున్ కెరీర్‌లో  ‘హ్యాపి’.. ‘సన్నాఫ్ సత్యమూర్తి’.. ‘దువ్వాడ జగన్నాథం’ లాంటి సినిమాలు డివైడ్ టాక్‌‌ తెచ్చుకున్నప్పటికీ ఓ మోస్తరు వసూళ్లు రాబట్టాయి.‘నా పేరు సూర్య’కు కూడా డివైడ్ టాక్ వచ్చినప్పటికీ.. ఇది మరీ అంత చెత్త సినిమా ఏమీ కాకపోవడంతో వసూళ్లు బాగానే ఉంటాయని.. బయ్యర్లు స్వల్ప నష్టాలతో బయటపడతారని అంతా అనుకున్నారు. కానీ అలాంటి పరిస్థితి ప్రస్తుతం ఏమాత్రం కనిపించడం లేదు. గత కొన్ని రోజులుగా ఈ సినిమా కలెక్షన్లు బాగా తగ్గుముఖం పట్టాయి. ఈ క్రమంలో సినిమా ప్రమోషన్ కార్యక్రమాలు మొదలుపెడితే సినిమాకు కొంత ఊపు వస్తుందని కొంత కలెక్షన్లు రాబట్టుకోవచ్చని అనుకున్న సమయంలో 'మహానటి' సినిమా రిలీజ్ అవడంతో 'నాపేరు సూర్య' కలెక్షన్ల పరిస్థితి దయనీయంగా మారింది. దీంతో ప్రస్తుత కలెక్షన్లు చూస్తుంటే బయ్యర్లు నిండా మునిగిపోయారు అని నిర్మొహమాటంగా చెప్పవచ్చు. మొత్తం మీద 'నా పేరు సూర్య' డిజాస్టర్ ఫ్లాప్ అవడంతో బాక్సాఫీస్ దగ్గర  అల్లు అర్జున్  ఇమేజ్ కు చాలా పెద్ద దెబ్బ వేసింది అని చెప్పవచ్చు. వరుడు తర్వాత అల్లు అర్జున్ కెరీర్లో అతి పెద్ద డిజాస్టర్‌ 'నా పేరు సూర్య' అని చెప్పుకోవచ్చు.