#thelostone

Obi-wan #similarpose in #SWTCW n #ROTS #StarWars #S06ep10 #TheLostOne #ObiWanKenobi #JamesArnoldTaylor @jatactor #EwanMcGregor @mcgregor_ewan

"Pasukan na naman". "Gastos na naman". "Gigising na naman ng maaga". Mga katagang malimit mamutawi sa ating mga bibig kapag ang pasukan ay sasapit na. Oo! Kapag narinig ang salitang June, isa lang ang ibigsabihin nyan balik eskwela na. Tapos na ang halos 2 buwang pagpapakasaya o kaya naman ay ang pagsasummer job. Pero ako nasasabik ako kapag malapit na ang pasukan. Ewan ko kung bakit, na halos tanggalan nako ng buhok ng kaibigan ko kung sasambitin kong " Yes! June na pasukan na". Aaminin ko nababadtrip ako kapag gigising at maliligo ng maaga para maghanda sa darating na eskwela, sabayan pa ng mga gurong nakakatakot at mga bagong kamag aaral na nakakapang init ng ulo sa sobrang kulit. Sa totoo lang di naman talaga ako nasasabik na babalik ako ng paaralan, medyo lang kasi madaragdagan na naman ang aking mga kaalaman. Naalala ko lang kasi ang dating panahon na gusto ko lang talaga sumapit agad ang pasukan dahil iyon ang oras o mga panahon kung saan makakasama ko ang aking ina. Na halos matagal kong di nakakasama dahil ginugugol nya ang buo at lahat ng oras sa pagtatrabaho para kamiy manatiling humihinga. Isang linggo bago ang magpasukan. Uuwi na ang aking ina upang kamiy samahan na makapamili ng aming mga notebooks, ballpen, lapis, bags at iba pang school supplies. Nariyan din si ina upang gabayan ako sa pagpili ng tamang sukat ng uniporme ko. Abot tenga talaga ang ngiti ko kapag namimili kaming mag iina, kasama ko si kuya at ang dalawa kong nakababatang kapatid. Syempre bago kami sumabak sa mainit na pilian ng mga gamit ay kakain muna kami don sa paboritong eatery ni mama sa Palengke ng Lipa City. Malapasko ang saya ko kapag sabay sabay kaming kumakain dahil minsan lang mangyari ang pagkakataong ito.Pagkatapos naming kumain ay ilalabas ko na ang cellphone ko upang makakuha ako ng litrato kung saan magsisilbi itong alaala sa mga ginawa namin sa araw na ito. Kahit masakit sa balat ang sikat ng araw ay di ito alintana samin bastat makumpleto lang ang mga dapat bilhin.Matapos ang nakakapagod na araw ng pamimili ay uuwi na din kami sa aming munting tahanan at nandyan naman si tatay upang kamiy salubungin at bitbitin ang aming mga dala dalang kagamitan. At kapag nasa loob na kami ng aming tahanan, mapapalingon nalang ako sa aming hapag dahil may handa na palang hapunan. Maghuhugas lang kami ng aming mga kamay at sabay sabay na din kaming uupo upang simulan ang masayang kainan na sisimulan sa pagdarasal. Halos alas onse na ng gabi, ngunit ang pamilya namin ay di pa nakararamdam ng antok.Masayang nakukwentuhan at nag papaingitan ng mga bagong kagamitan pang paaralan.Nagsimula na din ang mga paala ala nina amat ina na pagbutihin raw namin ang aming pag aaral dahil ito lang raw ang maaari nilang ipamana sa amin. Kahit mga lamok ay napapasabay sa aming mga tawanan. Sinusulit na namin ang bawat segundo na nandirito pa si inay dahil sa pagputok ng araw ay aalis na namang muli sya dahil may trabaho syang naiwan. "Napapapatak nalang ang aking mga luha kapag naaalala ko ang mga panahong kumpleto at masaya pa ang aming pamilya, at ngayon sasapit na naman ang buwan ng Hunyo magsisimula na ang eskwela,at hanggang ngayon umaasa pa din ako na uuwi si ina upang kamiy samahang mamimili ng mga kagamitang pang eskwela.Ngunit tila hanggang panaginip nalang ata ang aking mga hinihiling. Marahil di na nga talaga siya babalik na kahit grade 12 nako di pa din ako sanay na di ko na sya makakasama.Iniisip ko, sumuko na ba sya,napagod na ba sya sa amin dahil di namin kayang mamimili ng kami lang o may iba pa ding dahilan. Na sa bawat paggising ko nasa isip at puso ko pa din ang pananabik na isang araw babalik si ina upang kamiy samahan.Hanggang ngayon kakaiba pa din ang saya ko kapag sasapit na ang araw ng pasukan dahil para saken hudyat iyon ng pagbabalik ng aking ina.

Obi-wan #similarpose in #SWTCW n #ROTS #StarWars #S06ep10 #TheLostOne #ObiWanKenobi #JamesArnoldTaylor @jatactor #EwanMcGregor @mcgregor_ewan