Sa totoo lang ang dami kong gustong sabihin sayo ngunit ni isa walang lumabas sa akin

Sa totoo lang pansin ko ang pagbabago ng pakikitungo mo sa akin pero pinipilit kong unawain

Sa totoo lang unti-unti ng nawawala yung tayo dahil mas pinili natin kung ano tayo ngayon

Sa totoo lang masakit sa tagiliran, sa ulo, sa paa sa kuko ramdam ko ang pagbabago at pagkawala ng ikaw

Sa totoo lang dapat di ko na pinilit pang maging malapit sayo kaya ito ako lang ang talo

Sa totoo lang naiinis na ako sayo yung pakiramdam ko napipikon na nga ako sayo

Pero sa totoo lang di ko rin naman kaya na hindi ka kasama dahil ayoko ng may mawala

Takot ako mawala yung bagay na masaya sa pakiramdam pero sa totoo lang masakit nga kasi

Sa totoo lang ang daming nagbago sayo sa loob ng dalawang buwan

Dalawang buwan pero akala ko tatlong taon ang nagdaan sa bilis ng pagbabago mo dun lang tayo sa totoo

Dumadating ang panahon na lilipas din tong mga napapasin ko na parang ito talaga tayo. Hindi ko masabi dahil takot akong mas lalong maramdaman ang paglayo mo. Ramdam na ramdam ko ang pagbabago ito ang tunay na pagbabago.

Pinatunayan mo sa akin na hindi lahat ay totoo sinampal ako ng katotohanan masakit pero pinili kong hindi magsalita manatili ka lang. Pinilit kong di magsabi ng totoo sayo dahil aalis ka na pag nagkataon.

Sino na ba ang nagtatago Sino na ba ang niloloko. Kala ko ba'y ika'y magbabago Ngunit bakit ngayon ika'y naglaho.

Ako ay naririto lamang, natatabunan ng nyebeng kalungkutan, kung saan ako'y yong iniwan, Noong panahong ika'y kailangan.

Sa matagal mong pananahimik, Hindi kita hahanapin, Hindi kita tatawagin, Bagkus ika'y hihintayin.

At kung sakaling magbabalik Puso ko'y punuin ng libong saksak, At damhin mo ang damdaming wasak, Noong panahong ako yong pinahamak.

Ako ngayon ay nagbago, Dahil sa iyong pakikitungo Ako'y iyong niloko, Ako'y iyong tinukso, Ako naman ngayon ang maglalaho, Dahil kung sakaling ako'y magtatago Ay hindi na muling tutungo rito, Sapagkat ako'y magsisimula na ng bagong yugto.