#swing party

間唔中都會遇到有啲人加我telegram或者wechat，第一句就問：「你哋仲有運作㗎呵？」

講真，我哋會網又真係更新得唔多嘅，皆因我哋主要係用手機app平台多啲。今時今日，我哋個會網只係淪為新人想入會嘅資訊平台。日常會員傾偈交流，都會去晒我哋自己個手機app平台。所以更新會網純粹只係唔想個會網變咗殭屍網站，哈哈哈哈哈。

至於話要專登出啲相或者出啲文去介紹SBC，真係唔係好有動力。我哋都成立咗成十一年，要寫嘅都寫過晒，太流水帳嘅嘢又唔覺得有乜好寫。

尤其呢大半年香港都未平靜過，正所謂一波未平一波又起，講太多政治嘢又好似唔太適合，講曳曳嘢咩…well，可能我講得太多，有啲悶。至於相，我哋不嬲都唔係主打呢樣嘢，加上好多私隱嘢要照顧，又要注意法律責任。想睇會員自拍嘅話，做咗會員咪有得睇囉！

最近疫情仲未完全緩減落嚟，個個都驚，尤其是越嚟越多集體感染都係因為聚會出事，作為負責任嘅主持人，為免大家冒不必要嘅風險而攪出個大頭佛，sex party當然要暫停一下啦。