#sromaiplus

<គិតត្រូវ> មានរឿងមិនតិចទេ ដែលមនុស្សម្នាក់អាចត្រូវគិតប្រចាំថ្ងៃ ដែលពេលខ្លះវាច្រើនរហូតដល់គិតមិនចេះអស់។ តើគាត់ពិតជាត្រូវគិតរឿងទាំងអស់នោះ? ហើយគាត់រាល់ចម្លើយឬទទួលបានលទ្ធផលពីការគិតរបស់គាត់ដែលត្រឹមត្រូវបំផុត? រាល់វិនាទីដែលយើងយករឿងអ្វីមួយមកគិតគឺយើងបានកំពុងតែប្រើអាយុរជីវិតរបស់យើងមកប្តូរ។ ប្តូរត្រង់ណា? គឺពេលវេលាដែលយើងបានចំណាយនេះឯង។ ភាពសម្បូរបែបនិងការមិនចេះរីងស្ងួតនៃបញ្ហាដែលគ្មានដែនកំណត់ បានក្លាយជាសក្ខីភាពបញ្ជាក់ថា ពេលវេលាដែលយើងមានមិនអាចគ្រប់គ្រាន់សម្រាប់គិតរឿងច្រើនអនេកលើលោកនេះទេ គួរគិតរឿងដែលចាំបាច់តែប៉ុណ្ណោះ ហើយយើងមានសិទ្ធធំជាងគេក្នុងការជ្រើសរើស។ រឿងខ្លះតូចទេ តែបើគិតវាទាន់ពេលវានឹងបង្ការគ្រប់បញ្ហានានា រឿងខ្លះមើលទៅជាដើមចម តាមពិតវាជាលទ្ធផលនៃបញ្ហាមិនមែនឬសគល់ ទោះដោះស្រាយយ៉ាងណាក៏នៅតែកើតមានជាថ្មី កាន់តែស្មុគ្រស្មាញ រីឯរឿងខ្លះសាមញ្ញ តែបើបានគិតគូរដោះស្រាយវាបែជាធ្វើឱ្យស្ថានភាពតានតឹងក្លាយជាធូរស្បើយដោយងាយទៅវិញ។ មិនចាំបាច់ខ្វល់ថាគ្មានអ្វីត្រូវគិតនោះទេ យល់ល្អគួរគិតថាតើយើងត្រូវគិតរបៀបណា? របៀបណាគឺសំដៅលើការប្រើ វិធីសាស្ត្រណា ក្របខ័ណ្ឌអ្វី ទស្សនៈអ្វីខ្លះ និង ចំណេះដឹងនានាដើម្បីយកមកគិតលើកិច្ចការណាមួយឱ្យបានត្រឹមត្រូវនិងមានប្រសិទ្ធភាព។ គួរផ្តោតពេលវេលារៀនរបៀបគិត ប្រសើរជាងការចំណាយពេលទាំងដុលទៅគិតគ្រប់រឿងដោយទទឹងទទែង គ្មានក្បួន។ #Leanghong #SROMAIPlus (at KARE) https://www.instagram.com/p/Ck3KmOly-04/?igshid=NGJjMDIxMWI=

<ទំរាំដល់ពេលយើងជោគជ័យ> ក្រោយការជោគជ័យនីមួយៗដែលយើងបានឃើញ មិនមែនកើតឡើងដោយស្រួលៗនោះទេ។ តែហេតុអ្វីបានជាពួកគេអាចធ្វើបាន? ដោយសារតែពួកគេ មានសមត្ថភាពខ្ពស់ក្នុងការតស៊ូ អត់ធ្មត់នឹងបញ្ហារជាច្រើន ដែលប្រៀបបាននឹងព្យុះភ្លៀងចង់ពន្លិចទូក។ ពួកយើងតែងចង់បានដូចពួកគេ តែយើងភាគច្រើននៅខ្វះភាពក្លាហានក្នុងការទទួលយក ការឈឺចាប់ ការខកបំណង ការខាតបង់ និង ការនឿយហត់ជាច្រើន មិនតែប៉ុណ្ណោះយើងចង់តែនៅកន្លែងស្រួល មិនសូវហ៊ានធ្វើអ្វីថ្មីៗ មិនហ៊ានសាកល្បង ព្រោះខ្លាចគ្រប់យ៉ាង។ យូរៗទៅយើងក៏បណ្តែតបណ្តោយពេលវេលាឲ្យកន្លងហួសទៅ យ៉ាងវែងឆ្ងាយពិបាកនឹងស្រោចស្រង់ ទើបចាប់ផ្តើមសោកស្តាយនូវឪកាសដែលកន្លងផុត។ បើយើងចង់ចាប់ផ្តើម សាងភាពជោគជ័យលើជំនួញឬការងារអ្វីមួយ ត្រូវចាំថាយើងនឹងមិនអាចគ្រប់គ្រាន់នៅពេលចាប់ផ្តើមទេ ហើយយើងត្រូវបំពេញវា កែខៃតាមស្ថានភាពនៅខាងមុខជានិច្ច ហើយមិនកំណត់ថាយើងនឹងជោគជ័យនៅលើកទី១ ដែរ។ ហ៊ានចាប់យកក្តីស្រមៃទេ? - #Leanghong #sromaiplus https://www.instagram.com/p/B4MGtRThhKu/?igshid=wwmk7ex91nlm

រឿងរ៉ាវជីវិតមនុស្ស -កើតមកតែម្នាក់ឯងទៅវិញក៏ម្នាក់ឯង -កើតមកបាតដៃទទេទៅវិញក៏ទទេពិភពលោកគឺទទេស្អាត។ -ទ្រព្យទាំងឡាយសម្បត្តិប្រៀបដូចជាដុំដីចុងក្រោយយកទៅតាមខ្លួនមិនបាន។ -មិត្តភក្កិច្រើនយ៉ាងណាចុងក្រោយនៅតែឯកោដដែល។ -ស្រឡាញ់យ៉ាងណាចុងក្រោយនៅតែឃ្លាត។ -សម្រស់ស្អាតយ៉ាងណាចុងក្រោយគង់តែចាស់។ -ម្ហូបឆ្ងាញ់យ៉ាងណាចុងក្រោយគង់តែក្លាយជាលាមក។ ការជូនដំណើររាប់ពាន់យោជន៍ចុងក្រោយគង់តែបែកគ្នា។ ក្នុងជិវិត -មានតែខ្លួនឯងទេដែលយល់ពីខ្លួនឯង -មានតែខ្លួនឯងទេដែលអាចលើកទឹកចិត្តខ្លួនឯងគ្រប់ពេល -មានតែខ្លួនឯងទេដែលអាចជួយខ្លួនឯងបាននៅពេលជួបឧបសគ្គ អ្វីគ្រប់យ៉ាងនៅលើលោកគឺដូចជាពពករសាត់តាមខ្យល់ចុងក្រោយក៏ត្រូវរលាយបាត់ គ្មានអ្វីឋិតថេរសូម្បីតែចិត្តស្រលាញ់ឬស្អប់ក៏គង់តែប្រែប្រួល។ ហេតុនេះមនុស្សចាំបាច់ត្រូវរឹងមាំដោយខ្លួនឯង កុំរស់នៅដោយពឹងពាក់តែអ្នកដ៏ទៃ កុំរស់នៅដោយប្រាថ្នាតែទ្រព្យសម្បត្តិ កុំរស់នៅដោយប្រាថ្នាតែភាពខ្ពស់ខ្ពស់ដោយឋាន:បុណ្យសក្កិ តែត្រូវរស់នៅដោយសាមញ្ញតែប្រកបដោយគុណធម៍ ហើយត្រូវស្លាប់ដោយមានន័យ។ ជីវិត​មនុស្សអាចរស់នៅបានត្រឹម១០០ឆ្នាំតែកេរ្តិ៍ឈ្មោះមនុស្សអាចស្ថិតថេរលើស១០០០ឆ្នាំ។ ឥតន័យទេ! #ដោយ​ #កង្កែប #Frog #SROMAIPlus https://www.instagram.com/p/B34dKVlBtZc/?igshid=1kc96fnbbl4n4