ona li kule pi ijo mute. kili suwi 🍊 en kili palisa 🥕 en soweli lili suwi 🐈 en soweli suli monsuta 🐅 en soko lili mute pi jo kasi (toki Inli: lichen) en kasi Popi (poppies) la, ijo ni ale li loje jelo. ijo pona mute li kule sama

mi jo e ijo mute pi loje jelo. len mute mi li kule ni! lon lipu suli mi la, mi jo e sitelen mute pi loje jelo lon #orange. mi lukin e ona la, insa mi li kama pona 🧡

lipu suli ni li jo e lipu mute lon insa ona. lipu mute ni li jo e sona mute pi tawa lon nasin ante lili mute. mi tawa ala lon nasin mute ni la, tan mi awen tawa lon nasin wan suli pi lipu ni. tenpo pini pi tawa suli mi la, mi kama tawa nasin ante lili mute. lawa mi li wawa ala la, mi lukin lili e lipu ni. mi lipu lon tenpo suli kin

nasin mi la, mi kute e kalama suli li pini e oko mi. ni li pona lili e mi, taso ni li pona e mi. mi lape lon supa lape mi. mi moku e moku. mi lukin e tawa pi pilin mi, li ante ala e pilin mi. ale ni la, ni li pona lili. taso, ale ni li pona e mi.

ona li suwi lukin tawa kute mi en oko mi en uta mi

nimi ni li jo e kon nanpa wan

lon sitelen pona, ona li jo e sitelen nanpa wan. sitelen ni li lukin sama e linja pi kama sama sike

jan mute ni la, mi sona ala e ona. taso la, ona li jan pona tawa mi lon tenpo ni. mi pilin pona tawa ona :)

lon tenpo pini la, ona li toki tawa mi la, mi toki ala. jan ante li pali lon pilin mi e pilin monsuta. mi sona e lon ni: jan mute li toki suwi li ike ala. taso mi pilin monsuta :/

tenpo ni la, pilin monsuta li weka tan sijelo mi. mi toki tawa jan mute kepeken pilin wawa! ijo pakala ale li ken pona. mi pali pona e pilin mi 🧡 mi ken pali pona tan toki suwi pi jan ante