#qiso

Qisadaan oo ah mid dhab ah waxaa ka shakeysaneysa gabar wadaad ah oo wiilkii ay jecleyd xiriirka u jartay. Waxay sheegtay in ay ku wada noolaayeen caasimadii hore ee dalka Australia ee Zydney, waxan aheyn bay tiri isku Iskuul, mudo kadib waanu isbaranay oo waanu wada sheekeysanay hase ahaatee xiriirkeenii wuxuu isku badalay mid aanu isku jeclaano, xaqiiqdii waa wiilkii igu horeyey oo aan jeclaado ayey tiri, waxay kaloo hoosta ka xariiqday in aysan ka maarmi karin. Lamaanahaan oo si`aad ah isku jeclaa ayaa xiriirkoodii ku dhamaaday si wuxuushnimo ah oo aanan Diin ku saleysneyn. Waxay tiri markii aanu soo wada dhameysanay dugsiga sare ayaa sanadkii 2004 waxaa bilownay Jaamacad, oo labadeenuba waxan ku heshiinay marka ay inoo dhamaato jaamacadda waxa xigga in uu yahay Guur. Jaamacadii waa ay dhamaatay Masha Allah balse maxa xigga. Waxay ku heshiyeen in gabadha waalidkeeda laga soo doonto, gabadhana waxay u sheegtay waalidkeeda in uu soo doonan Doono wiil ay jaceshahay waalidkii oo qoslaaya baa-yiri wax badan Guur waanu kuugu taag weynay waaba Nasiib mar hadaad adiga latimid ninkii ku guursan lahaa. Gabadha hooyadeed ayaa tiri hooyo ninka ku soo doonanaayo waa Qolama (Muxu yahay Qabiilkiisa) ileen Somali qabiil kama dhamaato`e, hase yeeshee waxay ugu jawaabtay garan maayo wuxu yahay, islaantii baa qosol intee la-soo booday tiri Walee faa`iido maleh caruurta qurbaha ku koray. Si kastaba ha´ahaatee waxay ku tiri wac ninka oo waxad ku dhahdaa yaa tahay, sidii ayey yeeshay balse wuxu u sheegay in uu yahay mid kamid ah qabiilada ay Soomaalidu heeb soocdo, gabadha waa Gabar 24 jir ah waana Gabar ku fiican dhanka Diinta Islaamka. Qabiilkii uu u sheegay wiilkii ay jecleed ayey hooyadeed u sii sheegtay maadaama ay weydiisay waxa uu yahay. Inyar ayey aamustay islaantii wax yar kadib ayey qeylo aanan kala joogsi laheyn ku dhufatay. Qeylo kadib iyadoo ku dhawaaqday naa miyaad garaneysaa waxa uu yahay, naad miyaad aqoon u leedahay qabiilka uu yahay, naa miyaa laguugu soo socdaa, gabadhii ayaa yaabtay mise-na tiri walee hooyo waxa ka qeylisiiyey oo hadana ka ooysiiyey wax yar maba aha. Gabadhii ayaa ku jawaabtay hooyo maya ma´aqaano ee Gaal miyaa ? ileen gabadha wax kale in loogu diidaayo maba ogsoona. Islaantii ayaa ugu jawaabtay naa gaal baala qaatay. Markale ayey gabadhii yaabtay, hase yeeshee islaantii ayaa u sheegtay ninkaan qabiilka uu ka dhashay in aysan Soomaalidu guursan oo ay yihiin wax laga faano. iyada oo gabadhadeeda dhinac ula baxday kana dhaadhicisay in ay xiriirka u jarto oo ay u sheegto in aysan odayaal gurigooda imaanin, oo waxay kaloo ku tiri u sheeg anigoo yar buu aabe nin i siiyey dheh. Xiriirkii ayey u jartay, haddii uu soo soco teleefanka kama qabaneyso bal in ay wacdo iskaba daayee, haddii uu gurigeeda imaan lahaa waa ay ka guurtay, wiilkii waxa ku dhashay fajac iyo jah-wareer, waxa ku dhashay maxay tahay sababtu markaan guurka dhigan rabnay aan u waayey, mudo 3 bilood kadib ayuu ku arkay suuqa weyn ee Sydney. iyadoo ku turi hadaad gacanteeda danbe qabato meeshaad ayaa geli laheyd diyaarso. Waa uu yaabay, yaab dabadii goobtii ayuu iskaga tagay, wuxu magaaladda ka maqlay in lagu diiday beesha uu ka dhashay. Wuxuse ku andacooday marka ay hada xiriirka ii jareyso maxay mar hore igu jari weyday oo markaan wax walba soo af jaray ay balanta uga baxday. waa uu qafiifay, wuxuuse iskaga haajiray Australia isagoo u shiraacday dalka Ingiriiska. Si kastaba ha´ahaatee goor ay laba sano ka soo wareegatay ayey gabadhii iska murugootay waxa ay kula kacday gacaliyaheedii hore, waxay la- tashatay gabar kale oo markaas iyana ka weyneyd oo aheyd gabar ay wax ka wada baran jireyn Jaamacadda, waxay u sheegtay arinkii sida uu u dhacay, gabadhii ayaa ku tiri, naa waa hoogtay Walee waad qasaartay, sidaan maan ku moodeen, hooyadaana waa Jaahilad, waxa ku jira waa Soomaali naceeb, naa ninkaas hebel iyo hebel ah yaa kaaga wanaagsanaa, wuxuu ahaa nin jaamacadda kaalmaha hore ka geli jiray, wuxu ahaa nin isku filnaansho gaaray, wuxu ahaa nin heestay Shaahadada Master-ka ee Doctor, hase yeeshee waxay ku tiri haddii aad moodo inaan been ku sheegaayo waxad xiriir la- sameysa sheekhada ugu caansan dalka Somalida sida Sheekh Cumar Faaruuq, Sheekh Cismaaciil Mustafa Haaruun, Sheekh Ummul iyadoo markiiba u qortay teleefanada laga helo. Sidii ayey yeeshay Sheekh walbana wuxu u sheegay arrintaas ay hooyadeed u sheegtay in ay tahay arin aanan raad iyo reeb toona ku laheyn Diinteena Suuban ee Islaamka. Dhanka kale Nebigeyna wuxu yiri Caleehi Salaatu Wasalaam, Diinta Islaamka waa Diin kaamil ah oo aan waxba ka maqneyn, cidii wax ku soo darto ama ka dhinto iyaga ayaa lagu celinayaa. Arrinta dad badan ka yaabisay ayaa waxay tahay, Dad Islaam ah 100%, hadana aanan ku camal falin waxa ay baneestay Diinta Islaamka waa wax inaga wada yaabiyey. Gabadhii oo iska ooyneysa oo sheekada sii wadata ayaa waxay tiri waxaa igu dhashay in´aan ka raadiyo Ingiriiska nasiib wanaag waan arkay, waxaan rabaa inaan ku guursado, waxaan rabaa inaan ka xaal-mariyo qaladkii aan kaala dul dhacay ayey si hoose u tiri. balse wuxu igu jawaabay ayey tiri, Nafta mar waa ay ku rabtay balse hada raali kaama aha, ee iga tag, maanta maaha maalintaad i dhaheysa haddii aad gacanteda qabato meeshaad iga geli laheyd diyaarso ee maanta waa maalinteeda ee hadaad iga hor dhaqaaqi weyday walee calooshaada xaaladaada waa loo-yaabi doonaa. Hanjabaada ka soo maaxaneysa umma jeedo ee waxay u jeedaa oo kaliya sidii ay ku hanan laheyd, kadib waa ay iskaga tagtay, waxay ku soo laabatay Australia waxay arrintii u sheegtay gabadhii ay jaamacadda wada dhigan jireyn, nasiib wanaag gabadhii ayaa ku tiri ina keen laga yaabo darteeda inuu kuugu cafiyo´e, mar kale ayey ku soo laabteen Ingiriiska waa ay la kulmeen, wuxuuse u sheegay gabadhii kale in uu u haayo Abaal weyn, isagoo u raaciyey gabadhaan xaas ii noqon meyso oo hooyadee oo kale ayey iga tahay waxbana uma qabo waa cafiyey iyadana ha ´iskakey cafiso. Ugu danbeen gabadhii si kasto oo ay ku hanan karto ayey sameysay balse wiilka ayaa calool adeegay sidaas ayaana lagu kala tagay.

Waxa la yiri gabaryar oo aabaheed la socotay ayaa ka gudbayey biriij (buundo) ku taal webi korkiisa. Aabahii wuxuu ka cabsaday in yartiisa oo aad jeclaa ka dhacdo biriijka. Markaasuu ku yiri “Aabbe gacanta si fiican ii qabso si aadan webiga ugu dhicin”. Yartii ma laba-labayne waxeey ku tiri:- “Maya aabbe, adigu gacanta iqabo”. Aabbe intuu yaabay ayuu yartii ku yiri:- “Haddaan anigu gacanta ku qabto iyo haddaad adigu gacanta iqabsatid sow isku mid maaha?”. Intay dhakhso ugu jawaabtay ayay tiri:- “Haddaan anigu gacanta ku qabsado, waxaa dhici karta intaan ku xejisan kariwaayo markaasna kaa gacan siibto kadibna webiga ku dhaco. Laakiinse haddii aad adigu gacanta iqabatid kaama siiban karo maxaa yeelay ima siidaynaysid”. Waxaa muhiim inaad heshid cid aad ku kalsoon tahay ama isku hallayn kartid oo naftaada iyo noloshaada iyo maalkaaga aad ku aamini kartid sida aabaha ama hooyada. Sheekadaan gaaban ee ku saabsan gabartan yar ee fahmada iyo caqliga badan waxaa laga baran karaa dersi ama cashar lagu cibro qaadan karo

Waxaa Laga Sheekeeyaa Waqtigii hore In Boqor uu Dowladiisu ku Amray In Ruuxii Kalmad Wanaagsan ku Hadlaba La siiyo 400 Diinaar. Haddaba, Maalin isagoo Magalada ku Wareegaaya Ayuu wuxuu Arkay Nin Oday Beeralay Ah Oo Beeraaya geed Zaytuun. Boqorkii baa wuxuu ku yiri Ninkii Odayga Ahaa:- Maxaad U Abuureysaa Geedkan Zaytuunka ah, Iyadoo ay ubaahan tahay 20sanno Si ay u Miro Dhasho, Adiguna 90 jir baa tahay, Ajashaduna wey soo Dhowdahay Oo waad Gabowday? Odaygi Beeraleyda ahaa ayaa yiri:- kuwii inaga Horeeyay way Abuureen, inagaana Goosanay, inaguna waanu Abuureynaa si ay u Goostaan kuwa soo Socda. Intaa ka dib Boqorkii ayaa yiri:- waad Wanaajisay Hadalkaaguna waa Kalmad Wanaagsan. markaas ayuu Amray inla sIiyo 400 Diinaar. Haddaba, Odaygii 400 Diinaar ayuu qaatay, ka dibna wuuna Dhoola Cadeeyay. Boqorkii ayaa Weydiiyay:- Maxaad u Dhoala Cadeysay? Odaygii Beeralayda ahaa ayaa yiri:- Geedka Zaytuunka 20sanno, ka dib ayuu Mira Dhalayaa, aniganaa Geedkeyga Hadda ayuu Miro Dhalayaa. Haddana, Boqorkii ayaa yiri Waad Wanaajisay, hadana wuxuu Amray in la siiyo 400 Diinaar. Odaygu wuu Qaatay Lacagta, hadana wuu Dhoola Cadeeyay, Boqorkii ayaa misana Mar labaad weydiiyay:- Maxaad la Dhoola cadeYsay? Odaygii baa yiri:- Geedka Zeytuunka Sanadkii Hal mar ayuu Mira Dhalaa, anigana Geedkayaga Labo mar ayuu Mira Dhalay. Boqorkii ayaa yiri:- Waad Wanaajisay, wuxuuna Amray in 400 Diinair kale la siiyo. ka dib Boqorkii si Dhaqsi ah ayuu uga soo Tagay Odaygii Beeralayda ahaa, Askartiisii ayaa Weydisay maxaad uga soo Carartay Ninka Odayga ah? Boqorkii baa yiri:- Hadaan Maanto Dhan Ag joogo Khazanadaha Maalka ayaa Dhamaanaayo Ninka Odayga ahina Hadal Wanaagiisu ma Dhamaanaayo. FIIRO GAAR AH. Walaalayaal Haddii Boqorkaasi uu yiri Ruuxii Eray Wanaagsan ku Hadla 400 Diiniar baan siinayaa, ka dibna uu Ninka Odayga Ahaa Saddex jeer markuu siiyay markii Afradna uu ka soo Cararay si ay Khaznadihiisu u Dhamaan ka waran Allaah SW, oo Aan Khasanadiisu Dhamaaneynin Oo kuu Balan Qaaday Wanaag walba, ee Aad Sameyso Inuu kugu Ajar Siinaayo, misana wax ka sii Wanaagsan kugu Bedalaayo, Ajarkii Aakhirana uu gaar kuu yahay, waa tuu Allaah SW, yiri:- Halkii Xasaanaad aad sameysaan Toban(10) ayaan idiin kugu Abaal marinaa. Ha yaraysan Khayrku waligii wuu Mira Dhalayaa, Kalmad Wanaagsan oo aad Walaalka ku Tirahdaba ha Ahaatee. Wabillaahi Towfiiq. (ILAAHOOW KHEERKA NA WAAFAJI, YAA RABBI). W.Q:- Macoow Ustaad.

there's a titan in my car