#pojadok

Што јадат луѓето во светот за појадок?

  Појадокот е различен во земјите ширум светот. Погледнете го интересното видео и изберете си во која земја најповеќе ви се допаѓа појадокот. 

  Автор: М-р Марија Кочовска

Дознајте повеќе за авторот

  Овошна салата

Голем број на луѓе наутро немаат апетит. А редовното појадување е значајно за одржување на правилен метаболизам и обезбедување на телото со енергија која му е потребна во текот на денот. Доколку и вие сте во групата на луѓе кои што често пати појадокот го прескокнуваат ви предлагаме да појадувате овошна салата. Овошната салата е подобра варијанта споредено со овошниот сок, затоа што го обезбедува организмот со растителни влакна, кои го помагаат варењето на храната. Едно истражување покажа дека  јаболковиот сок не ги содржи сите хранливи состојки како што се пектинот, некои антиоксиданси кои ги има во јаболкото. Затоа консумирајте свежо овошје, наместо сок.

    Вегетаријански омлет

Добра идеја за појадок е вегетаријанскиот омлет. Белката од јајцето е богата со протеини, а жолчката содржи витамин А, холин и витамини од групата Б. Може да направите омлет со спанаќ, пиперки, маслинки и домати, кои ќе овозможат вашиот појадок да биде витамински и привлечен за јадење. Добро е да знаете дека се препорачува да консумирате по едно јајце ден, односно максимално 7 јајца во текот на неделата. 

    Или може да си направите:

Појадок за забрзување на метаболизмот

  Автор: Дипл. инж. Виктор Ќушкоски

Автор: М-р Марија Кочовска

Дознајте повеќе за авторот

  Состојки:

леб

салама

сирење или кашкавал

зеленчук (домат, пиперка и сл. по желба)

маргарин или путер

сол и други зачини по желба.

  Подготовка:

Лебот се сече на парчиња со дебелина од 1-2 см.

Лепчињата се редат во претходно намрсен плех или друга тава за печење, која е пожелно да е покриена со хартија за печење.

Горната површина се премачкува со тенок слој на маргарин/путер и се посолува со малку сол.

Потоа се редат претходно припремените додатоци.

Тенко исечените парчиња салама се ставаат врз лепчињата.

Над нив се става доматот, сечен на поголеми тенки кругови или половинки од круг, а потоа се додаваат пиперките сечени во форма на коцки (од прилика 2х2см).

Наросуваме со оригано.

Сирењето, исто така сечено на коцки го ставаме најгоре.

Се печат доста кратко, во загреана рерна на 200 степени се додека не постигнат убава боја.

Сервирајте и на здравје! 

    Автор: М-р Катерина Шамбевска

Дознајте повеќе за авторот

Состојки:

2 јајца

Павлака/кисело млеко/jогурт (што имаме на располагање)

Малку бибер (опционално друг или повеќе зачини)

Малку сол

Кечап или сос од домати

Подготовка:

Најпрво ги маткаме јајцата во сад за маткање, а потоа додаваме сол и промешуваме за да разнесе солта низ целата содржина.

Потоа ставаме од млекото по избор што го имаме, маткаме додака не се соедини смесата.

Во загреано тавче со масло ја ставаме смесата и дотураме бибер или друг зачин по избор.

На крај ќе добиеме нешто како палачинка округло.

На испрженото јадење му дотураме кечап.

Сервирање: За едно лице.

    Автор:  Дамјан Димитриоски

      Не само што изобилува со витамини, овај микс за појадок е богатство од корисни материи за нашиот организам.

Она што е во фокусот на избраните состојки во овај појадок се растителните влакна, кои овозможуваат многу позитивни ефекти за организмот, а посебно за варењето на храната. За детални информации за нив, кликнете тука.

Направете го овај здрав појадок со лаксативно дејство и забрзајте го вашиот метаболизам. Корисен е за сите кои сакаат да ослабат, за луѓе кои имаат проблеми со тврда столица, за спортисти и деловни луѓе, на сите кои им е важно да имаат енергија во текот на целиот ден. Одличен е за сите (со исклучок на луѓето кои имаат целијакија, поради нетолерантност на глутенот, целата содржина за ова заболување ќе ја најдете тука).

  Подготовка:

Можете да го приготвите во чинија или во омилената шолја за чај, како што ви е згодно и погодно на вас.

Во садот ставете 3-4 лажици овесни снегулки, 2 лажици немелено ленено семе (лесно достапно во сите поголеми маркети) и 3-4 лажици оризови снегулки.

Додајте 150-200 мл ниско маслен јогурт и измешајте.

Совет плус: Доколку сакате балансиран појадок изедете и овошје по ваш избор.

На здравје!

  Ефтино и корисно престанува само да ги уживате сите придобивки!

              Автор: М-р Катерина Шамбевска

Дознајте повеќе за авторот

  Појадокот е најважниот оброк во денот и одговорен за енергијата во текот на целиот ден.

Разгледувано од аспект на придобивките кои ја подобруваат работоспособноста и интелектуалните можности, во преден план можат да се споменат следните неколку придобивки:

Ефикасност при решавање на проблемите и ситуациите во текот на денот!

Подобра меморија!

Зголемена способност за лесно и добро вербално изразување!

Подобрување на вниманието!

Зголемување и постигнување на позитивни ставови и однесување!

  Појадувајте редовно и бидете успешни! 

    Автор: М-р Катерина Шамбевска

Дознајте повеќе за авторот

Што и како јадете има огромен ефект врз моќта за релаксација. Здравата исхрана ќе ви даде енергија, а исто така делува и смирувачки.

Слушајте го своето тело - вашиот најдобар интерен барометар, за се што му треба. Ако досега не сте внимавале на себе, почнете уште веднаш да ги следите златните правила на здравјето и мирот преку благодетите на храната.

Не го прескокнувајте појадокот!

Многумина веруваат дека ручекот е главно јадење кое не смее да се пропушти, но треба да знаете дека токму појадокот е тој кој ни ги полни батериите наутро и ни дава енергија во текот на целиот ден. Ручекот и вечерата само го поддржуваат тој процес. Затоа за да ги обезбедите сите неопходни материи кои му се потребни на организмот за нормално да функционира најдобро е наутро да изедете обилен појадок. Утринскиот оброк е носител на енергијата, додека ручекот треба да ви ја олесни „кризата“ која задолжително се јавува околу 16 часот (тоа е период од денот кога нивото на шеќер опаѓа). Додека вечерата најпогодно е да биде најдоцна до 19:30 часот за оптимално функционирање на процесите во организмот.

Не јадете во трчање!

Отстранете ги сите лоши емоции и седнете да јадете. Смиреното јадење е правилно за вашето тело добро да работи. За време на „хранливиот“ ритуал, уживајте во храната и хармонијата.

Јадете свежа витална био храна!

Свежата витална храна е најбогат избор на витамини и минерали како што е витаминот Ц  кој е силен борец против инфективно стресни состојби во зимскиот период, а се наожа во компирот, цитрусните овошја (лимон, портокал, мандарина, грејпфрут), јаготки, пиперки, зелка и зелени листести зеленчуци.

Витаминот Б заедно со витаминот Ц ја активира гликозата во крвотокот, а во услови на стрес така се формира „гориво“ за мускулите. Во стресни услови консумирајте повеќе месо, интегрален леб, ореви, лешници, семки и зелен зеленчук.

Хрноничниот умор ќе го отстраните целосно со висока доза магнезиум. Јадете многу ореви, лешници, чоколадо, какао, интегрален леб и грав.

Посебно изразена корист од Витаминот Е можете да осетите кога е во природна состојба, односно земан преку храната наместо во вид на синтетички препарати. Најдобри природни извори се: пченични никулци, зрна од соја, растителни масла, јаткасти плодови, брокула, спанаќ, интегрални житарки, семки и јајца.  Бремените и жените во менопауза имаат поголема потреба од витаминот Е.

  Автор: М-р Катерина Шамбевска

  Појадокот е најважен оброк во денот, затоа пробајте да не го прескокнувате!

Идеално би било да се појадува во првиот час по будењето, или што порано наутро. Квалитетен појадок се состои од јаглехидрати, протеини и растителни влакна. Таквиот оброк го поттикнува метаболизмот, дава енергија, го регулира шеќерот во крвта и помага во одржувањето на телесната тежина.

Ние ви предлагаме овесни снегулки или корнфлекс во комбинација со јогурт или млеко. Доколку брзате, најдобро посегнете по овошје или свежа салата, тоа ќе ви овозможи енергија и насмевка во текот на целиот ден.

Автор: М-р Катерина Шамбевска