#parakayjohn

At mabigat sa damdamin

Sa panahong naghihintay ako

Bumabagabag sa isipan ko

Kung tama ba na umasa sa'yo

O sarili ko lang ang pinaniniwala ko

Minsan kasi'y di ko rin maintindihan

Bakit kailangan akong masaktan

Bakit din kaya nahihirapan

'Diba dapat masaya lang?

Siguro nga'y mahina ako

Na bibigay, lalo na kung tungkol sa'yo

Minsan nama'y parang ayoko na

Na sana maglaho nalang na parang bula

Laging tanong sa sarili

Bakit lahat nalang hindi madali?

Hindi ba pwedeng maging magaan

Ang daan sa dasal na inaasam?

Minsan kasi parang ako na lang mag-isa

Na para bang wala akong kasama

Lahat naman ay kinakaya, diba?

Kahit madalas ay mahirap na

Siguro ay natatakot lang ako sa mundo

Kasi madalas sakin ay 'di pabor ito

Minsan talaga ako'y nagdadrama

Pasensya ka na kung nadamay ka pa

Kailangan ko lang ding ilabas ito

Para di narin mapuno ang aking puso

Pero kahit na ganito, nasasaktan, nahihirapan

Tuloy tuloy parin ang laban

magi-slowmo yung mundo ko

Na para bang babagal ang oras

At bawat sandali'y 'di sana magwakas

Maririnig mo ang tibok ng puso ko

Na pabilis ng pabilis sa nerbyos ko

At 'pag biglang humigpit ang yakap mo

Ay kiligin ang buong katawan ko

Baka nga maiyak pa ako

Mababaw lang kasi ang luha ko

Sa yakap mo, para bang ligtas ako

May dumating man na kahit ano

Kahit umaraw man o bumagyo

Hinding hindi ako magiging talo

Basta alam kong nandyan ka

Wala namang hiniling na iba

At sa bawat sandaling kapiling ka

Tila lubos na ang aking ligaya

Na kahit na sa konting sandali

Ako'y naniwala sa langit, sa mundo

Ang aking ligaya'y di mapapawi

Sa bawat oras na kapiling ka

Ang iba'y nababalewala

Aking isip ay natutulala

Ikaw la'ng ang nakikita

Wala ka namang dapat ipangamba

Di naman ako titingin sa iba

Aanhin ko ang mga salita nila

Kung kaligayahan ko'y nasa harap ko na

Ewan ko ba, bakit 'di kita matiis

Na kahit anong hinagpis

Makita ka lang ay tila kay tamis

At sa bawat sandali ika'y nami-miss

At kung ikaw man ay nagdududa

Baka isipin mong ako'y nambobola

Sa'yo lang naman ako naging ganito

Naging ako, naging totoo

Patuloy akong maghihintay, sinta

Lagi mang sa bitiun nakatulala

'Di ko man maintindihan ang mga salita

Kahit na sa bawat sandali'y masakit

Hindi naman kita mapipilit

Sa bawat oras na nais kang makausap

Mga panahong lagi kang hinahanap

Sumagi ba ako sa iyong isipan

Kahit ba ito'y paminsan-minsan?

Dahil ako'y lubos na nasasaktan

Sa mga bagay na ako'y naguguluhan

May puwang ba ako sa puso mo

O pinaniniwala ko lang ang sarili ko?

Pasensya ka na kung ika'y nakukulitan

Inilalabas ko lang ang aking nararamdaman

Hindi mo man kayang ibigay ang iyong oras

Hayaan nalang ang panahon ay lumipas

Ikaw lang naman ang laging ninanais

Kaya lahat naman ay aking tinitiis

Dahil tanging hangad lang ay mapasaya ka,

Makasama at araw-araw kang mapaligaya

Pero kung sa akin ay di mo ito nadadama

Sino ba ako para pilitin ka

Na kahit ano pang gawin ko sa'yo

Kung wala naman sa'kin ang kaligayahan mo

Mas mabuti pang ngayon ay saktan mo nalang ako

Kesa naman araw-araw akong nanlilimos ng pag-ibig sayo

Siguro rin ay makasarili lang talaga ako

Na di ko iniisip ang nararamdaman mo

Na puro ako nalang ang naiisip ko

At kung ano'ng mga hangad ko

Ganito lang siguro talaga ako

Hindi ko rin naman alam ang gagawin ko

Pero kung tunay ngang ako'y mahal mo rin

Sana naman ay sabihin mo sa'kin

At kung sa ano mang kadalihanan

Na siguro'y hindi pa tama ang daan

Akin naman itong maiintindihan

Kahit ano pa'y aking lalabanan

Basta't alam kong nandyan ka

Lahat naman ay makakaya

Kasi ganito naman talaga ako

Pinaglalaban ang mahal ko

Hindi na bale sigurong ako ang talo

Ang mahalaga nama'y may ginawa ako

Siguro naiisip mong isip bata ako

Na parang teenager na sabik sayo

Hindi naman ako marunong nito

At isa lang naman ang sigurado ko

Na mahal kita...

'Wag na saking mag-alala

May mga panahon lang talaga

Na ako'y nilalayuan ng ligaya

Nalulungkot, nalulumbay

Naguguluhan sa ikot ng buhay

Sa oras na wala ka pa

'Di mo naman kailangang mangamba

Naghihintay lang naman ako sa'yo

Sa iba'y hindi rin naman magpapatukso

Alam mo namang ako'y sayo

Kahit na siguro nakakainip ang ganito

Sa oras na wala ka pa

Nasa isip parin kita

Pero syempre, mahirap ang mag-isa

Kaya sayo ako'y laging umaasa

Di naman siguro habambuhay tayong ganito

May patutunguhan rin naman ito

At sa oras na wala ka pa

Sa pagdating mo'y ako'y naghahanda

Mahalin ang sarili ko

At 'wag i-asa sa iba ang kaligayahan ko

At kapag dumating ka na

Yayakapin ka't 'di na lilisan pa

Lagi nalang akong nawawala sa isip ko

Natutulala, umiikot ang mundo

Madalas nga'y mali mali na ang sinasabi ko

Para bang lagi nalang akong natataranta

Dibdib ay laging may kaba

'Di mahanap ang mga salita

'Di rin naman makaisip ng tama

Ang wirdo nga kung minsan

'Di ko rin naman maintindihan

Siguro ay ganun lang talaga

Nagpapanic ako kapag kaharap ka

Sana lang sa panahong yayakapin na kita

'Di ako matakot at mataranta

Dahil sa mga damdaming nadadama

Baka malunod ako sa sobrang saya

Kaakibat ng mga salitang ito

Ang pangakong lagi lang akong nandito

Sa tabi mo, umaalalay, handang sumalo

Sa kahit na anong dumaang bagyo

Pero alam ko namang sawa ka na

Sa mga pangakong madalas nagiging abo

Siguro nga'y tao lang din ako

Hindi ko alam ang kakaharapin

Kung hanggang sa'n ba ang kakayanin

Kung kaya ko bang lumaban hanggang dulo

Pero dahil din sa mga salitang ito

Ay natuto akong maging pursigido

Gagawin ang lahat para matupad ang pangako

Pangakong kaakibat ng mga salitang "Mahal kita"

Hindi dahil nakakatakot ka

O merong mali sa'yo

Sa gwapo mong 'yan

Natatakot ako sa'yo

Baka kasi may masabi akong mali

Baka biglang makasakit ako

Biglang ako rin ang magsisi

Natatakot ako sa'yo

Sa kung anong ating haharapin

Kung nandyan ba ako sa tabi mo

Sa panahong iyong kailangangin

Natatakot ako sa'yo

Sa bukas na 'di naman sigurado

Na baka mawala rin ang aking pangako

Maghalo ang mga salita ko

Natatakot ako sa'yo

Natatakot ako sa mundo

Natatakot akong umibig muli

Pero bakit ikaw parin ang pinipili

Kahit na sobrang natatakot ako

Na baka masaktan lang ako

O masaktan kita ng sobra

Sa tadhanang 'di natin makita,

Kahit na ganito, walang sigurado

Gagawin ko parin lahat ito

Magiging matapang para lang sa'yo

Harapin kung ano man ang satin ay ibato

Dahil, mahal ko, kahit napapagod ako

Hindi ako susuko sa'yo

Nandito lang ako sa tabi mo

Hanggang sa makakaya ko