#open milk

《爆粗空少--唔通依家d人連奶都唔飲？？》 話說係我初頭join 嘅時候，都有耳聞有d同事係機上唔識開奶架啦。 我所講嘅，唔係bb仔開奶飲，而係真正打開一盒牛奶啊。 一開頭聽到，我都心諗，咪玩啦，打得呢份工最細啊都十八歲啦，奶都唔識開？ 開玩笑！ 但當我今日親眼見到本人，我，信啦。 原來真係有人會將盒奶上下左右翻天覆地咁轉黎轉去揾黎揾去 都唔知係邊開架。 咁面對這樣的情況，我可以點呢？ 除左感慨自己老左之外，未唯有温柔地同佢講： 依家d包裝奶呢,真係好難開啊何。不如我返galley幫你開啊？=) 然後轉身，深呼吸，反個白眼。 再同自己講：好！無事發生！ 一切以準時收工為大前題啊！ 無野發生！ 可能佢無飲過咁包裝嘅奶遮！ 無野！ 其實咁都無乜野既，始終唔識開奶又唔會死既。  唔飲奶 未飲水囉。 只係，咁真係令我有點兒o 嘴囉！  唔通我真係要學當初果老總教果個唔懂開奶嘅BB，叫佢開哂全機嘅奶咩。 咪玩啦。開哂，你飲啊？！ 飲番杯暖水暖下果胃仲好啦。 你做埋d咁既野唔怪得人話你hard time佢啦！ ！ 唉~~~~