ZELAN HELDU: Bilboko Abusu eta Arrigorriagako Ollargan auzoen mugan dagoen aparkalekuan utziko dugu autoa. Eguraldi ederraz gozatzeko osteratxu labur eta lasaia egingo dugu gaurkoan.

Ikusi mapa handiagoa

JOAN-ETORRI DENBORA: 1 ordu 30 min.

KM: 6,36 Km.

DESNIBELA: 306 M.

ZAILTASUNA: oso erraza.

Malmasin entzutean, berehala tunela etorriko zaigu burura, baina oraingo honetan tunelei izena ematen dien mendiaz ari natzaizue. Mendi apala da Malmasin, 362 metro eskas altxatzen da itsas mailatik gora, eta alde guztietatik dago errepidez inguraturik. Hegoaldetik, Gasteizerantz doan A-68 autopistak Ganekogorta mendilerroagandik banandu du. Hori gutxi balitz, A-8 autobideak zulatu egiten du mendia, Donostirako bidean.

Hala ere, Bilbo eta Basauriganako dituen ikuspegiak direla eta, ez gara txangoaz damu izango.

Ollargan auzuneko parking batean kotxea utzi, eta Futbol zelairantz abiatuz, eraikuntzaren institutuaren paretik pasako gara goranzko bidea hartuz.

  Arrigorriaga-Malmasin bideak jarraituko ditugu. Ez dago galbiderik, oso ondo seinaleztatutako bidea baita.

3 kilometro inguruko hurbilketa egin eta gero, maldarik handienak izango ditugu. Auspoa berotu orduko goian izango gara; edozeinentzako osteratxua baitugu gaurkoa.

Bilbo, Artxanda ez den beste mendi tontor batetik aztertu, eta bueltako bideari ekingo diogu.

Osteratxu hau egin eta gero, norbaitek Malmasin aipatzen duenean, ziur mendia gogoratuko duzuela tunela beharrean!

TRACKa: http://es.wikiloc.com/wikiloc/view.do?id=4079810