Рецептот варира зависно од навиките во различните краеви на нашата земја, а еве како го направивме ние: .

  Состојки:

1 вреќа црвени пиперки (околу 25-30 кг пиперки)

10 средно големи црни домати

1.5 - 2 литри масло

100 грама шеќер

околу 50 мл винска киселина

сол по вкус

5 лажици сенф.

  Подготовка:

Пиперките се мијат, па да им се отстрануваат дршките и семките.

Потоа, пиперки се печат и се собираат во поголем сад затворен со капак за што подобро и полесно лупење.

Излупените пиперки, исчистени од заостанатите семки и црни лушпи, се процедуваат неколку часа или најдобро е да се остават преку ноќ.

Исцедените пиперки се мелат ситно со рачна машина и се ставаат на оган да се пржат.

Откако течноста од пиперките ќе испари и се запжрат се додаваат претходното припремените црни домати. Тие се припремаат така што се лупат, се печат во рерна и се мелат.

Повторно кратко се пропржува, а потоа се додаваат маслото, киселината, шеќерот и солта. Добро се меша. 

Пржењето се одвива околу 2 часа со повремено мешање за да не запече дното, а можете да препознаете дека е готово кога малиџаното е доволно густо и се „лепи“ на дрвената лажица со која мешате или пак останува трага по дното на тенџерето при мешањето. 

10-тина минути пред крајот на пржењето се додава сенфот.

Готовото малиџано додека е жешко се собира во тегли, затоплени на 50 степени, добро се затвора и така затворени се оставаат да стојат на истата температура уште 15-20 минути.

          Автор: М-р Катерина Шамбевска

Дознајте повеќе за авторот