#likha

At ang tanging hiling ko sa paglubog ng araw

Ay dalhin nito ang lahat ng sakit at pait ng nakaraan

At ang dulot nitong ganda

Ay maiuugnay sa ganda na maaari kong matamasa

Pero huwag kang susuko sa pag-ibig.

Dahil bukod sa kanya, karapatdapat ring ibigin ang tala sa langit.

Ibigin ang malawak na dagat.

Ibigin ang di-malay na puwersang nagbibigay buhay.

Ibigin ang black hole,

Supernova,

Stellar parallax,

Kabundukan,

Dagsin,

Liwanag at dilim.

Subukan mong ibigin silang lahat.

Manalig ka at panghawakan mong iibigin ka nila pabalik.

"ANG NILIKHA"

Nililok mula sa lawa ng kawalan

Hinubog sa natapos na paalam

Hiningahan ng panibagong buhay

Binuong obra upang maging

karamay

Hinubog ang mga mata sa ilalim

ng bituin

Dahil nais punan ng pangako't

panalangin

Hinubog ang labi sa nagbabagang

apoy

Dahil nais marinig ay di lang saya

pati rin ang panaghoy

Nilikha ang matatag na mga bisig

Handa sa lahat ng laban ng pag-ibig

Nilikha ang perpektong mga paa

Ang pares na ginawa upang di tumakbo

sa problema

Pinuno ng matitikas na mga kalamnan

Suporta kung dadating na walang

sandalan

Binalot ng mainit na balabal ng balat

Upang isabak kung manlamig ang lahat

Dalawa na lang ang natitira upang

mabuo

Ang gumaganang utak at puso

Ngunit lito kung alin ang mas mahalaga

Utak na nag-iisip o pusong dumadama

Niluklok ang utak sa pinakataas, batas

Ang siyang naatasan mamahalang likas

Ang preno ng rumaragasang damdamin

Ang presintong kulungan ng wasak na

layunin

Ang puso sa kabilang banda ay sa ibaba

Ang rebeldeng madalas kontra sa

pamamahala

Galit ang armas, kalungkutan ang kalasag

Hukom sa awa, sa pag-ibig ay laging bihag

Magandang gabi mga Ginoo at Ginang

Masdan ang likhang aba sa inyong harapan

Ang likhang perpektong resulta ng

imahinasyon

Ang likhang kailanman ay hindi naging

solusyon

Sa pagkakamali ay iyong tatanggapin

Ang sakit at mga sugat na kaylalim

Sa pagtayong muli sarili ay hatakin

Pagka't walang obra ang hihigit pa

A love so real

A love that makes you feel

No guilt, no doubts

As pure and as clear

As the skies above you

So kind, so true

That you'll discover within you

The better person, the best person

That was there all along

Paano pang ngingiti ng wagas

Kung alam na mundo ay hindi patas.

At sa pighati ay wala din namang takas

At susukating paulit-ulit ang iyong tatas.

Paano pa magmamahal ng lubos

Kung mawawalang saysay ang mga kilos

Dahil ang tulad ko ay sadyang nalalaos

Sa tibay ng pader, damdami'y di makatagos.

Paano kang aawitan ng pagsuyo

Kung puso mo'y patuloy na ilalayo

Kundi hinahayaan na magkakilala tayo

Paano pang ang kwento natin ay hahayo

Paano ba akong makalilikha

Ng isang magandang obra o tula

Kung tuwing lalapitan ka'y mawawala