#lazyig

Medyo nahirapan ako sa letter na to since i like a lot of people in my life right now. Haha.

Dear You,

Gusto ko ulit maalala kung saan at pano nagsimula lahat. Gusto ko ulit balikan yung panahon kung saan kita nakilala at pano tayo umabot dito. Hindi man masasaya lahat ng ito pero ang mahalaga nalagpasan natin pareho. So sana huwag ka tamarin basahin to. Hahaha.

Unang beses kita nakausap birthday mo binati kita sa "freedom wall" (hindi ako sigurado sa name ng thread basta something freedom) sa ftalk forum. Binati ka ng mga tao dun at ng mga nakakausap ko kaya nakibati na rin ako. Nagsimula sa "happy birthday" at nagtapos sa "Salamat". Ni hindi nga kita kilala at nakakausap nung time na yun eh. Hindi ka din ganun ka-active dati nun. Tapos biglang nauso yung plurk sa mga kaclose ko kaya gumawa na din ako pero ito lang ang hindi ko sigurado kung sino sa ating dalawa ang naunang mag-add/follow pero ang mahalaga lang dun naging magkaibigan tayo dun. Sa totoo lang sa plurk naman talaga nagsimula lahat dahil dun kita nakilala at naging mas close, ftalk is just a part of it. Madalas dati nakakausap ko sa plurk si mela, si eney, si dess, si chaw, at ikaw. Halos sa lahat ng taong binanggit ko makulit at nangaasar ako. Yung lang lagi ko ginagawa sa mga nakakausap ko dahil lagi akong hyper dati sa mga kalokohan. Tapos kapag wala sila since ikaw ang laging online ikaw lagi ko kinukulit pero lagi mo ko sinusungitan. Dahil sa pangungulit ko mas naging close kita kahit na sinusungitan mo ko lagi nun. Naalala ko yung cup ng sbucks na pinakita mo sakin dahil nagtampo ako sayo, hindi ko matandaan ang dahilan ng pagtatampo ko pero nagtampo ako sayo. Tapos nung pinakita mo yung okay na ulit tayo, kinukulit na ulit kita. Hindi naman kita crush nung simula eh. Kasi sa totoo lang wala din ako masyadong ideya sa itsura mo kasi it's either nakashades ka or medyo blur ang picture mo. Tapos natatandaan mo pa ba yung nag-away kami ng ex mo sa plurk dahil nagalit ata sya dahil kinukulit at inaasar kita. Tapos nung close na tayo nakilala ko sina mameng duch, at push. Nakakulitan ko na din sila at minsan napapasali na ako sa mga confe nyo sa ym! kasi yun palang uso nun eh. Tapos inaasar nila tayo sa isa't isa hanggang pati yung iba eh inaasar na din tayo. Tapos natatandaan mo yung confe nating tatlo ni mameng duch sa ym? Yung pinagtrippan ka namin? Yung kunyari magpproprose ako para maging boyfriend mo? Pero may joke sa huli? Tapos kausap ko sya privately nun. Tapos naiinis ka kasi ang weird namin dalawa? Tapos pinalitan nya yung signature ko sa forum ng convo natin sa ym na edited? Tapos ending nagkulitan nalang tayo? Dun lang din nagsimula lahat nung napansin ko na gusto na ata kita. Hindi ako sigurado nung pero im feeling weird na. Tapos lagi na kitang nakakausap kahit saan nun friendster(HAHAHA), plurk, ftalk, ym and text. 

Pangalawa, February 22, 2009 katext kita buong araw dahil umalis ata ako ng bahay nun tapos and random ng usapan natin. Like ilan kaying magkapatid, pang-ilan ka, mga ganung tanung lang tapos yung iba random kwento na. Tapos mga around 11pm ng gabi tayo na, pero alam mo isa lang ang naaalala ko after that night eh. Masaya ako at nakangiti  ako buong gabi hanggang kinabukasan, sa mga sumunod na araw, linggo at buwan. Tsaka naalala mo ba yung kauna-unahan kong blog dito sa tumblr? Diba ikaw din ang nagturo sa akin ng tumblr. Tsaka diba ikaw lagi laman ng tumblr ko na yun? Puro pa nga tungkol sayo ang nilalagay ko nun eh. Ni hindi ko nga alam pano gamitin yun basta lang nagpopost ako ng message at kahit na anu patungkol sayo. Pero alam mo sobrang saya ko lang kasi I wasn't expecting from the very start na magugustuhan kita/magugustuhan mo ko since tayo yung tipong away ng away dahil nga naiinis ka sakin at ako wala akong ginawa kundi asarin ka kasi natutuwa ako, tapos magiging tayo pala. Hindi naman perfect relationship natin eh sobrang layo nga sa perfect kasi away tayo ng away dahil sa maliliit na bagay eh. Konting ganito away, konting ganyan away. Sobrang immature ko din dati madalas ako yung nagsisimula ng away at super seloso ko pa nun. Haha. Naaalala mo ba yung inaway kita dahil sa bestfriend mo? Sobrangbanas na banas ako nun kasi nagseselos ako tsaka alam ko kasi yung mga ganung damoves. Haha. Ganun din kasi ako dati sa iba kaya alam ko yung mga ganun talaga kaya inis na inis ako nun. Pero alam mo sobrang mahal na mahal na mahal kita talaga nun. Sobrang takot na takot akong mawala ka sakin nun, pero ngayon ko lang narealize na dahil lang din sakin kaya naging ganun ang lahat, dahil sa pagiging immature ko. Pero salamat dahil minahal mo rin ako dati ng higit pa sa inaakala ko. Naalala ko yung nalaman mo yung totoo pero instead na magalit ka hindi ka nagalit, yung panahon na nagalit ako sa sarili ko at nagalit sakin halos lahat anjan ka parin pati mga kaibigan mo na sina push at mameng, yung time na nagalit sa akin si mameng, anjan ka. Basta sa lahat ng nangyare hindi ka nawala at hindi mo ko iniwan, kaya kita mahal na mahal eh. 

Pangatlo, 2010 mas naging magulo at mas napapadalas yung away nating dalawa. Pero halos lahat tungkol sa maliliit na bagay lang talaga yung pinag-aawayan natin. Minsan nga konting away lang hiwalay na agad pero matapos lumamig ang ulo okay na ulit. Hindi naging uso sa atin yung nakababad sa phone buong magdamag, hindi din uso sa atin ang call noon dahil puro tayo text, at online nun. Saka lang naging uso yung call satin nung away na tayo ng away talaga, yung minsan tatawagan kita para makipag-away or minsan makipagbati. Pero kahit ganun limitado yung tawag dahil di uso unli call nun. Hahaha. Tapos around October 2010 natapos lahat satin. Ikaw na sobrang pinahahalagahan ko, naging mundo ko, yung taong kahit ilang away ang pinagdaanan eh hindi ko sinukuan eh biglang nawala nalang na ganun lang. Grabe nung dumating yung araw na yun, inis na inis ako sa sarili ko, inis na inis ako sa taong yun at inis na inis sa ako sa lahat ng tao. Iyak din ako ng iyak nung gabing yun, sobrang lungkot ko. Pero alam mo hindi ako totally nagalit sayo nun mahal na mahal pa nga rin kita nun eh. Nakakatawa na mas nagalit ako sa sarili ko at dun sa taong yun, pero laging nangingibabaw yung pagmamahal ko sayo nun. Dafuq. Tapos nanuod ako ng one more chance tapos ginawa ko yung 3 month rule pero onti onti akong lumalandi para makalimutan ka at yung sakit. Tapos Mga ilang araw nakilala ko sya sa TC naging magkaibigan kami pero naging crush ko sya nun dahil galing nya tumugtog ng gitara tsaka kumanta. Tapos pinilit ko na ibigay sa iba atensyon ko eh naging close kami nung taong yun kaya ayun. Tapos tinulungan nya ko na kalimutan ka, at maging positibo sa buhay nun kasi sobrang down ko at nega ko sa buhay. Hanggang dahan dahan kitang kinakalimutan pero every 22nd ng month umaalis ako kasama ng barkada para maginom and all. Grabe and shit ko lang talaga at ng mga ginagawa ko na minsan nagagalit din sya sakin at sa mga ginagawa ko. Tapos nahulog ako sa kanya dahil sya din yung tipong taong hindi mahirap mahalin tapos parang nawala na din sa isip ko yung 22nd ng buwan parang naging normal day nalang. Tapos hindi ko na din hinihintay yung araw na yun as in wala na talaga siguro dahil nasa kanya na atensyon ko at lahat.

Pang-apat, Summer 2011 nung bumalik yung communication natin dahil cinontact kita para makapagsorry at makipag-ayos. Naging okay tayo at naging magkaibigan tayo. Naalala mo ba yung mga times na tinanung kita kong masaya ka na? Kung mahal mo pa ba ako? Naalala mo pa yung naguluhan ka sagutin yung mga tanung ko? Haha. Tsaka alam mo minsan din akong naguluhan sa sarili ko nung bumalik ka habang nanjan na sya. Minsan dumadating na din ako sa punto na sinasabi ko na pano kaya kung sabihin nya na mahal nya pa ako? Pano kaya kung balikan ko sya? Pero wala eh. Mas pinili ko ituloy kung anung meron kami dahil siguro napagtanto ko na hindi na magiging ganun ang lahat. At siguro naramdaman ko na mas mahal ko na sya nun. Pero alam ko sa sarili ko na meron ka paring lugar sa puso ko nun. Na mahal parin kita pero hindi na kagaya dati. Naalala mo din ba dati nung tinawagan kita nung pinakilala ko sya? Haha. Tapos minsan pa bago ko sya pinakilala sinusungitan mo ko dahil ganun parin ako makulit. Kahit kailan talaga hindi nagbago yung pagiging makulit ko sayo nun. Tsaka naalala mo ba dati nung nagalit ako sayo dahil sa kaibigan mo? Hindi nga kita inaway pero nainis at nagalit ako sayo nun. Haha. Kulit noh? 

Panghuli, Birthday mo ulit last 2012 diba ginawa nanaman kita ng birthday letter. Teka, kailan ba ako walang ginawa para sa birthday mo? Feeling ko wala akong namiss na birthday mo na hindi kita binati o naalala. Ewan ko ba kahit na hindi tayo ganun kadalas mag-usap nung mga panahon na yun dahil alam ko naman na lagi kang galit at asar sakin at kahit hindi ako sigurado babasahin mo or maaappreciate mo ginagawa ko parin. Sobrang effort ko din magpapansin sayo kaya dati! Tsaka this year na birthday mo hindi na kita ginawan ng letter video naman para maiba. Naalala ko din sinabi mo sakin na every 22nd ng month nakakapagparamdam ako sayo noon. Seryoso wala lagi sa isip ko dati na 22 nung mga araw na yun nung nagpaparamdam ako. Saka ko lang narealize at natuwa din ako nung naikwento mo sakin yun na kapag nagtetext ako chinecheck nyo kung anung date. Haha. Pero ang naalala ko lang eh yung February 22, 2012 na napaniginipan kita at agad agad akong nagparamdam para ikwento sayo yung panaginip ko. Hindi ko na maalala yung panaginip pero sobrang tuwa ko nung nangyari yun kasi coincidence din kasi dahil anniversary natin yun. Marami akong gustong ipaalala kaso kung ilalagay ko lahat dito baka lalong nakakatamad basahin dahil mas lalong hahaba pa. 

Gusto ko malaman mo na simula nung araw na nakilala kita at naging parte ka ng buhay ko espesyal ka na. Hindi ko din inaasahan na may makikilala ako tapos magiging espesyal ng ganito katagal. Aware ka naman sa kung anung nararamdaman ko para sayo ngayon eh, naging open na din naman ako sayo ngayon kahit papano. Alam mo na mahalaga ka sakin, at alam mo din naman na ayoko mawala ka sa buhay ko. Gaya ng sinabi ko sayo hindi naman ako nagmamadali na pumasok sa isang relasyon, hindi din naman ako naghahanap ng girlfriend, hindi ko din naman ipagpipilitan sayo na maging tayo ulit, at hindi kita kukulitin sa mga bagay na alam kong ayaw mo o hindi mo gustong gawin. Napag-usapan na natin lahat ng dapat natin pag-usapan at sa totoo lang masaya ako sa kung anung meron tayo, masaya ako na anjan ka lagi para sakin, masaya ako kapag alam ko na napapasaya kita, masaya din ako kapag minsan feeling ko naglalambing ka dahil medyo mabait ka or nasa mood ka, masaya ako kapag namimiss mo ko, masaya ako kapag biglang flood yung "line" or msgs ko at masaya ako kapag nagcacare ka at naaappreciate mo yung mga ginagawa ko. Sobrang halaga mo sakin alam mo ba yun? Handa akong masaktan ng paulit ulit wag ka lang mawala sa buhay ko. Gusto ko kahit anung mangyare parte ka ng buhay ko, wala akong pakialam kung girlfriend kita, kaibigan, bestfriend kahit anu basta gusto ko parte ka ng buhay ko. Mahal kita at mahalaga ka sakin hindi ko man pinapakita o pinaparamdam sayo lagi pero ganun ka sa buhay ko. Sorry for being such a pain in the ass most of the time but babe thank you for always being there for me and sticking around. You don;t have to worry about me cos i'm not going anywhere, I will always be here. Hindi na kita iiwan at hindi ako mawawala sa buhay mo, habang buhay kita kukulitin at bebwesitin kung mararapatin mo. hehe. Just stay whatever happens okay? I like you, I love you, I miss you, I care for you, I will never leave you. :*

Love,

Kent 

Ang daming letter na nagtambak sa drafts ko na hindi ko maipublish dahil hindi ko matapos tapos. Lahat ng letter na yun ay para lamang sa iisang tao, at yung taong yun ay walang iba kundi ikaw. Hirap na hirap akong pagsama samahin lahat ng gusto kong sabihin para sayo. Madalas kasi ang dami ng gusto kong sabihin sayo yun nga lang kapag andito na ako sa point na gumagawa na ako ng letter madalas hindi ko maipublish dahil pakiramdam ko kulang parin ang mga sasabihin ko. Minsan naman ang haba na ng nagawa ko tapos bigla ko nalang buburahin sa hindi ko malaman laman na dahil. Madalas gusto ko magrant sa nararamdaman ko sayo. Kung gano ako kasaya dahil nakausap kita, minsan naman kung gano ako naiinis sa sobrang labo mo kausap, minsan din ay gusto ko lang ikwento kung pano nagsimula ang lahat ng to, at higit sa lahat kung gano ako nagpapasalamat at humihingi ng tawad sa mga nagawa ko sayo.

Hindi ko alam kung dinadalaw mo ba blog ko o hindi. Hindi ko din alam kung mababasa mo to o hindi basta ang sakin lang mailabas ko ang nararamdaman ko para sayo dahil minsan ang hirap pigilan ng emosyon talaga. Pero kung sakali man na mapadpad ka sa blog ko at mabasa mo 'to.. Gusto ko lang sana malaman mo na mahal parin kita, na hindi ako sumusuko sayo gaya ng sinabi ko sayo dati. Gusto ko din malaman mo na masaya ako kapag anjan ka, kapag nakakausap at kakulitan kita, minsan kapag gusto mo manood tayo ng movie dalawa, yung namimiss mo ko ang sarap sa pakiramdam, hindi ko man madalas masabi sayo ang mga katagang mahal kita at namimiss na kita dahil na din ayokong dumating nanaman tayo sa point na magkainisan. Ngayon na alam ko na ang mga gusto mo mangyare at maramdaman pinipilit kong limitahan lahat ng kilos at sasabihin ko sayo dahil ayokong magalit ka sakin at iwasan ako, ayokong dumating sa point na hindi nanaman kita makakausap, isa lang naman ang gusto ko ang manatili ka sa buhay ko. Dahil sa fact na anjan ka, masaya na ako. 

Love,