#kapraningan

ang sarap balikan ng kabataan mo.

yung panahong di ka pa marunong magbasa, kaya itinatanong mo sa nanay mo kung ano yung nakasulat. papatodo-eksplika ka pa pero di mo rin magets.

yung panahong natutuwa ka sa cursive writing ng mga magulang mo, kaya trip na trip mong magmarunong ng cursive writing sa notebook nila, pero walang kwenta naman yung sinusulat mo.

yung panahong masaya ka na kahit tinuping papel lang yung laruan mo.

kapag may tumatawag sayong bata sa labas, kasi oras na daw ng paglalaro niyo ng kung ano-ano.

sa isang piraso ng kendi, masaya ka na.

nagagawa mo pang maglaro at mamuhay ng masaya kahit na may exam kayo kinabukasan.

yung panahong igagawa ka ng mga magulang mo ng assignment at project, tapos ipapasa na lang mataas pa grade.

yung panahong kapag madilim na, talagang matutulog ka na dahil baka may kumuha sayo, sabi nila.

dati di ka pa marunong uminom ng kape, ng energy drinks, pati ng serbesa. hanggang sarsi ka lang rin nun!

yung kapag di ka makatulog, talagang gagawa ng paraan ang mga nanay o tatay mo para lang humimbing ka. o kung makatulog ka man kung saan, hindi ka nila pagagalitan, kakargahin ka pa.

ang pangarap mo lang paglaki mo maging doktor, nurse, teacher, abogado - - hindi pa uso yung computer electrician, stewardess, o ang maging martir na kolehiyala/kolehiyolong papalit-palit ng kurso dahil di maintindihan kung ano ang gusto.

yung panahong hindi mo pansin ang nangyayari sa kapaligiran mo, sa bansa mo.

wala ka pang interes sa pag-aasawa o pagkakaroon ng relasyon sa iba.

hindi ka pa nagkakaeye-bags o taghiyawat, o body odor, kahit na ang dungis-dungis mo at kung saan-saan ka pa nagsususuot.

yung panahong malaya ka pang makakaindak sa lahat ng uri ng tunog kasi bata ka pa.

ang dami-dami pa niyan. nung bata ka pa, wala ka pang muwang, wala ka pang alam, wala ka pang problema. pag masaya ka, ngingiti't tatawa ka ng walang pagdadalawang-isip. kapag nalulungkot ka o nayayamot, malaya kang umiyak, at kapag naguguluhan ka, hindi ka nila kukutyain o pagagalitan pa.

mula kasi nang lumaki ka na, gumulo na ang takbo ng mundo mo.