भद्रपुरबाट १० महिनामा ३ अर्ब ६१ करोडभन्दा बढी राजस्व संकलन.
५ जेठ २०८३, मंगलवार
Bhadrapur स्थित आन्तरिक राजस्व कार्यालयले चालु आर्थिक वर्ष २०८२/०८३ को पहिलो १० महिनामा ३ अर्ब ६१ करोड ८४ लाख २२ हजार रुपैयाँ राजस्व संकलन गरेको जनाएको छ।
कार्यालयका अनुसार उक्त रकम निर्धारित लक्ष्यको ८२ दशमलव २१ प्रतिशत हो। आर्थिक गतिविधिमा आएको विस्तार, कर दायरा वृद्धि तथा राजस्व प्रशासनमा गरिएको सुधारका कारण संकलनमा सकारात्मक प्रगति भएको बताइएको छ।
राजस्व कार्यालयले उद्योग, व्यापार तथा सेवा क्षेत्रबाट उल्लेख्य कर संकलन भएको जनाएको छ। साथै करदाताको सहभागिता र अनुगमन प्रणालीलाई प्रभावकारी बनाइएकाले लक्ष्यअनुसार आम्दानी बढ्न सहयोग पुगेको कार्यालयको भनाइ छ।
चालु आर्थिक वर्षको बाँकी अवधिमा लक्ष्य पूरा गर्न कर चुहावट नियन्त्रण, नियमित अनुगमन तथा करदातामैत्री सेवा थप प्रभावकारी बनाइने जनाइएको छ।
© अनलाइन न्युज पोस्ट .👍 सेयर गर्नुहोस् ताकि अरू पनि अपडेट रहुन् .
Stay updated with the latest breaking news on politics, business, technology, sports, entertainment, and world events in real time.
