說實話 其實去大邱場真係巧合 上年喺澳洲留緊學 好遺憾想搶都唔能夠去搶 十二月個幾場我係想去 但又係搶唔到 全國巡演其實我係開心嘅 畢竟臨飛番去澳洲開學之前有個咁嘅機會 但 我又係搶唔到 正當我失意之際 有一日上interpark睇竟然仲有位 仲係我優先考慮嘅大邱場 咁之後我即刻拎信用卡買飛 好成功咁 第一次睇韓場就係睇DAY6 - 買到飛之後接近一個月嘅時間 一直都煩緊今次行程嘅野 自己一個膽粗粗出發 朝早搭KTX由釜山過去大邱 再轉地鐵(大邱得三條地鐵線好簡單易明) 去到會場 真係好空曠好舒服 去到門口工作人員mark低身份派張周邊購買清單 之後就走去會合當日約嘅小伙伴 原來佢同我都係最鍾意弼😝 我地一直等有無應援物派 雖然數量比較少 但心意我收到了 之後開始跟號碼排周邊 估唔到原來十二點幾黎已經排到二百幾號咁後 個個帶哂暖包但都仲係好凍 一直喺出面排咗一個鐘 好慶幸幫大家買齊晒大家想要買嘅嘢 跟住我哋就去咗便利店食少少嘢然後返去拎埋門票然後再會合其他小伙伴等入場 當見到自己個名印左喺門票上真係超開心 一日入到去我坐二層右邊第二排 加上個場唔係好大 所以都算近 周圍基本上超過九成都係女嘅My Day 之後開始播VCR大家已經興奮到尖叫 一開始唱左好多快歌已經炒熱左成個氣氛 見到真人嗰刻真係唔係講笑 係真係好激動同開心 尤其我最喜歡嘅弼係喺我個邊😍 一路唱嘅期間My Day嘅應援真係好給力 完全係合唱團黎😚 弼又做團欺係咁俾人玩 佢哋成日同佢開玩笑 之後講到跳舞 跟住弼同雲就俾人拉左去跳舞 哈哈笑死我😂 唱장난 아닌데我係勁開心 依首歌對我來講意義非常重大 係一個俾我更加認識佢哋嘅契機😉 安可之前所有My Day都一直唱歌等佢哋出嚟 依種感覺對我來講非常新鮮 因為我從來未試過 佢哋講感言 有講到三月份嗰場 但我嗰陣已經返咗去澳洲 想去都冇得去😭 之後結尾唱freely同sing me 全程都high到爆 完場鞠躬之後然後現場播緊Freely晟鎮帶頭唱跟住所有人都一齊繼續唱 佢哋係完全唔想落台嘅節奏🙈 話咁快三個鐘嘅演唱會就咁完左 完全係意猶未盡 - 今次嘅演唱會的確非常難忘 而且應該係我第一次全程只係用眼去睇嘅演唱會 全程俾身邊嘅人感染high埋一份😆 真的 一定要去一次佢哋嘅現場 完全不是說笑的 係真係好正 真係好希望會越來越多人知道你哋 知道你哋嘅才華 有機會記住黎悉尼同香港開演唱會 之後會一直為你地應援的🙌🏻 - #DAY6 #데이식스 #day6hk #hkday6 #hkmyday #mydayhk #朴晟鎮 #朴再興 #姜永晛 #金元弼 #尹度雲 #sungjin #jae #youngk #wonpil #dowoon #박성진 #박제형 #강영현 #김원필 #윤도운 （在 대구 수성아트피아）
