#firdaposten

#frøya #nordnes #skorpa #firdaposten

Platearbeidarens 2017, sånn var det, norske plater - Topp 11 #firdaposten 1. DIG DEEPER “In Central European Time“ Årets beste norske utgjeving, og på sitt tredje album er bandet trygt attende i Europa. Denne gongen er det meir Autobahn enn highway.

Platearbeidarens 2017, sånn var det, utanlandske plater - Topp 40 #firdaposten 39. Til slutt: SHARKS si “Killers of the Deep” som er bandets fjerde plate siden 1973, er ei flott plate. Det er litt spesielt, det skal seiast. Eit band som er lite kjent ut forbi meinigheita. Dei hadde si stordomstid på byrjinga av 70-talet. Og omsette plater over disk her i Florø då. (Eg kjenner både kjøper og seljar…). Men akkurat det kjem aldri til å skje igjen, mitt eksemplar av denne plata er kjøpt direkte frå bandets nettside.

Platearbeidarens 2017, sånn var det, utanlandske plater - Topp 40 #firdaposten 38. LOW CUT CONNIE og deira fjerde album ”Dirty Pictures, Pt. 1“ si største endring, var at pianisten overtok vokalen frå trommeslagaren. Fordi sistnemnde slutta. Men elles læt Philadelphia-bandet like friskt som tidlegare. I tillegg har dei fått endå ein prominent tilhengjar. Frå før har Barack Obama nemnd si beundring for bandet. No har også Elton John meldt seg på. Sistnemnde har med bandet sitt bruk av piano å gjøre.

Platearbeidarens 2017, sånn var det, utanlandske plater - Topp 40 #firdaposten 37. “Hallelujah Anyway“ med HISS GOLDEN MESSENGER. Det går unna no. Singer/songwriter Michael Taylor leverer ei ny plate nesten kvart år. Blandinga hans av klassisk rock, folk-soul og country, går uansett ikkje av moten. Så ei plate i året frå Taylor i Raleigh, North Carolina er minimum.

Platearbeidarens 2017, sånn var det, utanlandske plater - Topp 40 #firdaposten 36. THE DEEP DARK WOODS med ”Yarrow“ høyrest ut som nære slektningar av The Handsome Family. Like pene, like gotiske og mørke. Berre kanadiske. Og med same country-twang.

Platearbeidarens 2017, sånn var det, utanlandske plater - Topp 40 #firdaposten 35. Når New York-punkbandet The Etter gjekk i oppløysing fann vokalist Lindsay COCO HAMES tida inne for å gjere noko litt annleis. Ho danna bandet Parting Gifts med Greg Cartwright (Reigning Sound), dei ga ut to plater. Og i 2014 var ho ein del av turnéversjon av The New Pornographers. Før ho no endeleg solodebuterar med ”Coco Hames“. Og no er det 60-tals Phil Spector-lyd og 70-tals Memphis Soul-lyd som gjeld. Steikandes bra!

Platearbeidarens 2017, sånn var det, utanlandske plater - Topp 40 #firdaposten 34. THE KERNAL veit eg lite om. Men han/dei er basert i Jackson, Tennessee. ”Light Country“ er The Kernal sitt andre korte album. Og musikalsk snakkar vi om klassisk countrymusikk tidsett stort sett i 70-talet. Det er faktisk veldig bra, og faktisk alt for kort.