#feufiles

Ang girlfriend ko

Ang girlfriend ko... Oo aaminin ko madalas may topak siya. Madalas nagagalit sa simpleng bagay. Madalas mainit ang ulo. Madalas maingay. Pero iniintindi ko nalang. Sanay na naman na ako eh. Iniisip ko nalang, kahit ganito to sobrang mahal naman ako nito eh. At pag nawala to, mamimiss ko siya ng sobra sobra.

Mamimiss ko siya kapag nanonood kami ng sine, mamimiss ko ang pag iyak nya sa mga napapanood naming pelikula masyado kasi siyang emotional. Mamimiss ko ang pag halakhak nya kapag pinapatawa ko siya. Mamimiss ko ang boses nya lalo na kapag kumakanta siya, di man ganon ka ganda boses nya pero para sakin siya ang the best singer. Mamimiss ko ang kadaldalan nya, marami kasi siyang kwento tungkol sa mga napapanood nya, nababasa nya sa files na ganito, nakikita nya at mga nangyari sa araw nya.

Mamimiss ko ung katakawan nya. Mamimiss ko ung mga ngiti nya. Mamimiss ko ung mga pagtatampo nya, ung tipong di nya ako itetext ng ilang araw tapos di rin siya makakatiis, itetext din nya ako ng "HOY! MAHAL KITA." Mamimiss ko ung luha nya kapag pinapakilig ko siya.

Sa kabila ng mga pag susungit at pagtatampo. Sobrang pag aalaga naman ang ginagawa nya sakin. Kadalasan nga tinatrato nya akong parang sanggol. Susubuan ng pagkain, ipag luluto, ipag be-bake. Sobrang maalalahanin. "San kana? Umuwi ka na gabi na." O kaya naman "tama na laro lalabo mata mo nyan." "Ingat ka, papakasalan mo pa 'ko." Haaaaay. Pag nawala siya. Mamimiss ko talaga siya...