#encantadia2016

Matapos ang pakikipaglaban kina Hagorn at sa kanyang mga Hadezar, nagsimula nang isaayos muli ang Encantadia. Lingid sa kaalaman ng lahat ay may isa pa palang liham na iniwan ng Hara Amihan para kanyang mag-ama. Natagpuan ito ni Lira habang isinasaayos ang mga naiwang kagamitan ng namayapang Reyna. Agad itong dinala ni Lira sa kanyang ama upang sabay nila itong mabasa.

Lira, Ybrahim

Kung nababasa nyo na ang laman ng liham na ito ay ibig sabihin nagtagumpay nga si Hagorn na ako ay paslangin. Malamang ay nagtagumpay din tayo na sugpuin ang kanyang mga Hadezar sa pamamagitan ng pagpayag ni Emre na ako ay makabalik mula Devas. Isinulat ko ito dahil nararapat lamang na ipaliwanag ko sa inyo ang aking naging desisyon. Nais kong humingi ng tawad sa paglihim ko sa inyo ng aking plano. Hindi ko sinasadyang kayo ay saktan. At hindi ko rin gustong kayo ay iwan.

Lira, anak, alam kong may hindi malinaw sa'yo sa mga nangyari. Ngunit, Anak, lagi mong tatandaan na mahal na mahal kita. Patawarin mo ko kung pinili ko na kayo ay iwan. Maniwala ka man o hindi, ikaw ang nasa aking isip habang tinitimbang ko ang bigat ng aking gagawing hakbang. Pero nanaig pagsasakripisyo dahil kung sakali mang nakatulong ito sa tagumpay ay Encantadia ay parang nailigtas na rin kita. Alam kong napaka-ikli lamang ng panahon na ibinigay sa atin upang tayo'y magkasama, at kung ako lang ang magpapasya ay pipiliin ko na magkaroon pa ng marami taon na kasama kita. Ngunit nagdesisyon din ang tadhana na ako'y maging isang Reyna, na kung hindi nangyari ay malamang hindi kita naisilang. Kaya Anak, huwag mo sanang iisipin na hindi ka mahalaga dahil ikaw ang pinakamagandang nangyari sa akin. Balang araw, kapag ikaw ay naging Reyna, maiintindihan mo rin kung gaano kabigat ang mga desisyon na iyong gagawin. Nawa'y lagi mong piliin ang pinakatamang desisyon para sa iyong kabiyak... ang iyong kaharian.

Ybrahim, alam kong nangako tayo na pipilitin nating mabuhay para sa isa't isa at para kay Lira. Ngunit patawarin mo ko sa 'di ko pagtupad sa ating pangako. Pero alam kong naiintindihan mo... sana ay naiintindihan mo, na sa simula pa lang ay ako'y nakatali na sa Lireo... na mayroon akong tungkulin sa aking mga nasasakupan na panatilihin ang kapayapaan sa ating lupain. Malakas ang aking pananalig na mauunawaan mo ang aking mga naging desisyon dahil isa ka ring pinuno, at alam kong sa sandaling Sapiro ang manganib ay handa ka ring magsakripisyo.   Makasarili man pakinggan, ngunit nagpapasalamat pa rin ako na dahil sa aking pagkakataong maging Reyna ay nakilala kita at nabiyayaan tayo ng anak. Hindi man tayo pinayagan ng tadhana na sundin ang isang itinitibok ng ating puso, nagkaroon naman ako ng matalik na kaibigan at matapat na kakampi sa labanan... sapat na iyon sa akin. Alam kong pangangalagaan mong mabuti ang ating anak, kasabay ng pamumuno mo sa Sapiro na alam kong lubos mong pagyayamanin. Paumanhin, Ybrahim, kung hindi na kita masasamahan sa mga darating pang taon; na hindi ko kayang ibalik sa iyo ang lagi mong pangako sa akin na hindi mo ako iiwan. Sa ibang panahon siguro tayo itinakdang magkasama, Mahal ko. O baka sadyang hindi lang talaga tayo maaari. Gayunpaman, mahal na mahal kita, Rehav Ybrahim.

Sana'y maging sapat ang liham na ito upang mailahad ko sa inyo ang aking damdamin ukol sa aking pagpanaw. Masakit sa akin ang kayo'y iwan ngunit hindi rin ako mapapanatag na mananatili ang Encantadia sa kadiliman nang walang ginagawa. Gayunpaman, nawa'y maipabatid ng hangin ang aking pagmamahal sa inyo. Wala man ako diyan sa inyong mga tabi ngunit sana ay malaman ninyong susubaybayan ko kayo dito Devas, ngingiti kasabay ng inyong kasiyahan at luluha kasabay ng inyong kalungkutan. At kung sakali mang pagpalain ako ni Emre na makabalik sa inyo, agad akong magbabalik. Kung hindi man, sana'y mamuhay kayo nang masaya nang mahabang panahon. Kung sakali mang sa Devas na lang tayo itinakdang muling magtagpo ay handa akong maghintay sa inyong pagdating.

Very Late Upload

Encantadia Fan Art: 

Pirena, Guardian of the Fire Gem

Amihan, Guardian of the Air Gem

Alena, Guardian of the Fire Gem

Danaya, Guardian of the Earth Gem