#dowl21

صباح الخير ..

نهاية اخر اسبوع في 2020 شبيه ل نهاية اخر اسببوع في 2019 بس بادئ بدري شويه

وبداية يناير 2021 تقريبا هتبقى شبيه لبداية 2020

بس ياتري هتبقى نفس النتيجه؟

انا اتمنى وكلي عشم ويقين في ربنا ان النتيجه هتبقى افضل

مش سهل ان الواحد تتاحله فرصة انه يعيش نفس الأحداث والتفاصيل من جديد ، كأنك بترجع بالزمن لورا بس مع وجود الخبرة

اتمنى زي ما ربنا رزقني الفرصة بدون تفكير منى ، يديم عليا نعمته ويرزقني التوفيق والقوة ويبعد عني الناس الي نفوسها مريضة

" بتمنى لو اي شخص قرأ كلامي ده، ياريت يدعيلي انجح واحقق نتيجة كويسة ، وتبقى بداية اني اقف على رجلي ومحتاجش لحد"

I AM HAPPY AND GRATEFUL

Thanks GOD ❤️

الحمد لله، حمدا كثيرا طيبا مباركا فيه

الحمد لله الحمد لله الحمد لله

الحمد لله يارب

اللهم دمها نعمه واحفظها من الزوال

وارزقني حُسن البصر والبصيرة ووفقني وسدد خطاي يارب العالمين

يارب يسرلي اموري يارب، وابعد عني كل شر يارب

ممتنه ليك يارب ولو قعدت اصلي عمري كله عشان اشكر ربنا على الاحساس الي كنت حساه امبارح مش هيكفي

انهارده بس اتإكدت ان فيه حته نقصت من روحي ، فبه جزء اتاخد مني ومش عارفه ارجعه

بس في نفس الوقت حاسه ان مكان الجزء ده، فيه جزء تاني اتزرع ، جزء مليان رضا بقضاء الله ومحاولة للتعايش والتفائل بأقل الامكانيات المتاحه

مش عارفه ده فعلا رضا بالحال ولا استسلام ويأس؟

انا خايفه, خايفه على روح الطفله الي جوايا، خايفه تختفي ومترجعش، الطفله دي كانت هي الي معيشاني ومخلياني مختلفه

يارب، زي ما بترزقني من غير حول مني ولا قوة، تمها عليا بالخير يارب ويسرلي اموري

انا مليش غيرك يارب وانت عارف يارب انا عامله ازاي وبتصرف ازاي ومليش حد ينصحني ولا اخد برأيه ولا حد يفهمني انا داخله على ايه

يارب الاحساس ده انا اول مره احسه واول مره اجربه ، اول مره احس يعني ايه فيه قوة بتجذبك ناحية انك تقول نعم واه موافقه من غير ما اشوف اي علامات ولا اشوف اي حاجه تخليني اوافق

يارب فيه قوة جذب رهيبه اتجاه الموافقه والنعم وكمية هدوء وطاقة ايجابيه موجوده جوه روحي محسيتهاش من يوم ما خدت قرار التحويل واستلمت الكارنيه في ايدي

يارب محصلش كلام ولا حصل اي حاجه في الموضوع ولا حد قالي حاجه عشان محدش يأثر على رأي ، بس انا مش لاقيه حاجه ارفض عشانها ، فيه جوايا احساس لاول مره بيقولي متخافيش ووافقي

مش عارفه اوصف احساسي يارب ، انت اكيد حاسس بيا وبالي عايزه اقوله

يارب لو خير قربه ولو شر ابعده ، انت الي عالم بحالي يارب وعالم وعارف اني مليش غيرك يارب واني مش هتحمل كسر ولا خساره تاني في حياتي يارب

يارب كل حاجه تعدي هاديه وبسيطه زي ما طول عمري بحلم وبدعيلك ، يارب الاقي الي يقدر يفهمني ويفهم روحي ومحسش اني ماشيه في طريق مستقيم ومفيش نقطة تقابل

التعافي هيحصل لما اتكلم واصارح نفسي ، بس للاسف مش قادره

انا كنت عماله احكي واعيد وازيد في اساءات الطفوله وفاكره ان هي دي السبب وهي دي الصراحه الي محتجااها ، طلعت بحكي عن اساءات الطفوله عشان انا تفوقت ونجحت عليها ، عشان رغم كل الي كانوا بيعملوه انا كنت انا وكنت نفسي وعرفت ابقى ناجحه في نظر نفسي والناس والمجتمع

لكن من بداية المراهقه لحد دلوقتي ، انا لسه منجحتش فيه ولا تخطيته وسايب اثر كبير اووي في قلبي

الحكايه لازم تتحكي ولازم الواحد يقول الي ليه والي عليه

لازم اخف وابقى كويسه