پاکستان میں ڈالر کی قیمت میں روز بروز اضافے سے روپے کی قدر میں کمی ہو رہی ہے، ماہرین کہتے ہیں کہ ڈالرکی قیمت مزید بڑھے گی اور اس سے ملکی معیشت بھی اثر انداز ہو گی۔ ماہرین نے تو اپنی رائے دی ہے لیکن سماجی رابطوں کی ویب سائٹ ٹوئٹر پر بھی صارفین نے ڈالر کے ملکی معیشت پر اثرات کے بارے میں ایک ’ہیش ٹیگ بائیکاٹ ڈالر‘ کے نام سے شروع کیا ہے اور اس پر اپنی رائے دے رہے ہیں۔ بائیکاٹ ڈالر کا ہیش ٹیگ لگا کر پاکستان کے ایک معروف صحافی انصارعباسی نے اپنے ٹویٹ میں لکھا ہے کہ ’ اس مہم کا مقصد پاکستانی کرنسی اور معیشت کو ڈالرائزیشن کے تباہ کن اثرات سے بچانا ہے، پاکستانیوں سے درخواست ہے کہ وہ ڈالرز خرید کر جمع کرنے سے اجتناب کریں۔‘

ایک ٹویٹر صارف مناہل نے ٹویٹ کیا ہے کہ ہمارا ملک بدترین معاشی بحران سے گزر رہا ہے۔ انہوں نے کہا کہ ’بہت سارے لوگ اس صورتحال کا استحصال کر رہے ہیں اور پاکستانی روپوں کو ڈالرز میں بدل رہے ہیں، اس سے ہمارا قومی کردار واضح ہوتا ہے کاش کہ ہم بھی ایسا ہی حب الوطنی کا جذبہ رکھتے جیسے ترکی کے لوگوں کا ہے۔‘ معاذ عبدالوہاب نے ٹویٹ کیا کہ’ کچھ مہینے پہلے جب ترکی میں کرنسی کا بحران ہوا تو ترکی کی عوام نے ہر ڈالر بیچا جبکہ دوسری جانب پاکستانی قوم ڈالرز جمع کر رہی ہے اور حالات کو مزید خراب بنا رہے ہے۔‘ ایک اور صارف تحریم عزیم لکھتی ہے کہ بائیکاٹ ڈالر کے حوالے سے ان کو کوئی معلومات نہیں لیکن وہ سوال کرتی ہے کہ ’ کیا ڈالر کا بائیکاٹ کرنے سے واقعی اس کی قیمت کم ہو جائے گی ؟ لولز۔‘

مزمل صائم نامی صارف لکھتے ہیں کہ’ کوشش کریں کہ پاکستان کی بنی ہوئی اشیا خریدی جائے، مشروبات کا بائیکاٹ کیا جائے اور پاکستان کے مستقبل کے لیے پاکستان کی بنی ہوئی اشیا خریدی جائیں۔‘ عبدالوحید آفریدی نامی صارف نے ٹویٹ کیا کہ’ اس میں کوئی شک نہیں کہ ہر قوم مشکل وقت کا سامنا کرتی ہے لیکن اتحاد اور یگانگت سے مشکلات کو شکست دی جا سکتی ہیں معاشی بحران کے اس وقت میں، آئیں اس بات کا اعادہ کرے کہ ’ ڈالر کا بائیکاٹ کریں اور ڈالرز کا ذخیرہ کرنے سے اجتناب کیا جائے۔‘ ایک اور صارف محمد شعیب نے ہیش ٹیگ بائکاٹ ڈالر کے ساتھ لکھا ہے کہ ’ روپے کی قدر کریں اور اپنی ذمہ داری ادا کریں۔‘ مجموعی طور پر پاکستانی سوشل میڈیا صارفین کی رائے ہے کہ ڈالر کا مقابلہ کرنے کے لیے ضروری ہے کہ ڈالر کی ’ذخیرہ اندوزی‘ نہ کی جائے اور پاکستانی اشیا پر بھروسہ کیا جائے۔

ڈالر اور دیگر غیر ملکی کرنسیوں کے مقابلے میں روپے کی قدر میں کمی سے پاکستان میں فروخت ہونی والی درآمدی اشیا مہنگی ہو جاتی ہیں۔ ڈالر کی قدر بڑھنے سے سب سے زیادہ اثر پیٹرولیم مصنوعات پر پڑتا ہے۔ پاکستان اپنی ضرورت کی زیادہ تر پیٹرولیم مصنوعات دوسرے ممالک سے درآمد کرتا ہے اور روپے کی قدر کم ہونے سے پیٹرولیم مصنوعات کی درآمدی لاگت بڑھ جاتی ہے۔ پیٹرولیم مصنوعات کی قیمتیں بڑھنے سے نقل و حمل کے اخراجات بڑھتے ہیں اور ملک میں تیار ہونے والی عام استعمال کی اشیا بھی مہنگی ہو جاتی ہیں۔ ڈالر کی قدر بڑھنے سے پاکستان پر واجب الادا غیر ملکی قرضوں کو حجم بھی بڑھ جاتا ہے۔

روپے کی قدر کیسے مستحکم ہو؟ اقتصادی ماہرین کے مطابق پاکستانی روپے کی قدر کا دارو مدار ملک کی معاشی صورتِ حال پر ہے۔ روپے کی قدر مستحکم کرنے کے لیے ضروری ہے کہ ملکی میں غیر ملکی کرنسی زیادہ ہو۔ اگر پاکستان کی برآمدات زیادہ ہوں اور تجارتی خسارہ کم ہو تو روپے کی قدر مستحکم رہ سکتی ہے۔ پاکستان کی برآمدات کے مقابلے میں درآمدت زیادہ ہیں اور تجارتی خسارے کے سبب غیر ملکی زرِ مبادلہ کے ذخائر میں کمی سے روپے کی قدر بھی کم ہوتی ہے۔

سارہ حسن

پاکستانی کرنسی کی قدر میں بین الاقوامی منڈیوں میں کمی پر اس وقت ملکی تاجر برادری بہت پریشان ہے۔ ایک امریکی ڈالر ایک سو تیس روپے سے بھی زیادہ ہو جانے کے نتیجے میں پاکستان میں مہنگائی کے طوفان کا خدشہ بھی زور پکڑ گیا ہے۔ رواں ماہ سولہ جولائی کو اچانک ڈالر کے مقابلے میں روپے کی قدر میں پونے سات روپے کی کمی ریکارڈ کی گئی اور انٹربینک مارکیٹ میں ڈالر پاکستان کی مالیاتی تاریخ میں پہلی بار ایک سو اٹھائیس روپے سے تجاوز کر گیا۔ اس طرح پاکستانی روپے کی بے قدری اتنی زیادہ ہو گئی کہ وہ بنگلہ دیشی اور افغان کرنسی سے بھی نیچے آ گیا۔ اس وقت کابل میں ایک امریکی ڈالر ستر افغانی کا اور ڈھاکا میں ایک امریکی ڈالر چوراسی اعشاریہ تین ٹکا کے برابر ہے لیکن پاکستان میں امریکی ڈالر کی قیمت ایک سو تیس روپے پچاس پیسے تک پہنچ گئی ہے۔

نگراں وزیر خزانہ ڈاکٹر شمشاد اختر نے کراچی میں قائم پاکستان اسٹاک ایکسچینج میں تاجروں سے خطاب کرتے ہوئے حال ہی میں کہا تھا، ’’ڈالر کی قیمت کو بڑھنے سے نہیں روکا جا سکتا۔ کرنسی مارکیٹ میں ڈالر کی طلب اور رسد کی بنیاد پر شرح تبادلہ کا تعین ہو رہا ہے۔ ایسے میں ہم مداخلت کر کے پاکستانی روپے کو مصنوعی سہارا نہیں دے سکتے۔‘‘ ڈاکٹر شمشاد اختر نے روپے کی قدر میں کمی کا ذمہ دار پاکستان کے بڑھتے ہوئے تجارتی خسارے کو قرار دیا تھا، جو 37 ارب ڈالر تک پہنچ چکا ہے۔ انہوں نے منرل واٹر، دودھ، دہی، مکھن سمیت غیر ضروری اشیاء کی درآمد پر پابندی اور ٹیکسوں کی شرح میں اضافے کی سفارش بھی کی تھی۔

ماہرین کے مطابق راتوں رات امریکی ڈالر کی قدر میں اضافہ پاکستان اور پاکستانیوں کے لیے نیا نہیں ہے۔ اس سے قبل بھی گزشتہ سال دسمبر میں امریکی ڈالر چار روپے مہنگا ہو گیا تھا جبکہ رواں سال جنوری اور مارچ میں بھی امریکی کرنسی کی قدر میں دو بار پانچ پانچ روپے اضافہ دیکھا گیا تھا۔ پھر سولہ جولائی کو ایک بار پھر روپے کی قدر میں ڈالر کے مقابلے میں 6.75 روپے کی کمی ہوئی، یعنی رواں سال ڈالر کی قدر میں 22 سے لے کر 24 روپے تک کا مجموعی اضافہ ریکارڈ کیا گیا۔ یوں پاکستان کا درآمدی بل تو بڑھے گا ہی، لیکن ساتھ ہی پاکستان کے ذمے واجب الادا غیرملکی قرضوں کے حجم میں بھی اربوں روپے کا اضافہ ہ چکا ہے۔ کراچی میں کرنسی مارکیٹ ایسوسی ایشن کے صدر اسد رضوی نے ڈی ڈبلیو سے گفتگو کرتے ہوئے کہا، ’’دسمبر سےاب تک ڈالر 22 روپے مہنگا ہو چکا ہے۔ ڈالر مہنگا ہونے سے ملک پر قرضوں کے بوجھ میں 1800 ارب روپے کا اضافہ ہوا ہے۔‘‘

Indian rupee falls against UAE dirham in early trade

Tracking the American currency’s strength overseas, the Indian rupee fell 14 paise to 79.66 against the US dollar (21.7 against the UAE dirham) in opening trade on Thursday, September 1, 2022. credit social media In the Indian interbank foreign exchange market, the rupee opened at 79.55 against the greenback, then eased further to 79.66, registering a decline of 14 paise over its last…

برطانیہ کے سینٹر فار اکنامکس اینڈ بزنس ریسرچ (CEBR) کی حال ہی میں عالمی معیشت کی رینکنگ پر جاری کی جانے والی ایک رپورٹ کے مطابق 2019ء میں دنیا کے 193 ممالک میں پاکستان 44ویں نمبر پر جبکہ امریکہ پہلی، چین دوسری، جاپان تیسری، جرمنی چوتھی اور بھارت کو پانچویں بڑی معیشت قرار دیا گیا ہے جبکہ 2018ء میں پاکستان 41ویں پوزیشن پر تھا۔ اسی رپورٹ کے مطابق 2034ء میں پاکستانی معیشت 50ویں پوزیشن پر ہو گی جبکہ پہلے نمبر پر چین، دوسرے پر امریکہ اور تیسرے نمبر پر بھارت بڑی معیشتیں ہوں گی۔ CEBR کی گزشتہ سال کی رپورٹ میں تھنک ٹینک نے پاکستان کو 2028ء میں 37ویں اور 2033ءمیں 27ویں بڑی معیشت بتایا گیا تھا۔

اس معاشی رینکنگ سے یہ اشارہ ملتا ہے کہ معاشی تھنک ٹینک خطے کے دیگر ممالک کے مقابلے میں مستقبل میں پاکستان کی معاشی گروتھ میں کمی دیکھ رہے ہیں۔ پاکستان کی معاشی گروتھ کا جائزہ لینے سے یہ معلوم ہوتا ہے کہ 2019 میں پاکستان کی جی ڈی پی 3 فیصد رہی جبکہ 2018 میں یہ 5.5 فیصد تھی۔ رپورٹ کے مطابق 2020 سے 2025 تک پاکستان کی جی ڈی پی گروتھ 4.2 فیصد رہنے کی توقع ہے۔ پاکستان 2018 میں معاشی بحران کا شکار ہوا تھا جب زرمبادلہ کے ذخائر کم ہو کر 8 ارب ڈالر کی سطح پر آگئے تھے، کرنٹ اکائونٹ خسارہ جی ڈی پی کا 6 سے 7 فیصد تک بڑھ گیا تھا، ایکسپورٹس میں کمی اور امپورٹس میں ریکارڈ اضافے کی وجہ سے تجارتی خسارہ 38 ارب ڈالر سالانہ تک پہنچ گیا تھا جس کی وجہ سے پاکستان کو 12ویں مرتبہ آئی ایم ایف کے پاس جانا پڑا۔

اس دوران سعودی عرب، متحدہ عرب امارات اور چین نے زرمبادلہ کے ذخائر مستحکم کرنے کیلئے پاکستان کو سوفٹ ڈپازٹ دیئے اور سعودی عرب نے پاکستان کو ادھار تیل سپلائی کی سہولت فراہم کی۔ آئی ایم ایف کی شرائط مانتے ہوئے حکومت نے پاکستانی روپے کی قدر میں 35 فیصد اور ڈیڑھ سال میں تقریباً 50 فیصد ڈی ویلیو ایشن کی جس سے پیٹرولیم مصنوعات کی قیمتوں اور افراط زر یعنی مہنگائی میں اضافہ ہوا لیکن حکومتی اقدامات سے رواں مالی سال تجارتی اور مالی خسارے میں تقریباً 35 فیصد کمی لائی گئی ہے اور زرمبادلہ کے ذخائر بھی بڑھ کر 18 ارب ڈالر سے تجاوز کر گئے ہیں جس میں 11.5 ارب ڈالر اسٹیٹ بینک اور 6.6 ارب ڈالر نجی بینکوں کے ڈپازٹس شامل ہیں۔ زرمبادلہ کے ذخائر میں اضافے کی ایک وجہ پاکستانی روپے کی قدر 154 روپے پر مستحکم ہونے کی وجہ سے بیرونی فنڈز منیجرز کی پاکستان اسٹاک ایکسچینج میں تقریباً 1.2 ارب ڈالر کی پورٹ فولیو انویسٹمنٹ (ہاٹ منی) ہے۔ 

یہ بیرونی سرمایہ کار 1.5 سے 2 فیصد شرح سود پر بیرون ملک ڈالر میں قرضے لے کر پاکستان میں 13 فیصد شرح سود پر پاکستانی روپے میں ٹریژری بل میں سرمایہ کاری کر رہے ہیں جس سے بیرونی سرمایہ کاروں کو تقریباً 11 فیصد منافع حاصل ہو رہا ہے۔ میرے خیال میں بہتر ہے کہ حکومت 6 فیصد شرح سود پر طویل المیعاد ڈالر سکوک بانڈز کا اجرا کرے۔ اس طرح ہم آدھا منافع بچا سکتے ہیں اسٹیٹ بینک کی جانب سے روپے کی قدر کے استحکام کیلئے کئی بار شرح سود میں اضافہ کرنے سے مرکزی بینک کا ڈسکائونٹ ریٹ 13.25 فیصد اور بینکوں کے قرضہ دینے کی شرح سود 15 اور 16 فیصد تک پہنچ گئی جس نے ملک میں نئی صنعتوں میں سرمایہ کاری اور نئی ملازمتوں کے مواقع کو متاثر کیا جبکہ رواں مالی سال جولائی سے دسمبر تک نجی شعبے کے بینکوں سے قرضے لینے کی شرح میں 77 فیصد کمی ہوئی ہے جو گزشتہ مالی سال کے 504 ارب روپے کے مقابلے میں کم ہو کر 2019 تا 20 میں صرف 117 ارب روپے رہ گئے ہیں جو ایک لمحہ فکریہ ہے۔

ایف بی آر کا زیادہ زور ریونیو کی وصولی پر رہا۔ رواں مالی سال کے 6 مہینوں میں حکومت نے اپنے ہدف 2367 کے مقا بلے میں 2080 ارب روپے ریونیو حاصل کئے اور اس طرح ایف بی آر کا پہلے 6 مہینے میں ریونیو شارٹ فال 287 ارب روپے رہا جس کی وجہ سے رواں مالی سال منی بجٹ آنے کا قوی امکان ہے مگر رواں مالی سال ایف بی آر نے پہلی ششماہی میں تقریباً 17 فیصد ریونیو گروتھ حاصل کی لیکن اصل گروتھ کیلئے ضروری ہے کہ ملک میں صنعتوں میں سرمایہ کاری ہو جس کیلئے اسٹیٹ بینک کو جلد از جلد ڈسکائونٹ ریٹ میں کمی کرنا ہو گی تاکہ قرضوں کی شرح سود سنگل ڈیجٹ ہو سکے۔ 

اسٹیٹ بینک کی رپورٹ کے مطابق حکومت نے رواں مالی سال پہلی ششماہی میں اسٹیٹ بینک کے بجائے نجی بینکوں سے گزشتہ 3 برسوں کے مقابلے میں ایک کھرب روپے یعنی 55 فیصد اضافی قرضے لئے ہیں۔ یہی وجہ ہے کہ بینک نجی شعبے کو قرضہ دینے کے بجائے حکومتی پیپرز میں پُرکشش شرح سود پر قرضہ دینے کو ترجیح دے رہے ہیں۔ پاکستان کو بیروزگاری اور غربت میں کمی لانے کے لئے مسلسل 5 سال تک 6 سے 7 فیصد جی ڈی پی گروتھ حاصل کرنا ہو گی جیسی خطے کی دیگر ابھرتی معیشتوں چین اور بھارت کی ہیں۔ عالمی اور علاقائی معیشتوں کا جائزہ لینے سے یہ بات ثابت ہوتی ہے کہ پاکستان کو زرعی اور صنعتی شعبوں کو فروغ دے کر مسلسل کئی سال تک ایکسپورٹ لیڈ گروتھ سے اونچی جی ڈی پی گروتھ حاصل کرنا ہو گی۔

ڈاکٹر مرزا اختیار بیگ

اب جب کہ موجودہ حکومت کے ختم ہونے میں ٹھیک ایک ماہ باقی ہے ایسے میں یہ حکومت ملک کے لیے معاشی مسائل کا ایک انبار چھوڑ کر جا رہی ہے۔ ملکی معیشت کی کوئی کل اٹھا کر دیکھ لیں ہر سمت معاشی مشکلات منہ کھولے کھڑی نظر آتی ہیں۔ بیرونی قرضے کا حجم دیکھیں تو یہ 90 ارب ڈالر کی حد عبور کر چکا ہے۔ عوام اور مجموعی ملکی معیشت اس کا کس طرح بوجھ اُٹھائے گی۔ اس کا پتا نہیں، زرمبادلہ کی آمدنی کا اہم ذریعہ برآمدات ہیں، وہ 22 ارب ڈالر سے آگے نہیں جا سکیں اور اس طرح تجارتی خسارہ 33 ارب ڈالر متوقع ہے، یہ خسارہ کس طرح پورا ہو گا اس کا جواب حکومتی حلقوں کے پاس نہیں۔ پی آئی اے اور اسٹیل مل کا خسارہ 500 ارب روپے ہو چکا ہے، کب تک ملکی معیشت اس خسارے کو برداشت کرے گی، سیاسی پارٹیوں کو اس کی کوئی فکر نہیں.

سماجی خدمات کی فراہمی مثلاً تعلیم و صحت کے معاملے میں سرکاری بجٹ نہ ہونے کے برابر ہے، چناں چہ غریب آدمی کی حالت کیسے بہتر ہو گی اس پر کسی کی توجہ نہیں۔ لیکن آج کے کالم میں اسٹیٹ بینک آف پاکستان کے 20 مارچ کے اس اقدام کی بات ہو گی جس کے نتیجے میں روپے کی قدر میں کمی کر دی گئی اور اس طرح امریکی ڈالر جو 19 مارچ تک 110 روپے کا مل رہا تھا اب اس کی قیمت 115 روپے ہو گئی، یعنی قدر میں 4 فی صد کمی۔ اسی طرح کا ایک اقدام اسٹیٹ بینک کی جانب سے 8 دسمبر کو کیا جا چکا ہے جب روپے کی قدر میں 4.3 فی صد کمی کر دی گئی تھی اور ڈالر کی قیمت 104 روپے سے بڑھ کر 110 روپے ہو گئی تھی۔ اس طرح گویا صرف چار ماہ میں روپے کی قدر میں 8 سے 9 فی صد کمی ہو گئی اور ڈالر 115 روپے تک چلا گیا۔

ڈالر کی بے قدری کی جو وجوہ بتائی جا رہی ہیں ان میں یہ کہا جا رہا ہے کہ روپے کی قدر پر بہت دباؤ تھا، زرمبادلہ کے ذخائر 14 ارب ڈالر سے کم ہو کر 11 ارب ڈالر پر آگئے ہیں۔ جولائی 2017ء سے لے کر فروری 2018ء تک کرنٹ اکاؤنٹ خسارہ 10.8 ارب ڈالر ہو گیا ہے، کمزور روپے کی قدر برآمدات کو بڑھانے اور کرنٹ اکاؤنٹ خسارہ کم کرنے میں مددگار ثابت ہو گی ۔ ڈالر پر دباؤ کم ہو گا لیکن جن امیدوں پر یہ اقدام کیا گیا ہے وہ شاید پوری نہ ہوں مگر ملکی معیشت اور عام آدمی پر جو برا اثر پڑے گا وہ یقینی ہے۔ مثلاً ڈالر مہنگا ہونے سے ملک میں آنے والی درآمدات مہنگی ہو جائیں گی جس کے نتیجے میں خشک دودھ، چائے، ادویات، کاسمیٹکس، صنعتوں میں استعمال ہونے والا خام مال، پٹرولیم مصنوعات مہنگی ہو جائیں گی۔ 

روزمرہ کی بعض اشیا کی قیمتوں کے بڑھ جانے سے اور ٹرانسپورٹیشن کی لاگت بڑھ جانے سے مہنگائی میں اضافہ ہو گا۔ دودھ کی قیمتوں میں اضافے کا کمشنر کراچی نے اعلان کردیا ہے جو اب 94 روپے فی لٹر کے حساب سے فروخت ہو گا۔ پٹرول اور ڈیزل مہنگا ہونے سے تجارتی سرگرمیوں کے بار برداری کے اخراجات بڑھ جائیں گے جس سے مہنگائی کی ایک نئی لہر آئے گی۔ اسی طرح درآمدی خام مال، کیمیکل اور مشنری کے مہنگا ہونے سے پیداواری لاگت میں اضافہ ہو گا تو ملکی مصنوعات کے علاوہ برآمدات بھی مہنگی ہو جائیں گی۔ اس طرح حکومت کا برآمدات میں اضافے کا خواب پورا نہیں ہو گا۔ اسی سلسلے میں پاکستان کا گزشتہ بیس پچیس سال کا ماضی گواہ ہے کہ روپے کی قدر میں کمی کرنے کے باوجود پاکستان میں برآمدات میں خاطر خواہ اضافہ نہیں ہوا۔

برآمدات میں اضافے کے لیے پیداواری لاگت میں کمی، کوالٹی میں اضافہ، ویلیو ایڈیشن سرمایہ کاری اداروں میں کرپشن اور بدانتظامی میں کمی ضروری ہے۔ آئی ایم ایف کی شرائط کو پورا کرتے ہوئے حکومت نے بجلی اور گیس پر سبسڈی ختم کر دی اور ان کی قیمتوں میں اضافہ کر دیا۔ اس طرح پیداواری لاگت بڑھ گئی اور برآمدات کے معاملے میں پاکستان، انڈیا، چین اور ویت نام سے پیچھے رہ گیا۔ جب کہ مشینری، آٹو موبائل اور خام مال کی درآمدات میں اضافے سے برآمد و درآمد کا فرق بہت بڑھ گیا جسے تجارتی خسارہ کہا جاتا ہے۔ چناں چہ موجودہ حکومت یا آنے والی نگراں حکومت اگر واقعی تجارتی خسارہ کم کرنا چاہتی ہے تو روپے کی قدر میں کمی کے بجائے ایسے اقدامات کی ضرورت ہے جن سے پیداواری لاگت میں کمی ہو اور بین الاقوامی مارکیٹ میں پاکستانی برآمدات باآسانی اپنی جگہ بنا سکیں، اسی طرح تجارتی خسارہ کم ہو گا اور ڈالر پر دباؤ میں کمی آئے گی، ورنہ روپے کی بے قدری سے سوائے مہنگائی میں اضافے کے کچھ حاصل نہیں ہو گا۔

IWCCI for early end to current political stalemate

ISLAMABAD: The Islamabad Women Chamber of Commerce and Industry (IWCCI) called for early resolution of the prevailing political stalemate through meaningful dialogue between the government, Pakistan Tehreek-i-Insaf (PTI) and Pakistan Awami Tehreek (PAT). The IWCCI also termed the ongoing sit-ins in capital in the name of Azadi and Inqilab marches against national interests and tantamount to…