#de lata

Ako yung tipo ng tao na mas gugustuhin pang magbukas ng de lata kesa magluto. Bukod sa di ako marunong, tinatamad din ako. Pero masarap naman ako magluto pag inutusan, ayoko lang talagang humaharap sa kalan. Iyan din yung mga dahilan kung bakit madami bumili si mama ng de lata kasi alam niyang tamad ako magluto pero mahilig akong kumain.

Okay lang kay mama na magbukas ako ng magbukas ng de lata basta wala daw nilutong ulam kaya kahit 5 kumakain ako ng kanin o kahit anong oras ko gusto.

Yung mga de lata namin noon ay argentina corned beef, luncheon meet, cheese spread, peanut butter (wait, lata ba to? Hahahaha) 555 sardines, century tuna with flakes in oil. Basta madami pero yung mga mura lang.

Pero dahil umaasenso kami, syempre pati pagkain namin umaasenso din hahaha. Yung corned beef namin high lands na! More on spam na kami kesa luncheon meet, Dutche na yung palaman namin, yung tuna namin with calamansi na or flakes in vegetable oil, yung reno na binibili namin yung malaki na tapos yung cup noodles na binibili ni mama big na din.

Ang kaso, may problema ako…

Kapag tinatamad akong magluto tas magbubukas sana ako ng de lata tulad ng ginagawa ko dati, may sumisigaw ng…

“Anak jusko! Isang daan yang high lands na yan!!! Huwag yan yung buksan mo!! Mag pancit ka na lang diyan”

“Anak huwag mo papakin yang Dutch DALAWANG DAAN YAN!!”

“Bat mo kinukuha yang reno? May sachet ng cheese diyan”

“Huwag mong galawin yang cup noodles, magluto ka ng mami kung gusto mo”

“O bakit mo ginagalaw yung tuna diyan? Bumili ka ng tagk-kinseng sardinas sa labas”

…