The concept of Dua in Islam -
Insaan jo lafz hai woh nasiya se nikla hai aur nasiya kaa maani hai bhool jaana. Bhoolna insaani fitrat hai. Humein sikhaaya gaya hai ki agar shoe laces bhi chaahiye ho toh Allah se maango. Dua karo. Jab hum dua karte hain humein woh maangi dua yaad rehti hai, aur jab woh yaad rehti hai tab hum uske liye efforts daalte hain, aur jab efforts hain toh woh cheez haasil kyun nahin hogi? Agar koi paanchon waqt Allah se yeh dua kare ki “Yaa Rab, meri rozi mein barkat de” toh us shaqs mein apne ghar se nikalne ki aur mehnat karne ki ghairat yaa phir aap kisi qism ki roushni keh lein aa jaati hai, aur woh usi roushni ke saath mehnat mein jutt jaata hai. Kya yeh khoobsoorat nahin? Dua? Allah tumhaara aur mera banaane waala hai, yaqeenan Allah se behtar insaan ko koi nahin jaanta. Usne bhoolne jaisi kamzori di hai toh dua jaisi neymat bhi. Mera Rab insaaf pasand hai.
