#cocomarfil

May mga babaeng magaganda ang itsura, maganda din ang ugali, meron namang mga di kagandahan pero maganda pa rin ang ugali. Hinahangaan ko sila. Iba kasi ang dating nila para sa'kin. Bihira kasi ang mga ganyan sa panahon ngayon.

Ang nakakapanginig ng laman ay yung mga magaganda pero pangit ang ugali. Lalo naman yung pangit na nga, di pa rin kaaya-aya ang ugali. Nakakainis ang mga ganun di ba? Sarap gawin sa kanila 'to:

May kilala ako, di kanais-nais ang pagmumukha, pati ang ugali. Akala mo kung sino. Chusko. Kulang na lang magdala sya lagi ng karatula na may "Maganda ako! Angal ka?" na nakasulat. 'Eto na nga, feelingera ang nanay mo. At sya lang talaga ang nakakaalam na maganda sya. Noon pa man, ayoko talaga sa ugali nya. KASUKLAM-SUKLAM! Kung demonyo ako, mas demonyo sya. Galit ako sa kanya kasi hinigitan nya pa ako. Pero joke lang. Sana naman magbago na sya. Sana magkaroon ng himala. Naiinis ako sa kanya kasi laging nagmamaganda. Sarap tuloy sabihin sa pagmumukha nya 'to. 

ULIKBA KA!

Kapag sinasabi nyang maganda sya ganito na lang ang reaksyon ko:

Mag-aapat na taon na akong nag-aaral ng Nursing. 11 months na lang graduate na ako. 2 semesters na lang ang kailangang matapos bago ako maging tambay. Yahooo! Sa mahigit apat na taong pag-aaral ko, madami din naman akong natutunan. Isa-isahin natin para kunwari meron talagang natutunan.

Madali lang gumawa ng NCP at Case Study.

Salamat sa nursingcrib at scribd! Chusko. Kung hindi dahil sa nursingcrib at scribd wala akong maipapass na mga NCP at case study. Hahaha! Kung kulang ka sa references katulad ko, pumunta ka sa mga sites na yan, makakatulong yan. Pero ireview mo naman kung tama ang mga nakasulat dun. Hindi kasi lahat na nandun ay tama. Bottomline, kailangan mo ng libro! Wag mong gawing props ang mga libro mo. Makakagawa ka ng magandang NCP kapag maganda ang assessment mo at bongga ang case study mo kung madami kang libro. Kung gusto mong magcopy-paste, siguraduhin mo namang walang matitirang [Edit] dyan. 

Masaya gumawa ng Case Study.

Oo, masaya talaga. Lalo na kung walang tulugan...Madadatnan mong online ang crush mo sa facebook kapag madaling araw ka na gumagawa ng case study mo. Dun lang ako sumasaya. 

Nakakabobo ang walang ginagawa sa hospital.

Kapag narotate ka sa ward na walang ginagawa, mawawala na lang bigla ang mga pinag-aralan mo. Lahat naman tayo gustong papetiks-petiks lang pero mas gugustuhin mong maging toxic ang area mo kung sa area mo ilang oras kang uupo at tatayo lang kapag kukuha ng vital signs. Kaya kapag nasa ibang area na kayo, feeling mo ang tanga-tanga mo kasi nung huling duty mo wala ka namang ibang ginawa. Parang pers taym mo ulit magduty.

Mahalaga ang hospital exposure.

Wag naman sanang puro sa community ang duty. Sana naman marotate kami lagi sa hospital para mas mapractice namin ang mga natutunan namin sa skills laboratory. Para saan pa ang mga pinag-aralan naming procedures kung puro sa community ang duty namin? Di ba? 

Kapag napagalitan ng clinical instructor, hayaan lang, wag magpapaakto. Be professional.

Kapag sinigawan ka, pinagalitan at pinahiya, hayaan mo lang. Labas sa isang tenga dapat kung anong mga narinig mo. Isipin mo na lang may pagkakataon ka pang pakitaan ang C.I. mo. Galingan mo pa. Wag mo masyadong damdamin ang mga pinagsasabi nya para di maapektuhan ang trabaho mo. Itatak mo sa isip mo na pagdating ng araw, hihigitan mo pa sya. Wag kakaba-kaba. Kung galit ka pa din sa C.I. na yun, may paraan naman para makaganti ka, ibagsak mo sa evaluation. Akala nya ikaw lang ang pwede mong ibagsak ah. Murahin mo sa evaluation...isulat mo dun sa "Comment and Suggestions" section. Optional naman ang paglagay ng pangalan eh kaya di nya malalaman kung sino ka.

Dapat marunong makisama sa mga pasyente.

Dapat magaling kang makitungo para yung tiwala ng pasyente mo ay makuha mo. Wag mong susungitan, kung ikaw naman ang tatarayan, murahin mo pero sa isip mo lang ah. 'Di, joke lang. Dapat mabait ka, wag mong sisigawan, dapat magaling ka sa health teaching. 

Masarap sa pakiramdam ang pasalamatan ka ng pasyente mo.

Sobra! Feeling mo ang galing-galing mo na. Hahaha! Joke lang. Nung pinasalamatan kasi ako ng pasyente ko (marami na sila), nakakagaan ng loob. Ang sarap sa pakiramdam! Masarap pakinggan ang pasasalamat nila, nakakawala ng pagod. Kahit papaano, alam mong nakatulong ka sa paggaling nila.:)

Marami pa akong gustong itype kaso tinatamad na ako. Ganyan talaga.