#boxisland

Box Island er rökfræðilegur þrautaleikur fyrir spjaldtölvur sem auðveldar krökkum að beita grunngildum forritunar og efla rökfræðilegan hugsunarhátt. Í leiknum taka krakkar þátt í ævintýri á eyjunni Box Island, en þar fer aðalsöguhetjan Hiro í leiðangur til að bjarga vini sínum eftir að loftbelgur þeirra brotlenti á eyjunni. Spilunin í leiknum virkar þannig að krakkar þurfa að hjálpa Hiro að komast framhjá ýmsum hindrunum á ferðalagi sínu um eyjuna og þurfa að nota verkfærakistu með þremur forritunaraðgerðum til að komast í gegnum þrautirnar.