免戶口號碼「過數」同無卡都撳到機？安全快捷秘技大公開 ！
「各位 Wire 民大家好，我叫做長進，不過好衰唔衰，我姓吳。喺朋友之間，我有個花名，叫「走數王」，點解？因為佢地話我成日夾錢都俾唔夠錢，要朋友俾住先，但最後又無俾返佢地…」以上情景係咪似曾相識呢？可能你都會試過唔記得俾返錢人而誤成「走數王」。而今日就會教你一個至快至正嘅過數秘技，等你擺脫走數王稱號，做回「找數真漢子」！
唱 K 唔夠錢點算好？手機 Number 過數勁方便
同一大班朋友去唱 K ，位位 $334.4，人人都夾到錢係得你無，雖然朋友可以「賒」住先，不過呢啲聚會一年先一次，無理由爭人錢咁耐，但唔想問人拎戶口 Number 更唔想比人知道自己銀行戶口，更加唔想撳機 + 找神沙！點算好？呢個時候，用 i-P2P 功能就可以用手機「冧巴」即刻過錢，免找贖仲唔使排隊撳機，可以早啲散水，唔同銀行都過到，連過數記錄都有，過左數未一目了然！
雙重驗證 安全又輕鬆
咪以為喺 i-P2P 過數淨係用手機號碼過數就唔安全喎！首先你要set 個搞鬼密碼，例如「1314」呀「2046」呀咁，等對方一睇就知係「自己友」，加上 SMS 嘅驗證碼雙重保障先去到 BEA App 收錢，夠晒安全！就算唔係東亞銀行戶口都從此唔使WhatsApp 戶口號碼或者過完數影返張過數紙啦！
如何付款
click 幾個掣就可以發出付款指示，再 share 埋驗證碼俾對方，就可以收錢。
如何收款？
收到 SMS 後，去 BEA App 輸入驗證碼同銀行資料等，就可以收錢。如果你係 i-P2P 用戶，就唔使再入銀行資料，仲可以揀自動收款添！
女友半夜唔夠錢 借意要你親身接？
唱完 K 返到屋企都成11點，女朋友打嚟話佢去完飲淨係拎住個 Clutch 俾埋人情又無晒錢搭的士返屋企，借意要你接佢！打緊 LOL 嘅你又推緊塔懶得出門，心諗不如過錢俾佢啦？
好彩！只要你上東亞銀行 Cyberbanking 撳幾撳，再叫佢去 ATM 輸入好似你哋紀念日咁 sweet 嘅密碼同即時手機驗證碼，咁就可以無你張卡喺手都拎到錢啦！
學識咗上面嘅方法，以後就唔使驚俾人話係「走數王」，重新成為「找數真漢子」！不過如果你本身都諗住扮嘢唔俾嘅，咁就當我無講過啦！（誤）
BEA App 下載網站： App Store: 按此 Play Store: 按此
• 不想錯過新科技 ? 請 Follow unwire.hk FB 專頁 http://facebook.com/unwirehk/
