#batangas2017

Alam mo yung feeling na batong-bato? Oo ganito ako ngayon. Akala ko talaga magiging masaya pag dumating yung araw na 'to pero ang tumal ng ganap sa bawat oras na gusto ko na lang matulog nang buong linggo.

Wala na akong ibang ginawa kundi tumanga, matulog, kumain, maglaro ng computer games, volleyball, at tumanga ulit. Sama mo na rin yung pagtambay sa bahay ng tropa buong maghapon na puro movie marathon, jamming, at kwentuhan ang nangyayari.

Dapat din nagpapahinga ako sa pag-aaral pero hindi eh, ARAL NA ARAL AKO BOI!

Bago naman matulog sa gabi, puro mga Eheads, PNE, Autotelic, Ang Bandang Shirley, Ben&Ben, at iba pang classic & indie opm yung tugtugan ko, para naman at least ma-relax sa ka-toxican ng mundo.

Wala rin akong ibang ginawa kundi isipin ka. Imagine mo yun? tambak na ako ng gawain pero nasisingit pa rin kita. Hindi ka naman ganun ka-espesyal pero sigurado din ako na hindi ikaw yung tao na basta ko na lang ibabalewala. Pambihira nga naman.

Tamad talaga akong tao pero pagdating sa'yo, hindi ko alam ba't sinisipag ako. Ganito ba feeling ng natamaan? Buwan na rin kasi yung lumipas bago ko huling naramdaman. Corny man pakinggan, wala eh... doon tayo sa totoo. Lalo pa kapag naka-motor ako mag-isa tuwing gabi, iniisip ko na paano kaya kung ikaw yung angkas ko? masesemplang siguro ako sa kilig nun. Charot lang. Iingatan kita kasi magpapakasal pa tayo. Joke lang.

PS: Sana lagi kang masaya. 💖