Tanginang puso to
Alam kong nakalaya na ako sa pasakit na naidulot mo, pero hirap na hirap padin akong palayain ang sarili ko sa kalayaan na natamo ko. TANGINA AYOKO NG GANITO Bawat patak ng luha na naibubuhos ko sa panahon na durog na durog ako, sinasabi ko sa sarili ko “TANGINA ANG TANGA KO.” Kada hikbi at hagulgol ko sa gabi, ang mga salitang binitiwan mo ang tumatatak at nag papahiwatig na kahit kailan pa man, hindi na kita makakatabi. NGUNIT TANGINANG TADHANA Binigyan nanaman ako ng rason para mapalapit sa kumag na ginago at ginamit lang ang puso ko. Palibhasa nabulag ako sa liwanag ng mga mata mo. Ni pumikit hindi ko magawa sapagkat naeengganyo ako sa mahiwagang kislap na kumukurot sa dulong ibayo ng loob ko. Gusto kong isumpa sa mundo na hinding hindi na ako babalik sa kung ano man ako nung mga panahon na labis labis kung magbigay ako ng pagmamahal sayo. Pero tangina isang ngiti mo lang bigla bigla ko nalang naibabato sa kalawakan lahat ng sinabi ng utak ko sabay pintig na mabilis ng puso ko. Gusto ko isumbat sayo lahat ng kagaguhang ginawa mo, lahat ng kalapastangan na naidulot mo sa puso ko, lahat lahat ng sakit, kirot at dusa na napagdaanan ko nung iniwan mo ako. INIWAN MO AKO Ikaw ang dahilan ng lahat ng putanginang tula na nagagawa ko mula pag lubog ng araw hanggang sa pag sibol ng buwan. Ikaw ang dahilan sa lahat ng alak na nalagok at nagpainit sa aking lalamunang tuyot na tuyot na sa di malamang dahilan. Ikaw ang kada yosi na sinisindihan ko, alam kong hindi ako bihasa sa ganito, ngunit lahat ng paraan gagawin ko, makalimutan lang ang putanginang tulad mo. Ikaw ang dahilan sa lahat ng pagbabago ko, ikaw ang laging tinatatak sa isip ko. Ikaw na winasak at pinaglaruan ang puso kong bagong usbong lamang sa kamunduhang dulot ng mundo. Kaya tangina, AYAW KO NA SAYO.
