#away bata

Ang daming pinopost na status yung sister kong 6th grader recently sa Facebook and halatang may pinaparinggan siya. Nacurious naman ako so tinanong ko siya if may kaaway siya sa school or something.

Meron nga siyang kaaway. Simple lang naman yung pinagmulan --misunderstanding. Eh kasi naman daw yung seatmate niya tsaka siya may pinaguusapan about sa isang bagay tapos nakita sila ng classmate nilang nagtatawanan, eh di akala nung kaklase nilang yun na siya yung pinaguusapan kaya nagalit na siya. Eh alam mo naman 'pag bata, naghahanap ng kakampi. Kaya yung kapatid ko tsaka seatmate niya, kalaban ang buong section nila. You and Me Against the World ang drama.

Umiyak daw siya kanina kasi di man lang siya pinagexplain. Nagdabog siya sa room nila, here and there kasi napaka-immature ng mga kaklase niya [parang siya hindi] at naubos na rin ang napakahaba niyang pasensya. Naiinis siya sa mga kaklase niya kasi ang bilis daw magalit. Eh sabi ko ganun talaga 'pag mga bata.

Naalala ko lang nung elementary pa 'ko ganyan din ako, naghahanap ng mga kakampi pag may kaaway tapos sinisiraan cheber pa yung kaaway sa ibang classmates. Nakakatawa lang kasi 'pag nagbati na kami nung kaaway ko ay okay na rin ang buong mundo. Nakakatuwa.

Dumadaan talaga tayo sa stage na kung saan napaka-immature natin sa mga bagay-bagay. At dahil sa mga ito, natututo tayo kung paano tayo makisama at naiiwasan yung mga away. Pero minsan hindi talaga naiiwasan ang hindi pagkakaintindihan kaya natututo din tayo kung paano tayo maging mature when it comes to dealing with these things.