#aggrement

To learn more about SLA development and other legal consultancy services, visit https://sprgroup.co.

View On WordPress

یروشلم (جیسی این رپورٹ)اسرائیلی وزیراعظم نیتن یاہو نے متحدہ عرب امارات سے باہمی تعلقات کا معاہدہ طے پانے کے باوجود مغربی کنارے کو اسرائیل میں شامل کرنے کا منصوبہ ختم نہ کرنے کا اعلان کیا ہے۔عرب میڈیا کے مطابق اسرائیلی وزیراعظم نیتن یاہو نے متحدہ عرب امارات سے معاہدے کے ایک روز بعد ہی اپنے بیان میں مغربی کنارے کو اسرائیل میں ضم کرنے سے متعلق اہم بیان دیا۔انہوں نے کہا کہ متحدہ عرب امارات سے باہمی تعلقات کے معاہدے کے تحت وہ مغربی کنارے کو اسرائیل میں ضم کرنے کے منصوبے میں تاخیر پر رضا مند ہیں لیکن یہ منصوبہ اب بھی ان کی ٹیبل پر موجود ہے۔اسرائیلی وزیراعظم نے ٹی وی پر خطاب میں کہا کہ انہوں نے صرف اس منصوبے میں تاخیر پر رضا مندی ظاہر کی تھی لیکن وہ اپنے حقوق اور اپنے زمین کے لیے کبھی پیچھے نہیں ہٹیں گے۔نیتن یاہو کا کہنا تھا کہ اسرائیل کی خودمختاری کو بڑھانے کے منصوبے میں کوئی تبدیلی نہیں ہوئی، مغربی کنارے کے علاقوں میں امریکا کے ساتھ مکمل ہم آہنگی کے ساتھ ہماری خودمختاری ہے۔دوسری جانب متحدہ عرب امارات کے ڈپٹی سپریم کمانڈر شہزادہ محمد بن زاید النہیان کی جانب سے ٹوئٹر پر بیان جاری کیا گیا ہے جس میں ان کا کہنا تھا کہ یو اے ای نے اسرائیل کے مغربی کنارے کے علاقوں کو ضم کرنے کے منصوبے کا جائزہ لیا۔انہوں نے کہا کہ فلسطینی علاقوں کو مزید اسرائیل میں ضم کرنے سے روکنے کے لیے ایک معاہدہ کیا گیا۔عرب میڈیا کے مطابق متحدہ عرب امارات کے وزیر خارجہ نے میڈیا بریفنگ میں کہا کہ زیادہ تر ممالک اسے دو ریاستوں کے درمیان محفوظ حل کے لیے اہم قدم کے طور دیکھیں گے۔علاوہ ازیں فلسطینی صدر محمود عباس نے متحدہ عرب امارات اور اسرائیل کے درمیان معاہدے کو سختی سے مسترد کیا ہے اور عرب لیگ کا ہنگامی اجلاس Read the full article

https://wire.thearabianpost.com

#Intermediate #TOEFL #Vocabulary of the day: #deal #English #Language #Learning #aggrement #bargain #contract #understanding

عرفان حسین -سائپرس اور کشمیر مشرقی بحرِ قلزم میں ایک متنازع جزیرہ ، سائپرس9000 قبل ازمسیح سے آباد ہے ۔ اس کی خوبصورتی اور موجودہ تاریخ بہت حد تک کشمیر سے مطابقت رکھتی ہے ۔ دونوں پر تاریخ کا بوجھ موجود، اوردونوں پر طاقتور ہمسایوں کی مرضی چلتی ہے ۔ سائپرس ہیٹی سلطنت (Hittite Empire) کا حصہ تھاجسے چوتھی صدی قبل ازمسیح میں سکندر ِ اعظم نے فتح کیا۔ اس کے بعد اسے Ptolemaic Egypt میں شامل کرلیاگیا۔ اس طرح یہ جزیرہ رومن سلطنت کا حصہ بن گیا۔ اس کے بعد اسلامی دور میں اس پر مسلمان سپاہ نے قبضہ کرلیا اوراس طرح یہ تین صدیوں، (643-966) تک اسلامی خلافت کا حصہ رہا۔  حکمرانوں کی متعدد تبدیلیوں کے باوجود سائپرس کو ایک یونانی جزیرہ ہی سمجھا جاتا ہے ، اور اس کے روابط یونان سے بہت مضبوط ہیں۔ اگرچہ یہ ترکی کی عثمانی سلطنت کا بھی حصہ رہا لیکن آج بھی اس کی 78 فیصد آبادی یونانی ہے ۔ یہاں مسلمانوں کی تعداد صرف 18 فیصد ہے ۔ ترکی نے پہلی جنگ ِ عظیم میں جرمنی کا ساتھ دیا اور اس کی شکست کے بعد سائپرس پر برطانیہ نے قبضہ کرکے اسے کرائون کالونی قرار دے دیا۔ اس کے یونان ،جو کہ اس کی روحانی سرزمین ہے ، کے ساتھ الحاق کے لیے ڈالے جانے والے دبائو نے پر تشدد شکل اختیار کرلی ۔ برطانوی فورس نے اسے سختی سے دبادیا، لیکن یہ آگ اندر ہی اندر سلگتی رہی ۔  اس تحریک کے رد ِعمل میں ترک آباد ی نے بھی سخت موقف اپنا لیااور یونان کے ساتھ الحاق کی مخالفت شروع کردی۔ اس کے نتیجے میں نسلی اور مذہبی بنیاد پر تنائو بڑھ گیا اور 1963 ء میں اس نے تمام جزیرے پر ایک خانہ جنگی کی کیفیت پیدا کردی۔ دونوں قومیتوں کے درمیان دشمنی کی فضا گہری ہوگئی ۔ جب جولائی 1974 ء میں سائپرس اور یونان کے درمیان الحاق کا معاہدہ ہواتو ترک حکومت نے جزیرے پر فوج کشی کرتے ہوئے اس کے ایک تہائی حصہ پر قبضہ کرلیا ۔تمام تر تنقید کے باوجود ترکی نے ٹرکش ری پبلک آف نارتھ سائپرس کو تسلیم کرلیا۔ پاکستان نے ترکی کے ساتھ اظہار ِ یک جہتی کرتے ہوئے اسے نہ صرف تسلیم کرلیا بلکہ ٹرکش ری پبلک آف نارتھ سائپرس کو اسلام آباد میں اپنا سفارت خانہ بھی قائم کرنے کی اجازت دے دی۔ تاہم اس کے علاوہ کسی اور ملک نے اسے تسلیم نہ کیا۔  اُس وقت سے لے کر اب تک جزیرے کومتحد کرنے کی بہت سی کوششیں ہوچکی ہیں۔جس دوران یونانی حصہ میں سائپرس ، جو کہ ری پبلک آف سائپرس کہلاتا ہے، نے معاشی طور پر ترقی کی اور وہ یورپی یونین کا حصہ بن گیا ، لیکن ترکی کے قبضے میں جزیرہ معاشی طور پر پسماندہ ہے ، اور وہاں سیاحوں کے لیے کوئی کشش نہیں۔ نہ ہی غیر ملکی سرمایہ کاروں کو اس میں کوئی دلچسپی ہے ۔ سائپرس بہت دیر سے ترکی کے پائوں میں چبھے ہوئے کانٹے کی طرح ایک پریشان کن مسئلہ رہا ہے کیونکہ اس نے اس ترکی کی یورپی یونین میں شمولیت کے لیے دی جانے والی درخواست کی بھرپور مخالفت کی ہے ۔ ترکی یونانی سائپرس کے جہازوں کو اپنے بندرگاہوں میں داخل ہونے کی اجازت نہیں دیتا، اور ایسا کرنا یورپی یونین کے قوانین کی خلاف ورزی ہے ۔  نفرت بھری تاریخ کے باوجود اب دونوں حصوں کے الحاق کی بات ہورہی ہے ۔ اب دونوں حصوں کو احساس ہوچکا ہے کہ اختلافات سے انہیں کوئی فائدہ نہیں ہوا، چنانچہ بہتر ہے کہ سائپرس کے دونوں حصوں کا الحاق کردیا جائے ۔ اس سلسلے میں ''ضامن طاقتوں‘‘ ، برطانیہ، ترکی اور یونان کی ملاقات اگلے ماہ جنیوا میں متوقع ہے ۔ تاہم تمام شرکا طیب اردوان کی آخری لمحے الحاق کی کوشش کو تارپیڈو کرنے کی صلاحیت سے پریشان ہیں۔ مسٹر اردوان انتہائی قوم پرست ہیں اور اُنہیں یونان پر کسی طو ر اعتماد نہیں۔ چنانچہ اُن کی طرف سے کسی سخت رد ِعمل کا خطرہ خارج ازامکان نہیں۔ درحقیقت اُن کی ایتھنز کے لیے دشمنی مزید بڑھ چکی ہوگی کیونکہ گزشتہ سال ترک حکومت کے خلاف ناکام شب خون کے بعد کچھ ترک افسران اردوان حکومت کے عتاب سے بچنے کے لیے یونان چلے گئے تھے ۔ یونان کی ایک عدالت نے فیصلہ دیا کہ اُنہیں واپس ترکی نہیں بھیجا جائے گا۔ چنانچہ دونوں ہمسایوں کے درمیان تنائو بہت شدید ہے ۔ حال ہی میں دونوں ممالک کی گن بوٹس کے تصادم کی بھی نوبت آئی ہے ۔  جب میں 1960ء کی دہائی میں ترکی میں ایک طالب علم تھا تو سائپرس کی ترک آبادی کے حق میں اکثر مظاہرے ہوتے تھے ، لیکن اب ترکی میں یہ جذبات سرد ہوچکے ہیں۔ اسی طرح جذباتی نعرے بھی قصۂ پارینہ دکھائی دیتے ہیں۔ یورپ کے لیے سائپرس کا دارالحکومت ، نکوسیا (Nicosia) صرف وہی واحد شہر ہے جو ابھی تک دولخت ہے ۔ یورپی یونین کے سفارت کاروں نے اسے اکٹھا کرنے کے لیے بہت کوشش کی ہے ۔ اس ضمن میں کچھ پیش رفت بھی دکھائی دی ، اور اختلافات کی حدت کم کرنے کی کوشش کی گئی ، لیکن اب ایک دوسرے سے رابطہ رکھے بغیر ایک نسل پروان چڑھ چکی ہے ۔ اُن کے لیے وہی ایک ریاست ہے جسے وہ جانتے ہیں۔اگر دونوں حصوں کے درمیان کھینچی جانے والی سبز لکیر مٹ گئی تو یہ دیکھنا دلچسپی سے خالی نہ ہوگا کہ وہ ایک دوسرے سے کس طرح روابط قائم کرتے ہیں۔ کیا وہ ماضی کے تعصبات کو بھلا کر آگے بڑھ پائیں گے یا ایک دوسرے کو معاف کردیں گے ؟اس میں کوئی شک نہیں کہ اُنھوںنے ایک دوسرے کو معاف بھی کرنا ہے اور ماضی کو بھلانا بھی ہے ۔ ساٹھ اور ستر کی دہائیوں میں ہونے والی خانہ جنگی میں طرفین کے ہزاروں افراد ہلاک ہوئے تھے ۔ ایک بڑے پیمانے پر نسلی کشی بھی ہوئی تھی ۔  سائپرس اور کشمیر کی تقسیم کے درمیان ایک اہم فرق یہ ہے کہ اگرچہ سائپرس کو اکٹھا کرنے کے لیے دنیا سرگرم ِ عمل ہے ، لیکن کشمیر کوبہت تک سردخانے میں ڈال دیا گیا ہے ۔ اگر اس طرف عالمی طاقتیں کبھی توجہ کرتی بھی ہیں تو صرف اس لیے کہ پاکستان اور انڈیا، دونوں ایٹمی طاقتیں ہیں، اور دونوں کشمیر پر متعدد جنگیں لڑچکے ہیں۔ دوسری طرف سائپرس کے معاملے پرکو ئی بھی دونیٹو ارکان کو آپس میں لڑتے نہیں دیکھنا چاہتا۔ امید کی جانی چاہیے کہ جنیوا میں ہونے والے مذاکرات نتیجہ خیز ثابت ہوں گے اور دونوں حصے مل جائیں گے ۔ وہ ایک پرجوش لمحہ ہوگا۔ دنیا سے جنگ اور تنائو کا ایک اور مقام پرسکون ہوجائے گا۔ تاہم افسوس ، دیگر بہت سے مقامات ہنوز سلگ رہے ہیں۔ بشکریہ: روزنامہ دنیا

امن کے سوداگر -ڈاکٹر لال خان گزشتہ ہفتے اقوام متحدہ کی سلامتی کونسل نے گلبدین حکمت یار کے خلاف عائد پابندیاں اٹھانے کا فیصلہ کیا ۔ حکمت یار حزب اسلامی نامی انتہا تنظیم کا سربراہ ہے اور 1978ء کے افغان انقلاب کے خلاف امریکی سامراج کی پشت پناہی سے لڑی جانے والی رد انقلاب جنگ اوراس کے بعد1990ء کی دہائی میں ا فغان خانہ جنگی کا مشہور کمانڈررہا۔سلامتی کونسل کے اس فیصلے سے قبل ستمبر میں افغانستان کی کٹھ پتلی حکومت اور حکمت یار کے درمیان بڑی حد تک خاموشی سے ایک معاہدہ طے پایا تھا جس کی رو سے حکمت یار کو ماضی کے تمام حملوں، دہشت گردی اور قتل عام سے عام معافی دیتے ہوئے اس کے مکمل سیاسی حقوق بحال کر دیے گئے ہیں۔حزب اسلامی سے تعلق رکھنے والے کئی قیدی رہا کر دئے گئے ۔ اقوام متحدہ نے حکمت یار کے منجمد شدہ اثاثے بھی بحال کر دیے ہیں اور اس پر عائد سفری اور اسلحے کی پابندی اٹھا لی ہے۔ بظاہر اس کا مقصد حکمت یار کے ذریعے حکومت اور طالبان کے دھڑوں اور دوسرے متحارب گروپوں کے ساتھ 'امن معاہدہ‘ کرنے کی کوششیں ہیں یا پھر اس اقدام سے طالبان اور دیگر مسلح گروپوں کی مذاکرات میں شمولیت کی راہ ہموار کی جا رہی ہے۔نیٹو افواج شکست خوردہ ہو کر پسپائی اختیار کر چکی ہیں۔ دسمبر2014ء سے ان کے فوجی آپریشن رسمی طور پر ختم ہو چکے ہیں۔اس کے باوجود گزشتہ برس جولائی میں افغانستان میں تعینات8400امریکی فوجیوں کو طالبان کے خلاف حملے کرنے کے مزید اختیارات دئیے گئے ہیں اور سابق امریکی صدر اوباما نے مزید جارحا نہ حکمت عملی اپنانے کا عندیہ دیا تھا۔یہ شکست خوردہ سامراج کے فرار کی ایک مایوس کن کوشش تھی جس کا انہیں الٹا نقصان بھگتنا پڑ گیا۔2016ء میں ہلاک اور زخمی ہونے والے فوجیوں کی تعداد پچھلے تین برس میںسب سے زیادہ تھی۔ 9فروری 2017ء کو افغانستان میں قابض افواج کے سربراہ امریکی جنرل جان نکلسن نے امریکی گانگرس سے ہزاروں مزید فوجیوں کا مطالبہ کیا ہے۔ امریکہ کے پاکستان کے ساتھ تعلقات پر نظر ثانی کی سفارش کے علاوہ جنرل نے کہا کہ ''میرے خیال میں ہم ایک بند گلی میں پھنس چکے ہیں‘‘۔امریکہ سمیت دوسرے کئی سامراجی ممالک نے ستمبر2016ء کے معاہدے کا خیر مقدم کرتے ہوئے اسے افغانستان میں قیام امن کی راہ میں ایک اہم قدم قرار دیا ہے۔یہ بذات خود ان اس جنگ میں ان کی اپنی ناکامی کا اعتراف ہے۔ سولہ سال سے جاری یہ جنگ امریکی تاریخ میں کسی ملک پر طویل ترین قبضہ ہے۔ مغربی سامراجی طاقتوں کی شکست اور زوال کی موجودہ کیفیت میںافغانستان میں علاقائی سامراجی قوتوں کی مداخلت بڑھ گئی ہے۔روس،ہندوستان،ایران اور چین وغیرہ ایک پراکسی جنگ میں ملوث ہیں اورمختلف جنگجو سرداروں، قوم پرستوں اورطالبان کے مختلف دھڑوں کی پشت پناہی کر رہے ہیں۔افغانستان میں داعش کے مبینہ طورپرابھرنے سے اس جنگ کے پرانے کھلاڑی خودکو خطرے میں محسوس کررہے ہیں۔کئی بنیاد پرست گروہوں نے اپنی دہشت کو بڑھانے کے لیے داعش کانام استعمال کرناشروع کر دیاہے تاکہ بھتے،منشیات،اغوا برائے تاوان اور دیگر جرائم کی آمدن میں اضافہ کیا جا سکے۔ افغانستان کی موجودہ حکومت بہت نحیف اوراس کی عملداری بہت محدود ہے۔اگرآج امریکی فوجی نکل جائیں تو یہ حکومت قائم نہیں رہ سکتی۔اوراس پر حکومت اورایجنسیوں کے اندرونی اختلافات بھی شدیدہیں۔نام نہادصدر اشرف غنی اورچیف ایگزیکٹیوعبداللہ عبداللہ کے درمیان سیاسی کشمکش شدت اختیارکرتی جارہی ہے۔حال ہی میں کراچی میں افغان کونسل خانے میں ایک سفارت کارکے قتل کو اسی اندرونی لڑائی کا حصہ قرار دیا جارہا ہے۔ اشرف غنی طالبان اوردوسرے گروپوں کی طرح اپنے داخلی اتحادی بدلتارہتاہے۔پہلے اس کاجھکائوپاکستان کی جانب تھالیکن ایک سال بھی نہیں گزراکہ وہ ہندستان کی جانب چلا گیا۔لیکن ہندوستان روائتی طورپرشمالی اتحاد کا حامی رہا ہے جو عبداللہ عبداللہ کے ساتھ ہیں۔ حکمت یارکے ساتھ طے پانے والی یہ ڈیل اورمسلسل اتحادبدلنے کا یہ عمل اشرف غنی کی حکومت کی کمزوری کو ظاہرکرتا ہے۔حکمت یار1992ء میں غداری کے نتیجے میں نجیب حکومت کے خاتمے کے بعدبننے والی حکومت میں کچھ عرصے کے لیے وزیراعظم کے عہدے پرنامزد رہا ہے۔ایک صحافی نے اسے''قابل قصاب‘‘قراردیاتھا۔ہیومن رائٹس واچ کے مطابق وہ''افغانستان میں جنگی جرائم کے بدنام ترین ملزموں میں شمارہوتاہے‘‘اوراس کی واپسی سے '' سزاسے بچ نکلنے کی روایت مزید مضبوط ہو گی‘‘ جس کی وجہ سے اس کی افواج کے مظالم کے شکارکئی افرادانصاف سے محروم ہیں۔  6اکتوبر2016ء کو الجزیرہ کے ایک مضمون کے مطابق''1990ء کی دہائی میں خانہ جنگی میں اقتدارحاصل کرنے کے لیے وہ (حکمت یار)تمام متحارب دھڑوں کے ساتھ اتحاد بناتا رہا جن میں اس کے بدترین دشمن مثلاً ازبک لیڈرجنرل عبدالرشید دوستم،ہزارہ لیڈرعبد العلی مزاری شامل ہیں۔گزشتہ 30برسوں میں وہ امریکہ،پاکستان،سعودی عرب اورایران کی انٹیلی جنس ایجنسیوں کا تنخواہ خوار رہا ہے۔خانہ جنگی کے دوران منصب صدارت کے حصول کی خاطراس نے کابل پر ہزاروں راکٹوں سے حملے کیے جن میں ہزاروں شہری ہلاک اورزخمی ہوئے۔اس کے ماضی پرنظرڈالیں تو پھراس نئی امن ڈیل میں حکمت یارکے ساتھ اس کی سفاکی اورہوس اقتدار بھی لوٹ آئے گی‘‘۔ افغانستان میںسامراجی بری طرح پٹ چکے ہیں لیکن اس کا یہ مطلب نہیں کہ طالبان کو فتح حاصل ہوئی ہے۔ایسے میں ہرحکومت غیرمستحکم اوراسکی اتھارٹی بہت محدود ہوگی۔نسلی اورقومی بنیادوں پرکوئی تحریک نہیں بن سکتی بلکہ اس سے مزید انتشارپھیلے گا۔مذہبی اورفرقہ وارنہ اتحاداور گروپ محض نام کی حدتک موجودہیں۔یہ سب زیادہ تر جرائم پیشہ گینگ ہیں اور ان کے لیڈرعام سپاہیوں پرکنٹرول برقراررکھنے کے لیے مذہب اورنسل کو استعمال کرتے ہیں۔ ان سپاہیوں کی تنخواہیں اکثرافغانستان کی قومی فوج سے زیادہ ہوتی ہیں۔ بظاہر ایسا لگتا ہے کہ ایک خونریزی کے نتیجے ملک جلد ہی ٹکڑے ٹکڑے ہو جائے گا۔لیکن صدیوں سے جاری ان جنگوں میں کبھی ایسا نہیں ہوا۔اور نہ ہی کبھی کوئی سامراجی قوت افغانستان پر قابل ذکروقت تک قبضہ برقرار رکھ سکی ہے۔ لیکن موجودہ پاکستان اور کسی حدتک ایران میں رہنے والے لوگوں کے ساتھ صدیوں گھلنے ملنے سے ایک ایسی جڑت پیدا ہوئی ہے جس میں تنازع بھی ہے اور اخوت بھی۔تاریخ کے کئی مراحل میں مختلف حکمرانوں اور ان کی ریاستوں کی تشکیل سے اس خطے کے محروم اور مجبور عوام کی ثقافتی اور سماجی جڑت میں اضافہ ہوا ہے۔لسانی اور مذہبی قربت اس اپنائیت کو گہرا کرتی ہیں۔انہوں نے نہ صرف غیر ملکی حملہ آ وروں اور سامراجوں کی جارحیت کو مل کر سہا ہے بلکہ ان کی اپنی قوم، مذہب، فرقے ،برادری اور قبائل کی اشرافیہ نے انہیں بار باردھوکے دیے ہیں۔اس استحصال اور ظلم کے نتیجے میں ایک بلند سطح کی جڑت نے جنم لیا ہے، یہ محنت اور طبقے کی جڑت ہے۔ اگر یہ لڑائی موجودہ سرحدوں کو عبور کر چکی ہے تو پھر آنے والی تحریکیں اور انقلابی بغاوتیں بھی ان سرحدوں، نسلوں، قومیتوں، مذہبی منافرتوں اور ماضی کے تعصبات کی تمام تقسیموں کو رد کر دیں گی۔ آخر ثور انقلاب کے بعد امریکی سامراج کی جانب سے ڈالر جہاد شروع کرنے کا بنیادی مقصد اس انقلاب کو ہمسایہ ممالک اور علاقوں تک پھیلنے سے روکنا تھا۔ یہ خطے میں سامراجی مفادات اور بالا دستی پر ایک کاری ضرب ثابت ہوتا۔ سامراجی اس خطے کے عوام میں پھیلتی ہوئی انقلابی لہر کو بھانپ رہے تھے۔چناچہ سی آئی اے کی تاریخ کا سب سے بڑا خفیہ آپریشن لانچ کیا گیا۔ آج کی افغان نسل نے اس دور کے بارے میں صرف سنا ہی ہے جب انکا ملک صدیوں کے بہیمانہ استحصال اور ظلم سے باہر نکلنا شروع ہوا تھا۔یہ انقلابی روایات اس تاریک راستے کے پار امید کی وہ کرنیں ہیں جو آنے والے عہد میں ان تحریکوں کو پھر سے ابھار سکتی ہیں جو مستقبل کو امن، خوشحالی او ر عوام کی نجات سے بھرپور بنا سکیں۔ اس خطے کے مجبور طبقات کے لیے واحد راستہ، بنیاد پرستی، دہشت گر دی اور سامراجی قبضے کی بنیاد اس کالے دھن اور سرمائے کے چنگل سے انقلابی آزادی ہے۔ بشکریہ روزنامہ دنیا

Green Hilton Memorial Building Geneva (USA and Indonesia), hoax???