#afonydd

Mae'r map o 1818 yn defnyddio ‘Cymmeran’ - felly, mae'n cadarnhau, dwi'n meddwl, mai ‘cymer’ ydi tarddiad 'Cymyran’. Hefyd, does dim golwg o afon yn mynd o Lyn Maelog i Draeth Llydan, felly mae'n amlwg bod hi wedi cael ei hadeiladu. http://www.oldmapsonline.org/map/britishlibrary/002OSD000000026U00282000

‘Traeth Cymyran simply means “beach at the confluences”’. Doeddwn i ddim yn siŵr o hwn i ddechrau, ond: 1. Gyda help Maredudd ap Rheinallt ar FB, dwi'n meddwl mai o'r gair ‘cymer’ mae ‘cymyran’ wedi dod. 2. Yn ‘Afonydd Môn’, mae'r aber rhwng Ynys Cybi a gweddill Môn wedi ei nodi fel 'Afon Cymran’; mae afon arall, 'Carnau’, yn llifo mewn i hon ychydig i'r gogledd. Hwn ydi'r 'cymer’ am wn i.

Yn dilyn fy nhrwyn o'r llinellau am ‘Llifon’, chwilio am hanes Goronwy Owen yn llythyrau'r Morrisiaid ydw i. Roedd Lewis yn fapiwr, wrth gwrs, ac mae hwn yn mynd a fi yn ôl at post echddoe lle roeddwn i'n trio i nabod yr afonydd. (Yn Arfon ac Eifionydd mae enwau afonydd ar y pontydd, sy'n helpu.) Mae'r ffordd mae'r llythyrau yn newid nôl ac ymlaen rhwng y ddwy iaith yn ddiddorol hefyd.

Yn dilyn fy nhrwyn o'r llinellau am ‘Llifon’, chwilio am hanes Goronwy Owen yn llythyrau'r Morrisiaid ydw i. Roedd Lewis yn fapiwr, wrth gwrs, ac mae hwn yn mynd a fi yn ôl at post echddoe lle roeddwn i'n trio i nabod yr afonydd. (Yn Arfon ac Eifionydd mae enwau afonydd ar y pontydd, sy'n helpu.) Mae'r ffordd mae'r llythyrau yn newid nôl ac ymlaen rhwng y ddwy iaith yn ddiddorol hefyd.