میکسیکو میں اڑان بھرنے کے 5 منٹ بعد ہی طیارہ گر کر تباہ، 85 افراد زخمی #Aeroplain #Maxico #aajkalpk #international #felldown میکسیکو سٹی: شمالی میکسیکو میں ایک مسافر طیارہ گر کر تباہ ہونے سے 85 افراد زخمی ہوگئے، تاہم خوش قسمتی سے کسی ہلاکت کی اطلاع نہیں ملی۔ خبر رساں ادارے رائٹرز کے مطابق میکسیکو کی ریاست ڈورنگو کے ایک ایئرپورٹ سے اڑان بھرنے کے 5 منٹ بعد ہی ایرو میکسیکو کا طیارہ زمین پر آگرا۔ طیارے میں 2 شیرخوار بچوں اور عملے کے 4 ارکان سمیت 103 افراد سوار تھے۔تاہم طیارے کے گرتے ہی اس میں آگ لگنے سے قبل مسافروں اور عملے نے جہاز سے چھلانگ لگا دی اور محفوظ رہے۔ میڈیا پر نشر کی گئی تصاویر میں دیکھا جاسکتا ہے کہ جہاز بالکل تباہ ہوچکا ہے اور اس میں سے دھواں اٹھ رہا ہے۔ ڈورنگو کے گورنر جوش روساس ایسپورو نے بتایا کہ جہاز کا بایاں پر (Wing) زمین سے ٹکرایا، جس سے اس کے 2 انجنز کو نقصان پہنچا۔ انہوں نے مزید بتایا کہ طیارے میں آگ لگنے سے قبل ہی مسافر ایمرجنسی دروازوں سے نکلنے میں کامیاب ہوگئے، حادثے میں جہاز کا پائلٹ سب سے زیادہ زخمی ہوا، تاہم اس کی حالت بھی اب خطرے سے باہر ہے۔
