#5.2.2023

الفترة دي السنة اللي فاتت كانت صعبة فشخ، وكانت بداية الكابوس، بس دماغي كالعادة بتنسيني كل حاجة ودايمًا بلوم نفسي خلال اليوم إني مكونتش موجودة بما فيه الكفاية وقتها وإني أنانية وإني مستاهلش أكون في الحالة دي دلوقتي عشان وقتها مكونتش مهتمة كفاية ولا كنت متاحة واللي كان فارق معايا هو مشاكلي معاهم أو حاجات جانبية فشخ مش هي الأهم وقتها. الحاجة الوحيدة اللي بتساعدني أفتكر شوية هي يومياتي، واللي بقالي فترة بردو من قبل اللي حصل ومن بعده مبقدرش أكتبها باستفاضة ولا بتفصيل، بس النهارده لقيت إني من سنة كاتبة "طبعا فيه مشاكل تانية نفسيًا يعني حاساها بسببهم بس كله مش مهم عشان صحة ---- دلوقتي" ومبقولهاش بتريقة، بعنيها فعلًا، إن كله يهون بس هو يكون أحسن ويقوم بالسلامة ويعدي من ده، وطبعًا يعني زي ما هو واضح ده محصلش. عيطت أول ما قريت يومها وبعيط عشان أنا أسوأ حد بيتعامل معايا، رغم إني بقرأ أوقات إني كنت معاه وإني اتحملت كتير بس بردو بجلد نفسي على كل لحظة كنت بشتغل أو نايمة فيها أو بعمل أي حاجة غير إني أكون جنبه وملازماه، حتى لو هو نايم ومش محتاجني أو مش عايزني جنبه، كان لازم بردو أكون موجودة. فيه حاجات وحشة فشخ حصلت فترتها وحتى قبلها على طول تبرر ليه مكونتش ببقى متاحة عشانه. يعني وحشة لدرجة إنه لما حضنني وباسني من سنة النهارده فكرت إنه عمل ده بس عشان أنا موجودة وعمله مع اللي قبلي، فاللي هو بالمرة. مش عارفة أسمح لنفسي بجزء من الرحمة والتسامح اللي بتعامل بيه مع اللي حواليا، ولا عارفة أسامح نفسي على اللي كنته من سنة، ولا أصلًا. حتى دلوقتي وأنا بيتقالي كلام يسم بدني عن الموضوع ده من ---- عشان دي طريقته في إنه يتعامل مع حزنه -يعني أحا والله حتى الأذى ده بعرف أبررهوله- بردو مش هيكون أبشع من الكلام اللي بقوله لنفسي كل يوم. أنا عارفة إني مش السبب في موته، بس بردو مش قادرة أسامح نفسي عليه. كان لازم أعمل أكتر.

ساكن في حي السيدة وحبيبي على بُعد مترين...

كل مرة بخرج من البيت وبشوف رجالة أو بتعامل معاهم بستغرب فشخ إن احنا اللي بيتقال علينا هستيريين ومجانين ومضطربين ومينفعش نكون في منصب سُلطة ولا لينا أي حكم عشان هرموناتنا مسوحانا يا عيني😃 معلش والله!

Well, this is gonna be a tough one to explain. Who starts a conversation like this? Umm, me. Sorry, buddy. But like it's impossible for me to fucking let go. You of all people know this best.